كاسىپوداقتار فەدەراتسياسى نۇرسۇلتان نازارباەۆتى قولدايدى

استانا. 13 ناۋرىز. قاتارىندا 2 ميلن.-نان استام مۇشەسى بار كاسىپوداقتار فەدەراتسياسى ءىس باسىنداعى مەملەكەت باسشىسى نۇرسۇلتان نازارباەۆتىڭ كەزەكتەن تىس پرەزيدەنتتىك سايلاۋعا كانديداتۋراسىن ۇسىنۋىن تولىعىمەن قولدايدى. كاسىپوداق توراعاسىنىڭ ورىنباسارى قايرات ايتۋعانوۆ وسىلاي دەدى. بۇل تۋرالى «قازاقپارات» حابارلادى. ق.ايتۋعانوۆ: «قازاقستاندا ەڭبەك ادامى ءۇشىن قاجەتتى بارلىق جاعداي جاسالىپ وتىر. ەل پرەزيدەنتى باستاماشى بولعانى «نۇر جول» باعدارلاماسى اياسىندا جۇزدەگەن مىڭ جۇمىس ورىندارى اشىلۋدا. مەملەكەت ءوزىنىڭ الەۋمەتتىك مىندەتتەمەلەرىن تولىعىمەن ورىندايدى», – دەدى. كاسىپوداقتار فەدەراتسياسىنىڭ نەگىزگى مىندەتىن تۇسىندىرە كەتەر بولساق, ول الەۋمەتتىك-ەڭبەك قاتىناستارى سالاسىنداعى مەملەكەتتىك ساياساتتى ازىرلەپ, ىسكە اسىرۋعا ىقپال ەتەدى, جالدامالى جۇمىسكەرلەردىڭ الەۋمەتتىك-ەكونوميكالىق قۇقىقتارىن قورعاۋدى ۇيىمداستىرۋدا ءتۇرلى جۇمىستار جۇرگىزەدى جانە دەموكراتيالىق كۇشتەردىڭ جالپىۇلتتىق كواليتسياسىنىڭ مۇشەسى رەتىندە ەلدىڭ قوعامدىق-ساياسي ومىرىنە اتسالىسادى. فەدەراتسيانىڭ ءباسپاسوز قىزمەتى حابارلاعانداي, اتقارۋشى كوميتەت مۇشەلەرى ەل پرەزيدەنتىنىڭ كاسىپوداق قوزعالىسىن قالىپتاستىرۋ جانە دامىتۋداعى ءرولىن اتاپ ءوتىپ, ەلباسى ساياساتىنىڭ ارقاسىندا ەڭبەككەر مەملەكەتتىڭ باستى تىرەگىنە اينالعانىنا باستى نازار اۋدارىپ وتىر. – پرەزيدەنتتىڭ قازاقستان حالقىنا جولداۋلارى, ستراتەگيالىق قۇجاتتار مەن مەملەكەتتىك باعدارلامالار ەلدىڭ تابىستى الەۋمەتتىك-ەكونوميكالىق دامۋىنا, ەڭبەككەر مارتەبەسىنىڭ وسۋىنە, الەۋمەتتىك-ەڭبەك قاتىناستارىنىڭ جەتىلدىرىلۋىنە, جۇمىسسىزدىقتى ازايتۋ, قوعامدىق بىرلەستىكتەر مەن كاسىپوداقتاردىڭ ازاماتتىق قوعامدى قالىپتاستىرۋداعى ءرولىنىڭ ارتۋىنا باعىتتالعان, – دەپ اتاپ ءوتتى كاسىپوداقتار فەدەراتسياسى اتقارۋشى كوميتەتىنىڭ مۇشەلەرى. جولدىباي بازار. دەرەك: «قازاقپارات». سۋرەت: old.vkp.ru.