جاۋىنگەرلىك جاراۋلار

قازاقستانداعى جالعىز تاۋلى-ەگەرلىك روتادا 50 ات بار 91678 اسكەري ءبولىمى ارنايى ماقساتتاعى تاۋلى-ەگەر­لىك روتاسىنىڭ اسكەري قىز­مەتشىلەرىنە تاۋلى جەرلەردە قىزمەت اتقارۋعا, وقۋ-جاتتىعۋ تاپسىرمالارىن ورىنداۋعا اتتار كومەكتەسەدى. ولار ءاس­كەري تەحنيكا وتە المايتىن شاتقالدى تاۋلى جەرلەردەن جەكە قۇرامدى تاسىمالدايدى. تاۋلى-ەگەرلىك روتانىڭ ءار اسكەري قىزمەتشىسىنە ءبىر اتتان بەكىتىلگەن. العاشىندا جانۋارلارمەن نۇسقاۋشى جۇمىس ىستەيدى, ودان سوڭ ات دايارلىعى بويىنشا جاتتىعۋلارعا تارتىلادى. جاقىن ارادا وسىنداي ساباق «وڭتۇستىك» وڭىرلىك قول­­­باسشىلىعىنىڭ «تەرىس-اششىبۇلاق» پوليگونىندا ءوت­كىزىلدى. بۇل جەردە ءار جاۋ­ى­ن­­گەر ءوز اتىمەن جەكە ءجا­نە توپ قۇرامىندا شارتتى قار­­سى­لاستىڭ شابۋىلىنا تويتارىس بەرۋ جونىندە مانەۆر جاسادى. ارنايى ماقساتتاعى تاۋ­لى-ەگەرلىك روتا 2000 جىلى قۇرىلعان جانە بۇگىنگى كۇنى قازاقستاننىڭ قارۋلى كۇش­تەرىندە وسى باعىتتاعى جالعىز روتا بولىپ تابىلادى. سونىمەن قاتار, 91678 اسكەري بولىمدە تەڭدەپ ارتۋ-كولىكتىك روتاسى بار. ولار تاۋلى-ەگەرلىك روتانى قامتاماسىز ەتۋمەن, اسكەري جۇكتەردى جەتكىزۋمەن اينالىسادى. «ەگەمەن-اقپارات».