اتىراۋ جاستارى «نۇر وتان» پارتياسىنىڭ ۇسىنىسىن قولدادى

اتىراۋ. 12 ناۋرىز. اتىراۋداعى كوللەدجدەر مەن جوعارى وقۋ ورىندارىنىڭ ستۋدەنتتەرى «اتىراۋ – جاستار تاڭداۋى» قوعامدىق بىرلەستىگىنىڭ ۇيىمداستىرۋىمەن فلەشموب وتكىزدى. سول ارقىلى «نۇر وتان» پارتياسىنىڭ نۇرسۇلتان نازارباەۆتىڭ كانديداتۋراسىن كەزەكتەن تىس پرەزيدەنت سايلاۋىنا ۇسىنۋىنا قولداۋ ءبىلدىردى. بۇل تۋرالى egemen.kz ءتىلشىسى حابارلادى. فلەشموبتى وتكىزۋگە «قازاقستان–2050» جالپىۇلتتىق قوزعالىسى, اتىراۋ ەرىكتىلەر كورپۋسى مەن «جاس وتان» جاستار قاناتى سەكىلدى قوعامدىق ۇيىمدار قولداۋ ءبىلدىردى. قولدارىنا ەلتاڭبا مەن جالاۋشالار ۇستاعان جاستار ءانۇراندى, «ەلىم مەنىڭ», «كوك تۋدىڭ جەلبىرەگەنى» جانە «اتامەكەن» سىندى پاتريوتتىق اندەردى شىرقادى. «بۇل فلەشموبتى وتكىزۋدەگى باستى ماقسات – العاش رەت داۋىس بەرەتىن زامانداستارىمىزدىڭ سايلاۋعا قاتىسۋ بەلسەندىلىگىن وياتىپ, ەلدىڭ كەلەشەككە سەنىمدىلىگىن نىعايتۋ. ويتكەنى, ءبىزدىڭ قازاقستانىمىز – ءوزىمىزدىڭ الەۋەتىمىزدى كوتەرىپ, جان-جاقتى دامۋىمىزعا ەڭ قولايلى ەل. سول سەبەپتەن, ءبىز ەلىمىزدىڭ كەلەشەكتەگى يگىلىگى ءۇشىن ءوز تاڭداۋىمىزدى جاسايمىز», – دەيدى «اتىراۋ – جاستار تاڭداۋى» قوعامدىق بىرلەستىگىنىڭ توراعاسى رينات عيلاجەۆ. جولداسبەك شوپەعۇل. دەرەك: egemen.kz. سۋرەت: راحىم قويلىباەۆ.