ساپتاعى سارباز جۇرەگىندەگى سەنىم

«استانا كۇنى» مەرەكەسى قارسا­ڭىندا قازاقستان رەسپۋبليكاسى قارۋلى كۇشتەرى اسكەري پوليتسياسى باس باسقارماسىنىڭ عيما­راتىندا سالتاناتتى جيىن بولىپ ءوتتى. مەرەكەلىك ءىس-شارا مەملەكەتتىك ءانۇراندى ورىنداۋ­مەن باستالىپ, ۇزدىك اسكەري قىزمەتشىلەردى ماراپاتتاۋ تۋرالى باس باسقارما باس­شىسىنىڭ بۇيرىعى وقىلدى. سونى­مەن بىرگە, باسقارمانىڭ ءتار­بيە جانە يدەولوگيالىق جۇمىستار ءبولىمىنىڭ ۇيىتقى بولۋى­مەن داي­ىن­دالعان ەلوردانىڭ كەشەگىسى مەن ءبۇ­گى­نىنەن حابار بەرەتىن فوتوسلايدتار ەل نازارىنا ۇسىنىلدى. استانانىڭ كۇن ساناپ قانات جايىپ كوركەيىپ كەلە جاتقان كەرەمەت كورىنىستەرىن اسكەريلەر اسا قىزىعۋشىلىقپەن تاماشالادى. شىنىندا دا, تاۋەلسىزدىكتىڭ سيمۆولىنا اينالىپ, ەۋرازيانىڭ قاق ورتاسىندا قانات جايىپ, كوك ءتى­رەگەن ءزاۋلىم سارايلارمەن, جەل­كىل­دەگەن جاسىل جەلەكپەن كوم­كە­رىل­گەن جاس قالا بار­شا قازاق­ستاندىقتاردىڭ جۇرە­گىنە ماق­تا­نىش ۇيالاتتى. ىلە-شالا جۋىر­دا عانا ەل تەلەارنالارى­نان كور­سە­تىل­گەن ەلباسىنىڭ كورەگەن­دىگى مەن كە­مەڭ­گەرلىگىنىڭ انىق دالەلى بول­عان دەرەك­تى فيلم جۇرتشىلىق نازا­رىنا ۇسىنىلدى. اسەم استانا­نىڭ ەۋرازيا, كۇللى الەم كوز تىك­كەن, مادەني-ەكونوميكالىق ورتالىق­قا اينالۋىنا مۇمكىندىك بەرىپ, كە­­شەگى قيىن-قىستاۋ كەزەڭدە ەل­ور­­دا­نى ەسىلگە كوشىرۋ تۋرالى باس­­تاما كوتەرىپ, ەلدىڭ دامۋىنا سەر­پىن بەرگەن ەلباسى جايىنداعى دەرەك­تى ءفيلمدى اسكەريلەر اسقان قىزى­عۋشىلىقپەن كوردى. ءسوز اراسىندا ايتا كەتسەك, مە­رە­­كەلىك ءىس-شارادان بىرەر كۇن بۇ­رىن باسقارما باسشىلىعىمەن قازاق­­ستان رەسپۋبليكاسى تۇڭعىش پرەزيدەنتىنىڭ مۇراجايىنا ەكس­كۋر­سيا ۇيىمداستىرىلىپ, اسكە­ريلەر ەلىمىزدىڭ جاڭا تاريحىنداعى سان الۋان وزگەرىستەرگە, تىڭ شەشىم­دەر مەن باتىل جوبالاردىڭ باستا­لۋىنىڭ كۋاسى بولعان ءبىرىنشى رەزي­دەنتسيانى ارالاپ تانىستى. كورسە­تىلىمنەن كەيىن اسكەريلەر وزدەرىنىڭ فيلمدەگى ءار جىلدارداعى سيۋجەتتەرگە, فيلمدە قامتىلعان بارشا ءما­سەلەلەرگە بايلانىستى ءوز وي-پىكىر­لەرىن ءبىلدىرىپ جاتتى. ول ورىندى دا. ەلدەگى بەيبىتشىلىك پەن تىنىشتىقتىڭ باعاسىن كۇندەلىكتى بەس قارۋىن اسىنىپ, كەز كەلگەن ۋاقىتتا وتاندى قورعاۋعا دايىن تۇرعان اسكەريلەر وتە جاقسى بىلەدى. ەرتەڭگى كۇنگە دەگەن كوڭىلدەرىنە سەنىم ۇيالاتقان ەلباسىنا شەكسىز العىستارىن بىلدىرگەن اسكەري قىزمەتشىلەردىڭ ارقايسىسى دا ءوز مىندەتتەرىن ادال ورىنداپ, كاسىبي بىلىكتىلىكتەرىن ارتتىرا تۇسۋگە مىندەتتەمەلەر الدى. امانگەلدى قياس, «ەگەمەن قازاقستان».