اتا زاڭ – ەلدىكتىڭ بەرىك ىرگەسى

ەلدىگىمىزدىڭ ەسەلى بولۋىندا وسىدان جيىرما جىل بۇرىن قا­بىلدانىپ, مەملەكەتىمىزدىڭ تۇراق­تىلىق نىشانىنا اينالعان قا­زاقستان رەسپۋبليكاسىنىڭ كونس­­­­تيتۋتسياسىنىڭ الار ورنى بيىك. بۇگىنگى اتا زاڭىمىزدىڭ قاينار باستاۋى – تاريحتىڭ تۇكپىرىنەن تار­تىلعان, اتا-بابالارىمىزدىڭ ءومىر ءسۇرۋ داعدىسىمەن بىتە قايناس­قان تۇلعالارى اسقار تاۋداي ءاز تاۋكەنىڭ «جەتى جارعىسى», قا­سىم حاننىڭ «قاسقا جولىنىڭ» لايىق­تى جالعاسى ەكەندىگى داۋسىز. سەبەبى, ادامزات دامۋىنىڭ ءۇشىن­شى مىڭ­جىل­دىعىنىڭ قارساڭىن­دا قابىل­­دانعان اتا زاڭى­مىز ەگە­مەن ەلىمىزدىڭ قوعامدىق-ساياسي, الەۋ­مەتتىك-ەكونوميكا­لىق ءومى­رىندەگى اسا زور تاريحي وقي­عانىڭ ءبىرى بولىپ قانا قويماي, ول رەسپۋب­ليكامىزداعى ورەلى وزگەرىس­تەردى: بەيبىت ومىرگە دەگەن قۇشتار­لىعىمىزدى, قاۋىمداسۋعا دەگەن قالاۋىمىزدى, مەملەكەتىمىزدىڭ قۇقىقتىق نەگىزدەرىن, ونىڭ ساياسي جۇيەسىن, ازاماتتارىمىزدىڭ قۇقىقتارى مەن مىندەتتەرىن, مەن­شىك نىساندارىنىڭ سان الۋان­دىعىن دايەكتەپ بەردى. ەلىمىزدىڭ باستى زاڭى – قوعام­نىڭ قارقىندى قالاۋى مەن الەمدىك جۇيەنىڭ ۇزدىكسىز وزگەرىس­تەرىنە توتەپ بەرۋمەن قاتار, جاسام­پاز­دىقتىڭ كەز كەلگەنىنىڭ ىسكە اسۋىنا جول اشار مول مۇمكىندىكتەردىڭ «التىن كوپىرىنە» اينالدى. كونستيتۋتسيامىزدا وكىمەتتىڭ زاڭ شىعارۋشى, اتقارۋشى, سوت بۋىندارىنا ءبولىنۋى جانە ونىڭ وكىلەتتىكتەرىنىڭ ناقتى بەل­گىلەنۋى, نارىقتىق ەكونوميكا قاعيدالارىنىڭ كەڭ كورىنىس تابۋى, قوعام ءومىرىن دەموكراتيا­لاندىرۋ ۇدەرىستەرىنىڭ ۋاقىت وتكەن سايىن قارقىن الۋى, باستان وتكەرگەن قارجى داعدارىستارىنا قاراماستان, مەملەكەتىمىزدىڭ مە­جەلى بيىكتەردەن كورىنۋى – زايىرلى جانە قۇقىقتىق مەملەكەت قۇرۋ جولىنا تۇسكەن رەسپۋبليكامىزدىڭ الەمنىڭ باسەكەگە بارىنشا قابى­لەت­تى 30 ەلىنىڭ قاتارىنان ورىن الۋى­نىڭ باستى بەلگىلەرى دەپ بىلەمىز. بيىلعى جىلعى ايتۋلى مەرەكەلەر شوعىرىن قۇراپ وتىر­عان – قازاق حاندىعىنىڭ 550 جىل­دىعى, ۇلى جەڭىستىڭ 70 جىل­دى­عى, قازاقستان حالقى اسسام­ب­لەيا­­سىنىڭ 20 جىلدىعىنىڭ وتپەلى ەكونوميكالىق سىناقتارعا قارا­ماستان, «ءبارىمىز بىرگەمىز, بەرىك ىرگەمىز» ۇرانىن ۇستانعان كەڭ-بايتاق ەلىمىزدىڭ 130-دان استام ۇلتتارى مەن ۇلىستارى تاراپىنان اۋىزبىرشىلىكتە تويلانىپ جاتۋى دا نەگىزگى زاڭىمىزدىڭ ازاماتتارىمىزدىڭ ورتاق ارمان, تىلەكتەرىن ءبىر ارناعا ۇشتاس­تىرعاندىعىنىڭ جارقىن بەلگىسى. وسىناۋ قۋانىشتى ءساتتى پايدالانا وتىرىپ, «ەگەمەن قازاق­ستان» گازەتى وقىرماندارىن كونس­تيتۋتسيا كۇنىمەن قۇتتىقتاپ, شاڭى­راقتارىنا شاتتىق پەن بەرەكە, ىرىس پەن ىنتىماق تىلەيمىن. باقىتجان ابدىرايىم, ادىلەت ءمينيسترىنىڭ ورىنباسارى, زاڭ عىلىمدارىنىڭ دوكتورى, ۇعا اكادەميگى.