سولتۇستىكقازاقستاندىق ءۇش تۇلەكتىڭ ءبىرى تەحنيكالىق ءبىلىمدى تاڭدايدى

پەتروپاۆل. 13 ناۋرىز.  ساۋالداماعا قاتىسقان 9-11 سىنىپ وقۋشىلارىنىڭ ۇشتەن ءبىرى تەحنيكالىق ماماندىقتار العىلارى كەلەتىنىن جازعان. بۇل تۋرالى  وبلىستىق كاسىپكەرلەر پالاتاسىنىڭ ءباسپاسوز قىزمەتى حابارلادى. الەۋمەتتىك ساۋالداماعا  وبلىس ورتالىعى مەن 13 اۋداننان 6 مىڭ وقۋشى تارتىلىپ,  وزدەرىنىڭ تاڭداۋلارىن جاساعان.  ونىڭ قورىتىندىلارىنا قاراعاندا,  3 مىڭ وقۋشى مەكتەپتەن كەيىن كوللەدجگە ءتۇسۋدى ءجون كورگەن. ولاردىڭ  1 518-ءى  وڭىردەگى  وقۋ ورىندارىندا , 955-ءى  ەلىمىزدىڭ وزگە ايماقتارىندا,  550-ءى كورشى رەسەيدە ءبىلىم العاندى ءجون كورگەن. 2 716 تۇلەك  جوعارى ءبىلىمدى مامان اتانۋعا نيەتتى. ساۋالداماعا قاتىسقان تۇلەكتەردىڭ  35 پايىزىنىڭ تەحنيكالىق ماماندىقتى تاڭداۋى قۋانتارلىق  قۇبىلىس. جىل وتكەن سايىن تەحنيكالىق ماماندىقتى  قالاۋشىلاردىڭ ۇلەسىنىڭ ارتىپ  كەلە جاتقانى بايقالادى.  مۇنىڭ ءوزى ەلباسىنىڭ يننوۆاتسيالىق- يندۋستريالاندىرۋ تۋرالى يدەياسىن جاستاردىڭ  قولداپ وتىرعانىن كورسەتسە كەرەك, دەيدى  ساراپشى يرينا توروپوۆا. ءومىر ەسقالي. دەرەك: كاسىپكەرلەر پالاتاسىنىڭ ءباسپاسوز قىزمەتى. سۋرەت: egemen.kz