پرەزيدەنتتىكتەن ۇمىتكەر باقتيار ەستەمەسوۆ ەمتيحاننان وتە المادى

استانا. 13 ناۋرىز. ورتالىق سايلاۋ كوميسسياسى ەلوردالىق كاسىپكەر باقتيار ەستەمەسوۆتى پرەزيدەنتتىككە ۇمىتكەر رەتىندە تىركەۋدەن باس تارتتى. بۇل تۋرالى gazeta.kz حابارلادى. «باقتيار وكسىكباي ۇلى ەستەمەسوۆ تۋمىسىنان قازاقستان رەسپۋبليكاسىنىڭ ازاماتى. 1972  جىلى تۋعان. 12 ناۋرىزداعى قر پرەزيدەنتتىگىنە ۇمىتكەردىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيانىڭ 13-ءشى قورىتىندىسىنىڭ نەگىزىندە باقتيار وكسىكباي ۇلى ەستەمەسوۆ مەملەكەتتىك ءتىلدى ەركىن مەڭگەرمەگەن. وسىنىڭ نەگىزىندە باقتيار وكسىكباي ۇلى ەستەمەسوۆ قر كونستيتۋتسياسىنا جانە «سايلاۋ تۋرالى» زاڭىنىڭ تالاپتارىنا سايكەس ەمەس دەپ بەلگىلەنسىن. باقتيار وكسىكباي ۇلى ەستەمەسوۆتى قر پرەزيدەنتتىگىنە ۇمىتكەر رەتىندە تىركەۋدەن باس تارتىلسىن دەگەن ۇسىنىس ەنگىزەمىن», – دەدى لينگۆيستيكالىق كوميسسيانىڭ مۇشەسى ءلاززات سۇلەيمەن. ايتا كەتەيىك, زاڭ بويىنشا قازاقستاندا تۋىپ-وسەكەن, جاسى قىرىقتان اسقان, مەملەكەتتىك تىلدە جاتىق سويلەيتىن جانە سوڭعى 15 جىلدا قازاقستاندا تۇراتىن ازاماتتار پرەزيدەنت بولىپ سايلانا الادى. جولدىباي بازار. دەرەك, سۋرەت: gazeta.kz.