باتىس قازاقستاندا اكىمگە ايىپپۇل سالىندى

ورال. 13 ناۋرىز. باتىس قازاقستان وبلىسى بوكەي ورداسى اۋدانى سارالجىن اۋىلدىق وكرۋگىنىڭ اكىمى قۋانتاي راشقاليەۆ مەملەكەتتىك قىزمەت ەتيكاسىنا سايكەسپەيتىن تەرىس ءىس-ارەكەت كورسەتكەن. بۇل تۋرالى egemen.kz ءتىلشىسى حابارلادى. اكىم بيىلعى جىلدىڭ 5 اقپانىندا اۋىل اكىمدىگى عيماراتىندا ازاماتشا ا.بيعاليەۆانى بالاعاتتاعان. وسىعان بايلانىستى ول قر اكىمشىلىك قۇقىق بۇزۋشىلىق كودەكسىنىڭ ءتيىستى بابى مەن تارماعىنا سايكەس ايىپتى دەپ تانىلدى. سوعان ساي وعان ون ايلىق ەسەپتىك كورسەتكىش كولەمىندە ايىپپۇل سالىندى. بۇعان قوسا, بوكەي ورداسى اۋدانى اكىمى بەرگەن مىنەزدەمەدە ق.راشقاليەۆتىڭ ەڭبەك ءتارتىبىن ساقتاي بەرمەيتىنى, جۇمىس ۋاقىتىندا ىشىمدىك ىشەتىنى كورسەتىلگەن. مۇنداي تەرىس قىلىقتارى ءۇشىن اۋدان اكىمىنىڭ وكىمىمەن ول قاتاڭ سوگىس تۇرىندەگى تارتىپتىك جاۋاپكەرشىلىككە تارتىلعان. وسىنى ەسكەرە كەلىپ قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى باتىس قازاقستان وبلىسىنداعى تارتىپتىك كەڭەسى ءوز وتىرىسىندا ونى ار-نامىس كودەكسى تالاپتارىنا سايكەس قىزمەتىنەن بوساتۋ تۋرالى ۇسىنىس جاسادى. تەمىر قۇسايىن. دەرەك: egemen.kz. سۋرەت: maxpark.com.