سولتۇستىك قازاقستاندا اۋدان اكىمى تاعايىندالدى

استانا. 12 ناۋرىز. پرەزيدەنتى اكىمشىلىگىنىڭ جانە اۋداندىق ءماسليحاتتىڭ كەلىسىمىمەن, سولتۇستىك قازاقستان ءوڭىرىنىڭ باسشىسى ەرىك سۇلتانوۆتىڭ وكىمىمەن اققايىڭ اۋدانىنىڭ اكىمى بولىپ داۋرەن بوزتاي ۇلى بايتولەشوۆ تاعايىندالدى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى. د.بايتولەشوۆ 1979 جىلى الماتى قالاسىندا تۋعان. ءبىلىمى جوعارى. ماماندىعى – زاڭگەر. ەڭبەك جولىن 2003 جىلى استانا قالاسى الماتى اۋدانى پروكۋراتۋراسىنىڭ اتقارۋشى ءوندىرىس جانە سوت قاۋلىسىنىڭ زاڭدىلىعىن باقىلاۋ بويىنشا باسقارما پروكۋرورى بولىپ باستاعان. 2006-2007 جىلدارى. قاراعاندى وبلىسى اكىمىنىڭ كەڭەسشىسى, كومەكشىسى. 2007 جىلدىڭ جەلتوقسانىندا تەمىرتاۋ قالاسى اكىمى اپپاراتىنىڭ باسشىسى بولىپ تاعايىندالعان. 2008 جىلدىڭ تامىزىنان 2009 جىلدىڭ قىركۇيەگىنە دەيىن قاراعاندى قالاسى وكتيابر اۋدانى اكىمىنىڭ كوممۋنالدىق ماسەلەلەر بويىنشا ورىنباسارى بولىپ جۇمىس ىستەدى. 2009-2010 جىلدارى. قاراعاندى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باستىعى بولىپ ەڭبەك ەتتى. 2010-2012 جىلدارى ارالىعىندا «نۇر وتان» حدپ ورتالىق اپپاراتىنىڭ كادرلارمەن جۇمىس جانە قۇجاتتىق قامتۋ دەپارتامەنتىنىڭ ديرەكتورى بولدى. ال 2012 جىلدىڭ تامىزىنان وسى كەزگە دەيىن پرەمەر-مينيستر كەڭسەسى ايماقتىق دامۋ ءبولىمىنىڭ باس ينسپەكتورى بولىپ قىزمەت ەتىپ كەلگەن. جولدىباي بازار. دەرەك: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى. سۋرەت: severpost.ru.