الماتىدا ءجۋرناليستى ءولتىردى دەگەن كۇدىكتى ۇستالدى

استانا. 13 ناۋرىز. الماتىلىق پوليتسەيلەر جۋرناليست يلونا ەكشەمباەۆانىڭ ولىمىنە قاتىسى بار دەگەن كۇدىكپەن ەر ادامدى ۇستادى. بۇل تۋرالى قالالىق ىشكى ىستەر دەپارتامەنتىنىڭ ءباسپاسوز قىزمەتى حابارلادى. حابارلامادا كورسەتىلگەندەي, 44 جاستاعى الماتىلىق ەر ادام يلونا ەكشەمباەۆانىڭ ازاماتتىق نەكەدەگى كۇيەۋى بولعان. ولار ىشىمدىك ىشكەن سوڭ ءوزارا جانجالداسىپ قالىپ, ونىڭ سوڭى قايعىلى جاعدايعا اپارىپ سوققان. كۇدىكتى ەش جەردە جۇمىس ىستەمەيتىن كورىنەدى. قازىر اتالعان دەرەك بويىنشا, قىلمىستىق كودەكستىڭ 99-بابىمەن قىلمىستىق ءىس قوزعالدى. كۇدىكتى ۋاقىتشا وقشاۋلاۋ كامەراسىنا قامالدى. تەرگەۋ امالدارى جالعاسۋدا. ايتا كەتەيىك, كۇنى كەشە اقپارات قۇرالدارىندا 40 جاستاعى جۋرناليست يلونا ەكشەمباەۆانىڭ مۇردەسى الماتىداعى ۇيىنەن تابىلعانى تۋرالى حابار تاراعان.پوليتسەيلەردىڭ ايتۋىنشا, ونى پىشاقتاپ ولتىرگەن. جۋرناليست «ليتەر» باسىلىمىندا, قالالىق ىشكى ىستەر دەپارتامەنتىنىڭ ءباسپاسوز قىزمەتىندە جۇمىس ىستەگەن. جولدىباي بازار. دەرەك: الماتى قالالىق ىشكى ىستەر دەپارتامەنتىنىڭ ءباسپاسوز قىزمەتى. سۋرەت: alashainasy.kz.