28 شىلدە, 2010

ساربازدار قالالىق ساياباقتى كوركەيتۋدە

471 رەت
كورسەتىلدى
1 مين
وقۋ ءۇشىن
قولدارىنا قۇرال-سايماندارىن العان “جاسىل ەل” ساربازدارى ەكىنشى ساياباقتا تازا­لىق جۇمىستارىن جۇرگىزۋدە. ولارعا باس-كوز بو­لىپ جۇرگەن جەتەكشىلەرى ءاسيا ەسەلباەۆا مەن ناتاليا كولەسنيكوۆا جانە كلارا فاي­زۋل­لينا. ساياباقتى كوركەيتۋگە جاياۋ مۇسا كول­لەدجىنىڭ 23 ستۋدەنتى جۇمىلدىرىلعان. ولار­دىڭ ىشىندە ۇشتەرەك, بەلوۆكا اۋىلدارى مەن اقسۋ كەنتىنەن كەلىپ جۇمىس ىستەيتىندەر دە بار. سوندىقتان ۋاقىتتى ءتيىمدى پايدالانۋ ماق­ساتىندا جاسىلەلدىكتەر تۇسكى استى ساياباقتا ىشەدى. – بۇگىنگى كۇنى قالادا تۇراتىن بالالار دا اۋىل شارۋاشىلىعى ەڭبەك قۇرالدارىمەن جۇ­مىس ىستەۋدى ۇيرەنىپ, ءشوپ شاۋىپ, كەپكەن اعاش­تاردى كەسۋگە داعدىلاندى. “جاسىل ەل” باع­دار­لاماسى جاستاردى ەڭبەككە باۋلي وتىرىپ, ولاردىڭ وتانشىلدىق سەزىمىن وياتۋ, جاس ۇرپاق­تى ەكولوگيالىق تاربيەگە ۇندەۋ باعىتىندا زور اسەرىن تيگىزەدى. دەمالىس ساياباعىندا جۇمىس ىستەگەن كەزدە قۇرال-سايمانداردى ساقتاۋعا سايا­باق اكىمشىلىگى مەن بالالار شىعارماشىلىعى ءۇيى كومەك بەردى. سونداي-اق, ستۋدەنتتەرگە قۇرال-سايمانداردى قايراپ, كەڭپەيىلدىك تا­نىتقان “نۇر-اقسۋ” پاتەر يەلەرى كووپەرا­تي­ۆى­نىڭ توراعاسى نيكولاي زاستاۆسكيگە العى­سىمىزدى بىلدىرەمىز, – دەيدى ءاسيا ەسەلباەۆا. قالانىڭ اجارلانىپ, كوركەيە تۇسۋىنە سەلقوس قارامايتىن جاستار بۇگىنگى كۇنى قولارامەن كەپكەن بۇتالار مەن اعاشتاردى كەسىپ, شالعىمەن ءشوپ شابۋعا كىرىسكەن. سونداي-اق, قالىڭ بىتكەن ارام شوپتەردى ج ۇلىپ, قاپشىقتارعا سالىپ, تازالاۋدا. – مەن بەلوۆكا كەنتىندە تۇرامىن. “جاسىل ەل” ساربازدارى قاتارىندا جۇمىس ىستەيتىنىمە وتە قۋانىشتىمىن. بۇل باعدارلاما ارقىلى قالانى كورىكتەندىرىپ, تازالىق جۇمىستارىن جۇرگىزۋمەن قاتار, جاستار تاجىريبە جيناقتاپ, ءوز ەڭبەگىمەن قارجى تابۋ مۇمكىندىگىنە يە بولادى, – دەيدى قۇقىقتانۋ فاكۋلتەتىنىڭ 3-كۋرس ستۋدەنتى زارينا قايسارينا. اقبوتا سەيسەنباەۆا. پاۆلودار وبلىسى, اقسۋ قالاسى.
سوڭعى جاڭالىقتار