ءوندىرىس وركەنى

الماتىلىق “اۆرورا-اگرو” جى­لىجاي جۇيەسىن ۇلعايتىپ جاتىر. الماتى وبلىسى, قاراساي اۋدا­نىنداعى ەلتاي اۋىلىنداعى “اۆ­رورا-اگرو” شارۋا قوجالىعى 7 گەك­تار جەرگە ورنالاسقان جىلى­جاي­­لارىندا قيار مەن قىزاناق, سونداي-اق راۋشان گۇلدەرىن وسىرۋدە. قازىر قوجالىق الىپ جاتقان القاپتىڭ وڭ جاعىنا ارقايسىسى-نىڭ كولەمى 30ح10 مەترلىك قىرىق جىلىجاي ورنا­لاسسا, سول جاق قاپتالىندا بىرنە­شە بولىكتەن تۇ­راتىن اسا اۋقىم­دى جىلىجايدىڭ قۇرىلىسى جۇرگىزىلۋدە. جۇمىس ىستەپ تۇرعان جىلىجايلاردا باعاسى قىمباتتىعى­نا قاراماستان وزىنە سالىنعان قارا­جاتتى اقتاپ تۇرعان تۇركيالىق تەح­نولوگيا مەن جارعاق پايدالانىلسا, جاڭادان سالىنىپ جاتقاندارداعى جۇمىس رەسەيلىك تەحنولوگيا بويىن­شا جۇزەگە اسى­رىلۋدا. سونىمەن بىرگە, بىرنەشە جىلعى تاجىريبە بارىسىندا ءوزىن­دىك تەحنولوگيا دا ويلاپ شىعا­رىلىپ, قولدانىلۋدا. مۇندا, باستى نازار مەن كۇش ەكولو­گيالىق جاعىنان تازا ءارى ساپالى كوكونىستەر وسىرۋگە اۋدارىلادى. باتىس قازاقستاندا رەسپۋبليكا بيۋدجەتىنەن قۇيىلعان ينۆەستيتسيا كوبەيۋدە. بيىلعى ءبىرىنشى جارتى­جىلدىقتا رەسپۋبليكالىق بيۋدجەت ەسەبىنەن قۇيىلعان ينۆەستيتسيا كولەمى 8,1 ملرد. تەڭگەنى قۇراپ, وتكەن جىلعىدان 2,4 ەسەگە ءوستى. اتالمىش قارجى ورال قا­لاسىندا اۋىسىمىنا 500 ادام قابىلدايتىن ەمحانا, زەلەنوۆ اۋدانى, پەرەمەتنىي اۋىلىندا 120 توسەكتىك اۋرۋحانا, تەرەكتىنىڭ اقجايىعىندا 100 توسەكتىك اۋرۋحا­نانى ىسكە قوسۋعا مۇمكىندىك بەردى. سونىمەن قاتار, اقجايىق اۋدانى, چاپاەۆ اۋىلىندا اۋىسى­مىنا 250 ادام قابىلدايتىن ەمحانا, ورالدا 200 توسەكتىك بالالار اۋرۋحاناسى, قاراتوبە, تاسقالا اۋداندارى ور­تالىق­تارىندا 100 ورىندىق ين­تەر­­نا­تىمەن قوسا 300 ورىندىق مەك­تەپ عيماراتتارى جانە باسقا ماڭىزدى نىساندار دا قۇرىلىسى جالعاسۋدا. پەتروپاۆلدا 5 ينۆەستيتسيالىق جو­با جۇزەگە اسادى. 2010-2020 جىل­دارعا ارنالعان ۇدەمەلى يندۋستريا­لىق-يننوۆاتسيالىق دامۋ باعدارلا­ماسىنىڭ اياسىندا ورىندالاتىن بۇل نىسانداردىڭ قاتارىندا ماشينە قۇرىلىسى سالاسىنداعى ءۇش جوبا, اگرو­ونەركاسىپتىك كەشەن مەن اۋىل شارۋاشىلىعى سالاسىن­دا ءبىر جوبا جانە قۇرىلىس يندۋس­ترياسى مەن قۇرىلىس ماتەريال­دارىن شىعارۋدا ءبىر جوبا بار. “زيكستو” اق-تا پەرسپەك­تي­ۆا­لىق جانە ارنايى تەمىر جول پلات­فورماسىن جاساپ شىعارۋ جانە ونى پايدالانۋعا بەرۋ جو­باسى ىسكە اسىپ جاتىر. جوبانىڭ جالپى قۇ­نى 108 ملن. 400 مىڭ تەڭگە. ىشكى رى­نوكقا شىعارۋ ءۇشىن 300 ارنايى پلاتفورما دايىنداپ شىعارۋ جوس­پارلانىپ وتىر. قازىرگى تاڭدا سەر­تي­فيكاتسيالىق سىناقتان ءوتۋ ءۇشىن سانكت-پەتەربۋرگ قالاسىنا جىبەرىل­گەن تاجىريبەلىك ۇلگى دايىندالدى. جالپى, سولتۇستىك قازاقستان وبلىسى بويىنشا  ۇدەمەلى يندۋس­تريالىق-يننوۆاتسيالىق دامۋ باعدارلاماسى اياسىندا بەس جىل ىشىندە 27,4 ميلليارد تەڭگەنىڭ 13 ينۆەستيتسيالىق جوباسىن جۇزەگە اسىرۋ كوزدەلگەن. “ەگەمەن-اقپارات”.