ءدىني ۋاعىزداۋشى ەگيپەت پيراميدالارىن قيراتۋعا شاقىردى

استانا. 12 ناۋرىز. كۋۆەيتتىك ءدىني ۋاعىزداۋشى يبراگيم ءال-كەنداري ەگيپەتتىك پيراميدالار مەن سفينكس فيگۋراسىن قيراتۋعا شاقىردى. بۇل تۋرالى egemen.kz ءتىلشىسى حابارلادى. ءال-كەنداريدىڭ ايتۋىنشا, فاراوندار زامانىندا مۇسىلماندار ەگيپەتكە بارعاندا پيراميدالارعا تيىسپەي, كوزىنىڭ قاراشىعىنداي ساقتاسا دا قازىرگى جاعداي باسقاشا, قازىر ءبارىن قيراتۋعا بولادى. «پيراميدالار – يدولعا تابىنۋدى بىلدىرەدى. بۇگىندە پيراميدالار تاريح, مادەنيەت پەن ساۋلەت ونەرىنىڭ تۋىندىسى دەپ ەسەپتەلەدى. سوعان قاراماستان ولاردى قيراتۋعا شاقىرامىن», دەدى ول. بۇعان دەيىن «يسلام مەملەكەتى» توبىنىڭ باسشىسى ءابۋ باكر ءال-باگدادي دە پيراميدالار مەن سفينكس فيگۋراسىن قۇلاتىپ, جەرمەن جەكسەن ەتۋ تۋرالى مالىمدەمە جاساعان بولاتىن. سول كەزدە ول: «پيراميدالاردى قيراتۋ -  دىني پارىزىمىز» دەپ ايدى اسپاننان شىعارعان. ايتقانداي, جاقىندا «يسلام مەملەكەتىنىڭ» سودىرلارى ەجەلگى نيمرۋد قالاسىن قيراتتى.  ءحىىى عاسىردا سالىنىپ, وسى كەزگە دەيىن اسسيريالىق وركەنيەتتىڭ ءبىر بەلگىسى بولىپ سانالىپ كەلگەن قالا بۋلدوزەرلەرمەن سىرىلىپ تاستالدى. داستان كەنجالين. دەرەك: egemen.kz سۋرەت: egemen.kz