دميتري سىچەۆ «وقجەتپەسكە» قاشان اۋىستى؟

استانا. 12 ناۋرىز. قازىر بۇل جايت وتاندىق جانكۇيەرلەرمەن قاتار رەسەيلىك مامانداردىڭ دا قىزىعۋشىلىعىن تۋدىرۋدا. نەگىزى سىچەۆتىڭ قازاقستانعا اۋىسۋ مۇمكىندىگى جايىندا اقپار اپتا بۇرىن تارادى. دەگەنمەن, ناقتى مالىمەت ءالى جاريالانعان جوق. ال گەرمانيانىڭ بەلگىلى transfermarkt.de سايتى رەسەي فۋتبولشىسىن «وقجەتپەستىڭ» ساپىنا قوسىپ قويىپتى. بۇل تۋرالى egemen.kz حابارلادى. ولاردىڭ ايتۋىنشا, سىچەۆ كوكشەتاۋلىق كومانداعا قاراشا ايىنا دەيىن جالعا بەرىلگەن. اۋىسىم قۇنى 500 مىڭ ەۆرونى قۇرايدى. دەگەنمەن, «وقجەتپەستىڭ» باس جاتتىقتىرۋشىسى ۆلاديمير مۋحانوۆ ازىرگە ناقتى ەش نارسە ايتقان جوق. تەك كوماندانىڭ رەسەيلىك فۋتبولشىعا قىزىعۋشىلىق بىلدىرگەنىن راستادى. كەشە ەل چەمپيوناتىنىڭ ەكىنشى تۋرىندا «وقجەتپەس» قىزىلوردادا جەرگىلىكتى «قايساردى» جەڭدى. ويىننان كەيىنگى ءباسپاسوز ءماسليحاتىندا مۋحانوۆ سىچەۆ تۋرالى: «ءبىزدىڭ كوماندانىڭ اۋىسىم تۋرالى قىزمەتى دميتري سىچەۆكە قىزىعۋشىلىق بىلدىرگەنى راس. الايدا, ءالى دە بولسا بۇل ماسەلە ءوز شەشىمىن تاپتى دەي المايمىن. جاسىراتىنى جوق, سىچەۆتىڭ بىزگە كەلۋ-كەلمەۋى تۋرالى مەن دە ناقتى ەش نارسە بىلمەيمىن. سەبەبى, بۇل ماسەلەنىڭ كەيبىر دەرەكتەرى مەن ءۇشىن قۇپيا. كەلىسسوزدەر تىم ۇزاققا سوزىلىپ كەتتى. ەگەر فۋتبولشى ءبىزدىڭ قاتارعا قوسىلسا, ەكى تاراپ ءۇشىن دە ءتيىمدى بولار ەدى», – دەدى. سونداي-اق, رەسەيلىك مامان قانداي جاعداي بولسىن, كومانداعا شابۋىلشىنىڭ كەرەك ەكەنىن ايتتى. بۇل جونىندە ول: «بىزگە ەكى شابۋىلشىنىڭ ءوزى ازدىق ەتەدى دەپ ويلايمىن. ىشكى بىرىنشىلىكتە جوعارى ناتيجە كورسەتۋ ءۇشىن كەمىندە ءۇش شابۋىلشى كەرەك. دەگەنمەن, بۇل ماسەلەنى ماۋسىمارالىق ۇزىلىسكە قالدىراتىن شىعارمىز», – دەدى. ايتا كەتەر جايت, كەشە ەل چەمپيوناتى اياسىندا اقتوبەدە وتكەن «اقتوبە» مەن «اتىراۋ» اراسىنداعى ويىندى سىچەۆ ستاديوننان تاماشالادى دەگەن اقپارات تارادى. دەسەك تە, بۇل حاباردى كوماندا وكىلدەرى ازىرگە راستاعان جوق. دميتري سىچەۆ بۇگىندە ماسكەۋدىڭ «لوكوموتيۆىنە» تيەسىلى ويىنشى. كەزىندە فرانتسيانىڭ «مارسەل» كومانداسىندا دا دوپ تەپكەن رەسەيدەگى بەدەلدى فۋتبولشىلاردىڭ ءبىرى. ەلامان قوڭىر. دەرەك: egemen.kz. سۋرەت: transfermarkt.de.