جاز قىزىعى قىزا ءتۇستى

وتكەندە پەداگوگيكا كوللەدجىنىڭ قالا سىرتىنداعى, ەركە ەرتىس جاعاسىنداعى جازعى دەمالىس لاگەرى № 8 جەتىم بالالار ۇيىنە بەرىلگەلى جاتقانىن ەستىپ ەدىك. اقىرى سول ءسوز راس بولىپ شىقتى. جەتىم كور­سەڭ جەبەي ءجۇر دەمەكشى, بۇل وڭدى شارۋا بولدى. سونىڭ ناتيجەسىندە, مۇنداعى جەتكىنشەكتەردىڭ ارقاسى ءبىر كەڭىپ قالدى. بۇگىندە اتالعان بالالار ۇيىندە جۇزدەن استام جەتكىنشەك مەملەكەت قام­قور­لىعىنا بولەنگەن. ولارعا مۇندا بارلىق جاعداي جاسالعان دەسە دە بو­لادى. سول سەبەپتەن دە بالالار ءۇي­ىندە تاربيەلەنۋشىلەر ەش الاڭسىز ءبىلىم نارىمەن سۋسىنداۋدا. ونىڭ سىرتىندا ولاردىڭ ونەرمەن, سپورت­پەن شۇعىل­دا­نۋىنا دا مۇمكىندىك مول. وسىنداي قامقورلىق ءناتي­جە­سىندە بالالار ءۇيىنىڭ تۇلەكتەرى ءتۇرلى ونەر سايىستارى مەن سپورت جارىس­تارىندا, قالالىق جانە وبلىستىق وليمپيادالاردا جارىپ شىعىپ, جەڭىمپاز اتانىپ كەلەدى دەسەك, بي­ىلعى تۇلەكتەردىڭ بار­شاسى جوعارى ءبىلىم الۋعا تالپىنىپ وتىرعان كورىنەدى. ونىڭ ىشىندە اسكەري وقۋ ورىندارىنا تۇسۋگە تىلەك ءبىلدىرىپ وتىرعاندار دا جوق ەمەس. – قالا سىرتىنداعى دەمالىس لا­گەرىندە سەكسەن وقۋشىمىز  الاڭ­سىز دەما­لۋدا, – دەيدى بالالار ءۇيىنىڭ ديرەكتورى سەرجان وقاسوۆ, – ولار مۇندا باقانداي ەكى اي دەم الماق. ال بۇل از ۋاقىت ەمەس. سوندىقتان وقۋ­شى­لاردىڭ جازعى دەما­لىسىن كوڭىلدى وتكىزۋلەرى ءۇشىن بارلىق جاعدايدى جا­ساۋعا تىرىسىپ باعۋدامىز. مۇنىڭ سىرتىندا 20 وقۋشىمىز كورىكتى كاتونقاراعاي وڭىرىنە ساياحات شەگىپ قايتتى. قىسقاسى, بىزدەگى ءار وقۋشى جازعى قامقورلىقتان تىس قالماق ەمەس. بالالار ءۇيىنىڭ ديرەكتورى سولاي دەي كەلىپ, وزدەرىنە قاشاندا قولۇشىن بەرىپ كەلە جاتقان دەمەۋشىلەر ەسىمىن اتاي كەتۋدى دە ۇمىتپاعان. وسى ورايدا, ول ءبىرىنشى كەزەكتە پەداگو­گيكا كوللەدجىنىڭ باسشى­لى­عىنا العىس بىلدىرگەن. ال ودان كەيىنگى جەر­دە ع.يبراەۆ, ر.ءشى­ل­دەباەۆ, ت.مان­سۇروۆ سىندى جانە باسقا كاسىپك­ەر­لەردىڭ ەسىمدەرى قۇرمەتپەن اتالعان. ءبىزدى باسقاسى باسقا, ديرەكتور مىر­زانىڭ ءوز تۇلەكتەرىنىڭ الداعى تاع­دىرىنا دا الاڭدايتىنى ءسۇي­سىندىر­گەن. نەسيە­مەن وقۋ بىتىرگەن تۇلەك­تەرىمىز باس­پانامەن بىردەن قامتا­ماسىز ەتىلۋى ءتيىس. مەن سول ءۇشىن كۇرەسۋدەمىن دەيدى ول. داۋلەت سەيسەن ۇلى. سەمەي.