بۇلار – ادامدى تاربيەلەۋگە ارنالعان رەفورمالار

«بولاشاعى ءبىرتۇتاس ۇلت ينس­تيتۋتتىق رەفورماسى اياسىندا «ماڭگىلىك ەل» جالپىۇلتتىق يدەيا­سىن ىسكە اسىرۋ تۋرالى» تاقى­رىبىندا ءماجىلىس دەپۋتاتى كامال بۇرحانوۆ كەشە ورتالىق كوممۋنيكاتسيالار قىزمەتىندە بريفينگ وتكىزدى.  مەملەكەت دەڭگەيىندە بۇكىل قوعام بولىپ ەلباسى باستاعان بەس ينس­تي­تۋتتىق رەفورماعا قاتىستى كۇردەلى جۇمىستار جۇرگىزىلۋدە, دەپ ءسوزىن باس­تاعان ءماجىلىس دەپۋتاتى ونىڭ جۇمى­سىنا دەپۋتاتتار, فراكتسيالار مۇشە­لەرى جانە عالىمدار اتسالىسۋدا ەكەن­دىگىن اتاپ كورسەتتى. دەپۋتات بۇل رەتتە ەلى­مىزدە قازىرگى الەمدە ورىن الىپ جات­قان داعدارىستارعا قار­سى ارنايى باع­دارلامالار ءازىر­لەن­گەندىگىن دە تىلگە تيەك ەتتى. «نەگىزىنەن, جۇزەگە اسىرىلىپ جاتقان رەفورمالاردىڭ بارلىعى ۇلت­تى جاڭعىرتۋمەن تىكەلەي باي­لا­نىستى. «قازاقستان-2050» سترا­تە­گياسى جۇزەگە اسىرىلۋدا. ءاربىر بەس جىلدىققا بۇرا­لاڭى كوپ جول­داردا ناقتى مىندەتتەر ايقىن­دالىپ قويىلعان. ۇلتتى جاڭعىر­تۋ دەگەنىمىز وركەنيەتتى 30 ەلدىڭ قا­تارىنا ەنگەن مەملەكەتتى سالۋ عانا ەمەس, سوعان لايىق تۇرعىنداردى دا دايىنداۋىمىز كەرەك», دەپ سا­باقتادى ءسوزىن كامال نيزام ۇلى. اسىرەسە, بۇل جاستارعا قاتىستى ەكەن­دىگىمەن بولىسكەن دەپۋتات ەلى­مىزدىڭ ءاربىر ازاماتى دامىعان 30 ەلدىڭ قاتارىنداعى مەملەكەتتە ءومىر سۇرۋگە لايىق بولۋى تيىستىگىن دە ەسكەرتىپ ءوتتى.  بۇعان بەس ينس­تي­تۋتتىق رەفورمانى جۇزەگە اسى­رۋداعى «100» قادام وزىندىك ىق­پال ەتۋى ءتيىس. ك.بۇرحانوۆتىڭ پايىمىنشا, «ماڭگىلىك ەلدىڭ» استارىندا قۋاتتى ادىستەمەلىك-تەوريالىق نەگىز بولۋى شارت. سوندىقتان دا, بۇل قازىرگى جانە بولاشاق ۇرپاقتىڭ ءومىر ءسۇرۋ فيلوسوفياسىنا اينالعانى ابزال. «ءبىلىم بەرۋ فيلوسوفياسى 30 دامىعان ەلدە ءومىر سۇرۋگە نەگىز­دەلۋى ءتيىس. رە­فورمانى اقپاراتپەن قامتاماسىز ەتۋ جايىنا كەلسەك, كەز كەلگەن رەفورما قۋات­تى يدەو­لو­گيالىق جانە ۇگىتتەمەلىك ىلەسپەمەن جالعاسۋى ورىندى», دەدى دەپۋتات. ەل تۇرعىندارىنىڭ 95 پايى­زى وزدەرىن قازاقستان رەسپۋب­ليكا­سىنىڭ ازاماتتارى رەتىندە سەزىنەتىنىن العا تارتقان ك.بۇرحا­نوۆ بۇل مەملەكەت پەن ەلباسى­نىڭ سارابدال ساياساتىنىڭ ارقا­سىندا مۇمكىن بولعاندىعىن اتاپ كورسەتتى. سوندىقتان دا, ۇلت­تى جاڭعىرتۋ رەفورماسىن ءارى قاراي دا جالعاستىرا بەرۋ كەرەك. سينگاپۋردىڭ بۇرىنعى كوشباس­شىسى ونى الەمدەگى دامىعان بەس ەلدىڭ قاتارىنا قوسا ءبىلدى. ول تەك مەملەكەتتى اياعىنان تۇرعىزىپ قانا قويماي, قوعامدى دا سوعان سايكەس ەتىپ تاربيەلەي الدى. «ەگەر ءبىز سول باعىتتا جىلجيتىن بولساق, وندا سوندايعا لايىق ارەكەتكە كوشۋ قاجەت. نەگە جاپونيا مەن گەرمانيا ەكىنشى دۇنيەجۇزىلىك سوعىستا جەڭىلىس تاپقانىمەن, اراعا ونداعان جىلدار سالىپ الەمنىڭ ەكونوميكالىق دەرجاۆالارىنا اينالىپ شىعا كەلدى؟ ەڭبەكقورلىق پەن ءتارتىپ وسىنداي ناتيجەگە جەتكىزگەن. بارلىعى دا ادامعا بايلانىستى», دەدى ك.بۇرحانوۆ. ونىڭ ايتۋىنشا, مىناداي حالىق دانالىعى بار: «ەگەر سەن ءبىر جىلعا شامالاساڭ, وندا استىق ەك. ال ەگەر ءجۇز جىلعا شامالاساڭ, وندا تال وتىرعىز. ماڭگىلىككە ءۇن قاتقىڭ كەلسە, وندا ادامدى تاربيەلەۋىڭ كەرەك». ولاي بولسا, بەس ينستيتۋتتىق رەفورما دا وسى ادامدى تاربيەلەۋگە باعىتتالعان. اسقار تۇراپباي ۇلى, «ەگەمەن قازاقستان».