باعىتى ايقىندالعان باعدارلاما

“نۇر وتان” حالىقتىق-دەمو­كرا­تيالىق پارتياسىنىڭ وبلىس­تىق فيليالى ەلباسى ن.نازار­باەۆ­تىڭ حالىققا بيىلعى جول­داۋى مەن پارتيانىڭ حالىقتىق تۇعىر­نا­ما­سىن, مەملەكەت باس­شىسىنىڭ “ نۇر وتاننىڭ” ءحىى سەزىندە بەرگەن تاپسىرمالارىن جۇزەگە اسىرۋ ءما­سە­لەلەرى بويىنشا “اشىق ەسىك” كۇنىن وتكىزدى. ونىڭ جۇمىسىنا پارلامەنت ءماجىلى­سىنىڭ دەپۋتاتى نيكولاي تۋرەتسكي ارنايى كەلسە, پروكۋراتۋرا مەن قارجى پوليتسيا­سىنىڭ, وبلىستىق ىشكى ىستەر دە­پار­تامەنتىنىڭ قىز­مەتكەرلەرى, ازىق-ت ۇلىك كەلىسىم-شارت كور­پو­را­تسياسىنىڭ وكىلدەرى, “دامۋ” كا­سىپكەرلىكتى دامىتۋ قو­رى­نىڭ باسشىلارى, ورتا جانە شا­عىن  كاسىپكەرلىكپەن اينالىسا­تىن­دار قاتىستى. جيىندا وبلىستىق ونەركاسىپ جانە كاسىپكەرلىك باسقارماسى باس­تى­عىنىڭ ورىنباسارى مۇرات ان­دا­باەۆ ەكى ساتىمەن جۇزەگە اسى­رى­لاتىن “بيزنەستىڭ جول كارتاسى- 2020” باعدارلاماسىنىڭ باعىت- ماقساتتارى تۋرالى ايتىپ, مەم­لەكەتىمىز وسى باعدارلاما ارقىلى وتاندىق كاسىپكەرلەرگە قولداۋ كورسەتەتىنىنە جان-جاقتى توق­تال­دى. كاسىپكەرلەر بولسا, بانكتەر­دىڭ وزدەرىنە قوياتىن شارتتارى تىم قاتال دەگەن ماسەلەنى العا تارتتى. كاسىپكەرلىك سەكتوردى توقى­راۋ­­دان امان الىپ قالۋ, كەلە­شە­گىنەن ءۇمىت كۇتتىرەتىن بيزنەس وكىل­دەرىنە, كا­سىپورىندارعا مەملەكەت­تىڭ با­رىنشا قولداۋ كورسەتۋىن قامتاما­سىز ەتۋ قاجەتتىگى ورتاعا سالىندى. وڭىردە  اتالعان باع­دارلامانى ءجۇ­زەگە اسىرۋ ءۇشىن 973 ملن. تەڭگە بولىنسە, ونى وبلىستىق ونەركاسىپ جانە كاسىپكەرلىك باسقارماسى ۇيلەستىرىپ وتىرادى. سونداي-اق, جيىندا “دامۋ” قورىنىڭ ديرەك­تورى ر.تالتۋسوۆ ايتىلعان ماسە­لە­لەرگە بايلانىستى وي-پايىمىمەن ءبولىستى. “اشىق ەسىك” كۇنىندە ورتا جانە شاعىن كاسىپكەرلىكتى دامى­تۋ­دىڭ­ وزگە دە ماسەلەلەرى اشىق ايتىلدى. كۇمىسجان بايجان. الماتى وبلىسى.