داعدارىستار – وتپەلى, قۇندىلىقتار – ماڭگىلىك

سەنبى كۇنى «نۇر وتان» پارتياسى توراعاسىنىڭ ءبىرىنشى ورىنباسارى اسقار مىرزاحمەتوۆ استانا قالاسىنىڭ زيالى قاۋىم وكىلدەرىمەن كەزدەستى. كەزدەسۋگە جازۋشى, مەملەكەتتىك سىيلىقتىڭ لاۋرەاتى نەسىپبەك ايت ۇلى, «ەگەمەن قازاقستان» اق پرەزيدەنتى ساۋىتبەك ابدراحمانوۆ, قازاق­ستاننىڭ ەڭبەك سىڭىرگەن قايراتكەرى, ءماجىلىس دەپۋتاتى الدان سمايىل, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى, تاريح عىلىمدارىنىڭ دوكتورى ەرلان سىدىقوۆ, جازۋشى, مەملەكەتتىك سىيلىقتىڭ لاۋرەاتى قاجىعالي مۇحانبەتقالي ۇلى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى, اكادەميك سەيىت قاسقاباسوۆ, جازۋشى, حالىقارالىق «الاش» سىيلىعىنىڭ لاۋرەاتى, قوعام قايراتكەرى مىرزاكەلدى كەمەل, كورنەكتى عالىم, قازاقستاننىڭ ەڭبەك سىڭىرگەن قايراتكەرى نامازالى وماشەۆ, مەملەكەت تاريحى ينستيتۋتىنىڭ ديرەكتورى, تاريح عىلىمدارىنىڭ دوكتورى بۇركىتباي اياعان, اقىن, حالىقارالىق «الاش» سىيلىعىنىڭ لاۋرەاتى داۋلەتكەرەي كاپ ۇلى جانە باسقا بەلگىلى تۇلعالار قاتىستى. «داعدارىستار – وتپەلى, قۇندىلىقتار – ماڭگىلىك» تاقىرىبىمەن وتكەن جيىندا پارتيانىڭ ەلدىڭ مادەني-رۋحاني دامۋىنداعى, قوعامنىڭ بىرلىگى مەن ىنتىماعىن ارتتىرۋداعى قىزمەتى مەن ماقسات-مىندەتتەرى, ەلباسى ۇسىنعان ۇلى دالا ۇعىمىن قالىپتاستىرۋ جانە وسىناۋ جالپىحالىقتىق ىستەگى زيالى قاۋىمنىڭ ءرولى ءسوز بولدى. ۇلتتىڭ مادەني-رۋحاني وركەندەۋى ەلدىڭ تۇتاس دامۋىندا اسا ماڭىزدى ورىن الاتىنىنا توقتالعان پارتيا توراعاسىنىڭ ءبىرىنشى ورىنباسارى ءوز سوزىندە ەلدەگى جەتەكشى ساياسي كۇش رەتىندە «نۇر وتاننىڭ» اتقارىپ جاتقان جۇمىستارى تۋرالى اڭگىمەلەدى. «ەلباسى حالىقتىق بەس رەفورمادا بولاشاعى ءبىرتۇتاس ۇلتتى قالىپتاستىرۋدا مەملەكەت قۇراۋشى ۇلت رەتىندە حالقىمىزعا ەرەكشە جاۋاپكەرشىلىك جۇكتەلەتىنىن اتاپ كورسەتتى. وسىناۋ ىستە وزدەرىڭىزدەي ەل جاقسىلارىنىڭ اتقاراتىن ءرولى ەرەكشە. مەملەكەت باسشىسىنىڭ تاۋەلسىزدىكتى نىعايتۋ جولىنداعى باتىل باستامالارىنىڭ جۇزەگە اسۋى ەلدىڭ مادەنيەتى مەن ادەبيەتىنىڭ, ونەرىنىڭ دامۋىنا سۇبەلى ەڭبەك سىڭىرگەن سىزدەردىڭ كوز الدارىڭىزدا. الداعى ۋاقىتتا قوعامدى وسى قول جەتكەن جەتىستىكتى ءارى قاراي جالعاستىرۋعا جۇمىلدىرۋ پارىز. بۇگىنگى كەزدەسۋدە باستى ماقسات – وزدەرىڭىزبەن وسى ماسەلە بويىنشا وي ءبولىسۋ», – دەدى ا. مىرزاحمەتوۆ. پارتيا توراعاسىنىڭ ءبىرىنشى ورىنباسارى «داعدارىستار – وتپەلى, قۇندىلىقتار – ماڭگىلىك» تاقىرىبىمەن وتكەن كەزدەسۋ بارىسىندا جاھاندىق ەكونوميكالىق قيىندىقتار تۇسىندا ەلىمىزدىڭ سىن-قاتەرلەردەن سۇرىنبەي ءوتۋى ءۇشىن قوعامداعى بىرلىكتىڭ نىعايا ءتۇسۋى بارىنشا ماڭىزدى ەكەنىنە, وسى تۇستا زيا­لى قاۋىمعا ۇلكەن سەنىم ارتىلاتىنىنا توقتالدى. سونىمەن قاتار, جيىندا ەلباسىنىڭ قازاقستاندى الەمگە ۇلى دالا ۇرانىمەن تانىتۋ جونىندەگى يدەياسىنىڭ كوكەيكەستىلىگى, وسىناۋ ۇعىمدى ۇلتتىق برەند رەتىندە قالىپتاستىرۋ ماسەلەسى جان-جاقتى ايتىلدى. بۇگىندە پارتيا 865 مىڭنان استام نۇروتاندىقتىڭ باسىن قوسىپ وتىرعان بولسا, سونىڭ ىشىندە زيالى قاۋىمنىڭ ۇلەسى اۋقىمدى. ەل يگىلىگى جولىنداعى باستامالارعا قوعامدى جۇمىلدىرۋدا پارتيالاستاردىڭ 30,4%-ىن, ياعني 263 341 ادامدى قۇرايتىن ءبىلىم مەن عىلىم, مادەنيەت سالاسىنىڭ وكىلدەرى  اسا ۇلكەن كۇش. ولار پارتيانىڭ قوعامنىڭ بىرلىگى مەن ىنتىماعىن بەكەمدەۋگە باعىتتالعان كەشەندى دە اۋقىمدى شارالارىنا سۇبەلى ۇلەس قوسىپ كەلەدى. بيىل بارشا قازاقستان حالقى كەڭىنەن مەرەكەلەپ جاتقان قازاق حاندىعىنىڭ 550, ۇلى جەڭىستىڭ 70, قازاقستان حالقى اسسامبلەياسى مەن قازاقستان رەسپۋبليكاسى كونستيتۋتسياسىنىڭ 20 جىلدىعى مەرەكەلەرىنە «نۇر وتان» پارتياسى ايرىقشا باسىمدىق بەرىپ, وسى اتاۋلى مەرەيتويلار اياسىندا ءتۇرلى شارالار وتكىزىپ كەلەدى. «نۇر وتان» قوعامدا بىرلىك پەن ىنتىماقتى ساقتاۋ مەن قازاقستاندىق ءپاتريوتيزمدى قالىپتاستىرۋ بو­يىنشا جۇيەلى جۇمىس جۇرگىزۋدە. مادەنيەت پەن ونەردى قولداۋ جونىندەگى «ميراس» قوعامدىق كەڭەسى الاڭىندا ءبىلىم مەن مادەنيەتتى ساقتاۋ جانە دامىتۋ, مەملەكەتتىك ءتىلدىڭ اياسىن كەڭەيتۋ سياقتى كوكەيكەستى ماسەلەلەر كەڭىنەن تالقىلانىپ, شەشىمىن تابۋدا. ءار كەزدەگى وتىرىستاردىڭ قورىتىندىسى بويىنشا پارلامەنت پەن ۇكىمەتكە, ءتيىستى مينيسترلىك­تەرگە مادەنيەت پەن رۋحانياتتىڭ ءتۇرلى باعىتتارىن دامىتۋدى كوزدەگەن 300-گە جۋىق ناقتى ۇسىنىستار ازىرلەنىپ, جولداندى. بۇل ۇسىنىستار كەڭەستىڭ تۇراقتى قاداعالاۋىندا. اڭگىمە بارىسىندا وتاندىق مادەنيەتتى دامىتۋ ماسەلەلەرى مەن بۇگىنگى ادەبيەتتىڭ بەتالىسى جايلى ءسوز بولدى. زيالى قاۋىم وكىلدەرى ۇلتتىق قۇندىلىقتار, ۇرپاق تاربيەسى, ءداستۇر ساباقتاستىعى تۋرالى ورەلى اڭگىمەلەر ايتىپ, اشىق پىكىر الماستى. كەزدەسۋدىڭ سوڭىندا پارتيا توراعاسىنىڭ ءبىرىن­شى ورىنباسارى قوناقتاردى كونستيتۋتسيانىڭ 20 جىلدىق مەرەيتويىمەن قۇتتىقتاپ, شىعارماشى­لىق تابىس تىلەدى.