يسپانيانىڭ مادريد قالاسىندا وتكەن وسى ەلدىڭ اشىق ءبىرىنءشىلىگىندە قازاقستاندىق جۇزۋشىلەر 10 التىن, 7 كۇمىس, 4 قولا مەدال جەڭىپ الدى.
سوڭعى ۋاقىتتا پاراليمپياداشىلار اراسىنان سۋىرىلىپ شىعىپ تۇرعانى – جۇزۋشىلەر. دۇنيەجۇزىلىك سۋعا ءجۇزۋ جارىسىندا قازاقستاننىڭ ماڭدايى جارقىراپ تۇر. جاقىندا عانا سۆەتلانا كۋچينا جاتتىقتىرعان قاراعاندىلىق جاستار باشقۇرتستاننان 13 مەدالدى ولجالاپ قايتىپ ەدى. ەندى, مىنە, مادريد قالاسىنداعى باسەكەدە دە ءبىزدىڭ قىز-جىگىتتەر نامىستى قولدان بەرمەپتى. 22 كوماندا باق سىناعان جارىستا قازاقستاندىقتار سەگىزىنشى ورىنعا تابان تىرەگەن.
التى سپورتشىمىزدىڭ ءبىر ساپارداعى ولجاسى – 21 مەدال. جاھانعا جار سالىپ ءسۇيىنشى سۇراماساق تا, كوڭىلىمىزدى توعايتارلىق قوماقتى تابىس. وسىلاي بولاتىن ءجونى دە بار. ويتكەنى, يسپانيا اشىق بىرىنشىلىگىنە ءبىزدىڭ ەلدىڭ جۇزۋشىلەرى سايدىڭ تاسىنداي ىرىكتەلىپ باردى. مادريدتە ەل كولەمىندەگى جارىستىڭ جۇلدەگەرلەرى ەمەس, تالاي الەمدىك دودانىڭ تارتىسىندا قولتىعى سوگىلگەن ساڭلاقتار سىنعا ءتۇستى. بايقاپ قاراپ, باعامداي بەرىڭىز. باسقا جەتىستىكتەرىن ساناماعاندا, وڭتۇستىك كورەياداعى ءحى پارازيادا ويىندارىندا باس جۇلدە العان ءانۋار احمەتوۆ, ءزۇلفيا عابيدۋللينا, دميتري لي جانە قولا جۇلدەگەر سيازبەك داليەۆ اتتاندى. سونداي-اق, بۇكىلالەمدىك مۇگەدەكتەر ويىندارىنىڭ چەمپيونى ناتاليا زۆياگينتسەۆا مەن الەم چەمپيوناتىنىڭ كۇمىس جۇلدەگەرى ميحايل ەرەمەنكونى يسپانيا چەمپيوناتىنا اپارۋعا ماماندار ىقىلاسى ءتۇستى. كوردىڭىز بە, كىلەڭ بىرىنەن ءبىرى وتكەن كىل جۇيرىكتەر تاڭداپ الىنعان. ەسەسىنە سەنىم اقتالدى. مادريد تورىندە قازاقستاننىڭ كوك بايراعى ون مارتە كوتەرىلدى. ءانۋار ساڭلاق تاعى دا الدىنا قارا سالماپتى. ءار سۇڭگىگەنى ءبىر التىنعا باعالانعان ءانۋار بەس التىن مەدالمەن كەۋدەسى جارقىراپ كەلدى.
داستان كەنجالين,
«ەگەمەن قازاقستان».
سوڭعى ۋاقىتتا پاراليمپياداشىلار اراسىنان سۋىرىلىپ شىعىپ تۇرعانى – جۇزۋشىلەر. دۇنيەجۇزىلىك سۋعا ءجۇزۋ جارىسىندا قازاقستاننىڭ ماڭدايى جارقىراپ تۇر. جاقىندا عانا سۆەتلانا كۋچينا جاتتىقتىرعان قاراعاندىلىق جاستار باشقۇرتستاننان 13 مەدالدى ولجالاپ قايتىپ ەدى. ەندى, مىنە, مادريد قالاسىنداعى باسەكەدە دە ءبىزدىڭ قىز-جىگىتتەر نامىستى قولدان بەرمەپتى. 22 كوماندا باق سىناعان جارىستا قازاقستاندىقتار سەگىزىنشى ورىنعا تابان تىرەگەن.
التى سپورتشىمىزدىڭ ءبىر ساپارداعى ولجاسى – 21 مەدال. جاھانعا جار سالىپ ءسۇيىنشى سۇراماساق تا, كوڭىلىمىزدى توعايتارلىق قوماقتى تابىس. وسىلاي بولاتىن ءجونى دە بار. ويتكەنى, يسپانيا اشىق بىرىنشىلىگىنە ءبىزدىڭ ەلدىڭ جۇزۋشىلەرى سايدىڭ تاسىنداي ىرىكتەلىپ باردى. مادريدتە ەل كولەمىندەگى جارىستىڭ جۇلدەگەرلەرى ەمەس, تالاي الەمدىك دودانىڭ تارتىسىندا قولتىعى سوگىلگەن ساڭلاقتار سىنعا ءتۇستى. بايقاپ قاراپ, باعامداي بەرىڭىز. باسقا جەتىستىكتەرىن ساناماعاندا, وڭتۇستىك كورەياداعى ءحى پارازيادا ويىندارىندا باس جۇلدە العان ءانۋار احمەتوۆ, ءزۇلفيا عابيدۋللينا, دميتري لي جانە قولا جۇلدەگەر سيازبەك داليەۆ اتتاندى. سونداي-اق, بۇكىلالەمدىك مۇگەدەكتەر ويىندارىنىڭ چەمپيونى ناتاليا زۆياگينتسەۆا مەن الەم چەمپيوناتىنىڭ كۇمىس جۇلدەگەرى ميحايل ەرەمەنكونى يسپانيا چەمپيوناتىنا اپارۋعا ماماندار ىقىلاسى ءتۇستى. كوردىڭىز بە, كىلەڭ بىرىنەن ءبىرى وتكەن كىل جۇيرىكتەر تاڭداپ الىنعان. ەسەسىنە سەنىم اقتالدى. مادريد تورىندە قازاقستاننىڭ كوك بايراعى ون مارتە كوتەرىلدى. ءانۋار ساڭلاق تاعى دا الدىنا قارا سالماپتى. ءار سۇڭگىگەنى ءبىر التىنعا باعالانعان ءانۋار بەس التىن مەدالمەن كەۋدەسى جارقىراپ كەلدى.
داستان كەنجالين,
«ەگەمەن قازاقستان».
