امانتاي قاجى ءوزىن تاعى پرەزيدەنت سايلاۋىنا ۇسىندى

استانا. 12 ناۋرىز. «اتتان قازاقستان» قوزعالىسىنىڭ جەتەكشىسى, امانتاي قاجى اسىلبەك ورتالىق سايلاۋ كوميسسياسىنا كەزەكتەن تىس پرەزيدەنت سايلاۋىنا ءوزىن-ءوزى ۇسىنعان ۇمىتكەر رەتىندە تىركەلۋگە ءوتىنىش بەرگەنىن مالىمدەدى. بۇل تۋرالى Nur.kz حابارلادى. جاسى بيىل 71-گە كەلگەن امانتاي قاجى پرەزيدەنتتىككە تۇسۋگە ءبىرىنشى رەت ءوتىنىش ءبىلدىرىپ تۇرعان جوق. ول 1998, 2005 جانە 2011 جىلدارداعى سايلاۋدا ءوزىن-ءوزى ۇسىنعان بولاتىن. بىراق ورتالىق سايلاۋ كوميسسياسى بىردە قازاق ءتىلىن ءبىلۋ دەڭگەيىن انىقتايتىن ەمتيحانعا كەلمەگەنى ءۇشىن, بىردە ءوزىن قولدايتىندار قولىن جەتكىلىكتى تۇردە جيناي الماعانى ءۇشىن تىركەمەي قويعان ەدى. پرەزيدەنتتىككە كانديداتتاردى ۇسىنۋ 15 ناۋرىزدا اياقتالادى. قازىرگە دەيىن ءتورت ۇمىتكەر — ءوزىن-ءوزى ۇسىنعان ليمانا قويشيەۆا, قانات تورەگەلديەۆ, «نۇر وتان» پارتياسى اتىنان پرەزيدەنت نۇرسۇلتان نازارباەۆ, قازاقستان كوممۋنيستىك حالىقتىق پارتياسى اتىنان تۇرعىن سىزدىقوۆ قازاق ءتىلى سىناعىنان وتكەنى حابارلانعان. ولارعا وزدەرىن قولدايتىندار قولىن جينايتىن پاراقشالار بەرىلگەن. قازاقستاندا كەزەكتەن تىس پرەزيدەنت سايلاۋى 26 ساۋىردە وتەدى. مۇرات ايتقوجا.