دەپۋتاتتاردىڭ العاشقى قادامى “باتىس قىتاي – باتىس ەۋروپا” اۆتوجولىن جۇرگىزىپ جاتقان “شيم-شاك نس” جشس-ءنىڭ جۇمىسىمەن تانىسۋدان باستالدى. ساپالى جول – ادام عۇمىرىنىڭ قاۋىپسىزدىگىنىڭ كەپىلى. اتالمىش جوبادان تەڭىز پەرزەنتتەرىنىڭ كۇتەر ءۇمىتى مول. كەزدەسۋ بارىسىندا جۇمىس قارقىنى, ساپاسىنىڭ جوعارى بولۋى اڭگىمە وزەگىنە اينالدى. حالىق قالاۋلىلارى مۇنان كەيىن “اقلاق” سۋ توسپاسى, “كوكارال” بوگەتىندە بولىپ جۇرتشىلىقپەن وي ءبولىستى. قاراتەرەڭ ەلدى مەكەنىندە اۋدان بالىقشىلارىمەن بولعان كەزدەسۋدە “ساراتس” جوباسىنىڭ ءى كەزەڭىندە تىندىرىلعان تولىمدى تىرلىكتەر ءسوز ەتىلدى. ورالماستاي كورىنگەن ارال تەڭىزى كەمەرىنە قايتا كەلۋدە. بالىق شارۋاشىلىعى جاندانىپ, حالىقتىڭ ءال-اۋقاتى وڭالا باستادى. مۇنىڭ ءبارى ەلباسىمىز قامقورلىعىنىڭ جەمىسى.
جيىندا ەڭبەك ارداگەرى جۇماحان وماروۆ سىندى ازاماتتار وزدەرىن تولعاندىرىپ جۇرگەن ماسەلەلەردى ورتاعا سالدى. “قۇمساي” جايلاۋىنداعى “قۇلاندى” اق-تىڭ تۇيەكەشى مۇحيت سەيىتوۆ پەن پارلامەنت دەپۋتاتتارى اراسىنداعى اڭگىمەدە مال تۇقىمىن اسىلداندىرۋ, ءونىم وڭدەۋ, وتكىزۋ, مەملەكەت تاراپىنان سۋبسيديا تولەۋ جايىندا ءسوز قوزعالدى. قازالىداعى جۇزدەسۋ اكىمدىكتىڭ ءماجىلىس زالىندا وتكىزىلدى. “باتىس قىتاي – باتىس ەۋروپا” حالىقارالىق ترانزيتتىك ءدالىزى جوباسىنىڭ ىسكە اسىرىلۋى بارىسىن تالقىلاۋعا ارنالعان جيىنعا مەردىگەر مەكەمەلەردىڭ باسشىلارى, “نۇر وتان” حدپ مۇشەلەرى, قوعامدىق ۇيىم وكىلدەرى, جەرگىلىكتى ءماسليحات دەپۋتاتتارى قاتىستى.
وبلىس كولەمىنەن سالىناتىن 811 شاقىرىم جولعا 4 باس مەردىگەر, 19 قوسىمشا مەردىگەر بەلگىلەنىپتى. وسىلايشا كوپتەگەن جەرگىلىكتى تۇرعىندار جۇمىسپەن قامتىلۋدا. وسىلار جايىن ءسوز ەتكەن مۇرات ابەنوۆ مەردىگەر كومپانيالاردىڭ زاڭ تالاپتارىن ورىنداۋى, قورشاعان ورتاعا زيانىن كەلتىرمەۋى دەپۋتاتتار نازارىندا تۇرعانىن جەتكىزدى. ولاردىڭ جاتار ورنى, باسپانا, تاماقتانۋ جايى, جالاقىسى قىراعى قاداعالانۋى قاجەت. كەيبىر مەردىگەرلەردىڭ جۇمىسىندا ولقى تۇستار بارىن جاسىرۋعا بولمايدى. سانيتارلىق تالاپتار, قاۋىپسىزدىك ەرەجەسى دە مۇلتىكسىز ورىندالۋعا ءتيىستى.
پارلامەنت ءماجىلىسىنىڭ دەپۋتاتى قۇتتىقوجا ىدىرىسوۆ ەلباسى نازارىنداعى اۋقىمدى جوبانىڭ جۇرتشىلىققا تيگىزەر زور پايداسىنا توقتالدى. كەزدەسۋدە اۋداندىق ءماسليحات حاتشىسى تالايلى بورىقۇلاقوۆ, وبلىستىق باقىلاۋ جانە الەۋمەتتىك قورعاۋ دەپارتامەنتى ديرەكتورىنىڭ ورىنباسارى ابدىعازيز ءالجان, جولاۋشىلار كولىگى جانە اۆتوموبيل جولدارى باسقارماسى باستىعىنىڭ ورىنباسارى دىنمۇحاممەد ءابساتتاروۆ كۇن تارتىبىنە وراي ءوز پىكىرلەرىن ءبىلدىردى. جيىن سوڭىندا حالىق قالاۋلارى تۇرعىنداردى جەكە وتىنىشتەرى بويىنشا قابىلدادى.
جۇمابەك تابىنباەۆ. قىزىلوردا وبلىسى.
