ماسكەۋدە ەدەن جۋشى بانكتەن ميلليون رۋبل ۇرلادى

استانا. 11 ناۋرىز. ماسكەۋ قالاسىنداعى بانك بولىمشەلەرىنىڭ بىرىندە ەدەن جۋشى بولىپ جۇمىس ىستەيتىن قىرعىزستاننان كەلگەن 35 جاستاعى ميرگۋلي تۋرگانباەۆاعا قارسى قىلمىستىق ءىس قوزعالدى. بۇل تۋرالى vesti.ru حابارلادى. تەرگەۋ جۇمىستارىنىڭ دەرەگى بويىنشا, م.تۋرگانباەۆا كاسسا زالىن 29 قاڭتار كۇنى كەشكە جيناستىرعان. ۇستەلدىڭ استىنان ءبىر بۋما رۋبل بانكنوتتارىن تاۋىپ الىپ, ونى بانك قىزمەتكەرلەرىنە بەرۋدىڭ ورنىنا قوقىس تاستايتىن قاپشىققا سالىپ الىپ شىققان. جۇمىستان كەيىن جالدامالى پاتەرىنە ورالعان ول اقشانى تىعىپ, كەيىننەن ءبولىپ-ءبولىپ قىرعىزستانداعى تۋىستارىنىڭ شوتىنا اۋدارىپ وتىرعان كورىنەدى. م.تۋرگانباەۆا كۇدىك تۋدىرماۋ ءۇشىن جۇمىسىنا بارۋدى توقتاتپاعان. الايدا, اقشانىڭ جەتىسپەيتىنىن بىلگەن بانك قىزمەتكەرلەرى بەينەباقىلاۋ كامەرالارىنىڭ جازباسىن مۇقيات قاراپ, كۇدىكتىنىڭ ءتۇر-تۇلعاسىن انىقتاعان. پوليتسيا قىزمەتكەرلەرى م.تۋرگانباەۆانىڭ جالدامالى پاتەرىن ءتىنتۋ كەزىندە 420 مىڭ ءرۋبلدىڭ اۋدارما قاعازدارى مەن قالعان 580 مىڭ ءرۋبلدى تاپتى. ايدار ورىسباەۆ. دەرەك: vesti.ru. سۋرەت: rg.ru.