اسكەري قىزمەتشىلەر 5 كولىكتى قار قۇرساۋىنان قۇتقاردى

استانا. 12 ناۋرىز. بۇگىن تۇندە استانانىڭ قولايسىز اۋا-رايىنا قاراماستان 83205 اسكەري ءبولىمىنىڭ جەكە قۇرامى شارتتى جاۋىنگەرلىك دايارلىقتىڭ جوعارعى دەڭگەيىنە كەلتىرىلدى. بولىمشەلەر شوعىرلانۋ اۋدانىندا تاكتيكالىق-ساپتىق جاتتىعۋلارىن وتكىزد. بۇل تۋرالى BNews.kz حابارلادى. قورعانىس مينيسترلىگى ءباسپاسوز قىزمەتىنىڭ مالىمەتىنشە, وقۋ-جاتتىعۋ بارىسىندا 83205 اسكەري ءبولىمىنىڭ اسكەري قىزمەتشىلەرى استانا ماڭىنداعى پاۆلودار تاس جولى بويىندا ورنالاسقان بۇلاقساي اۋىلىندا قار قۇرساۋىنان 5 كولىكتى الىپ شىعىپ, باسقا اۆتوكولىكتەرگە جول اشتى. اتالمىش ءىس-شارانىڭ ماقساتى «جيىن», «دابىل» بۇيرىقتارى بويىنشا تاۋلىكتىك نارياد پەن ءبولىم جەكە قۇرامىنىڭ ءىس-قيمىلدارىن جاتتىقتىرۋ بولعانىن اتاپ وتكەن ءجون. سونىمەن قاتار, كولىكتەردى پاركتەن شىعارۋدى ۇيىمداستىرۋ ءتارتىبىن, پارك جانە باعىتتاردا ولاردى رەتتەۋ, مارش جاساۋ, شتابتىق ءمودۋلدى كولىكتەر كەشەنىن ورناتۋ. كولىكتەر مارش اياسىندا 1 جانە 2 اۆتوكولىك باتالوندارىنىڭ جانە 4 ءمودۋلدى دالالىق جىلجىمالى باسقارۋ پۋنكتىنىڭ اۆتوكولىك تەحنيكالارى قولدانىلدى. شوعىرلانۋ اۋدانىنا جاسالعان مارش بارلىق بەكىتىلگەن تالاپتار مەن قاۋىپسىزدىك شارالارىن ساقتاۋمەن بەكىتىلگەن باعىتقا سايكەس اتقارىلدى. مۇرات ايتقوجا.