جاڭا...

جاڭا ەكى مۇراجاي ەسىگىن اشتى “كونەنىڭ كوزى, اسىلدىڭ ءوزى”, دەگەن. تاريح تامىرشىسى قۇندى جادىگەرلەر جيناقتالعان مۇراجايلاردىڭ بۇگىنگى ۇرپاققا بەرەر تاعىلىمى مول. سوندىق­تان دا, ەڭبەكشىقازاق اۋدانىن­دا­عى “ۇستا داركەمباي قولونەر مۇراجايى” قازىنالىق كاسىپور­نى مەن وبلىستىق شەلەك ءول­كە­تانۋ مۇراجايى كۇردەلى ءجون­دەۋ­دەن كەيىن جاڭا جادىگەرلەرمەن تولىقتىرىلىپ, ەسىگىن ايقارا اشتى. زەرگەر داركەمباي شوقپار­ ۇلى­نىڭ كوزى تىرىسىندە تىرنەكتەپ جيناقتاعان 2400 قۇندى جادىگەر­لەرى حالىقتىڭ رۋحاني بايلى­عى­نا قوسىلعان. مۇراجايدى جوندەۋگە بيۋدجەتتەن 50 ملن. تەڭگە جۇمسالىپ, “G-ءPrىgress” جاۋاپكەرشىلىگى شەكتەۋلى سەرىك­تەستىگى جوندەۋ جانە ارلەۋ جۇمىستارىن اياقتاپ, حالىقتىڭ قۇندى قازىنانى كوزبەن كورىپ, رۋحاني ءلاززات الۋىنا جاعداي جاسادى. ال, وبلىستىق شەلەك ءول­كەتانۋ مۇراجايىنداعى ءار بولمە تامىرى تەرەڭ حالىقتار اراسىنداعى بىرلىكتى, ەل ەكونو­ميكاسىن وركەندەتۋ ءۇشىن تەر توككەن ازاماتتاردىڭ ەڭبەگىن, وتان ءۇشىن وت كەشكەن باتىرلار­دىڭ ەرلىگى مەن تابيعات تاڭعا­جايىپ­تارىمەن تولىقتىرىلعان. مۇندا دا جوندەۋ جۇمىستارى سا­پالى جۇرگىزىلىپ, اسەم بەزەن­دىرىلگەن مۇراجاي كوركى كوڭىلدەن شىققانداي. كۇمىسجان بايجان. الماتى وبلىسى. جاڭا عيمارات سالىپ بەردى تۇركىستاندا “وتاي-ستروي” قۇرىلىس كومپانياسى ءتىل مۇكىسى, اقىل-ەسى, كورۋ, ەستۋ قابىلەتى نا­شار 18 جاسقا دەيىنگى مۇمكىندىگى شەكتەۋلى بالالارعا 1 اي 10 كۇن­دە بيزنەستىڭ الەۋمەتتىك جاۋاپ­كەر­شىلىگى اياسىندا جاڭا عيمارات سالىپ بەردى. پسيحولوگيالىق-پەداگوگيكا­لىق تۇزەتۋ مەكەمەسىنىڭ 2004 جىلدان بەرى ءار عيماراتتى جالعا الىپ جۇرگەنى قالا اكىمى قايرات مولداسەيىتوۆتىڭ قابىرعاسىنا ايازداي باتسا كەرەك. اكىمدىككە دەيىن ءوز قولتاڭباسى قالعان قۇرىلىس كومپانياسىنا ۇسىنىس بەرگەن. سونىڭ ارقاسىندا 100 بالاعا ارنالعان 18 بولمەلى جاڭا نىساندا 74 بالا تاربيەلەنىپ جاتىر. قايىرىمدىلىق – مۇسىل­مان بالاسى ءۇشىن ۇلكەن ساۋاپ. قۇ­رىلىس كومپانياسى باس­شى­لارى “ەڭ ۇلكەن العىس –بالالاردىڭ قۋانىشى”, – دەدى. باقتيار تايجان. وڭتۇستىك قازاقستان وبلىسى. جاڭا بايلانىس بولىمشەسى اتباسار اۋدانىندا 27 پوشتا بولىمشەسى جۇمىس ىستەسە, سونىڭ 22-ءسى اۋىلدىق جەرلەردە. بىراق, داع­دارىستىڭ سالقىنى ءالى دە باي­قالادى. سەبەبى, بايلانىس بولىمشەلەرىنىڭ بارلىعى اكىمدىك نەمەسە مادەنيەت ۇيلەرىنىڭ ءبىر بۇرىشىنا جاپسارلاسىپ, جالگەر اتانىپ وتىر. مۇنداي كىرىپتارلىق “جول كارتاسى” باعدارلاماسى ارقىلى جويىلا باستادى. سونىڭ ءبىرى – مارينوۆكا اۋىلىندا زامانا­لىق تالاپتارعا ساي سالىنىپ, وزىق ۇيىمداستىرۋ قۇرالدارى­مەن جابدىقتالعان جاڭا عيما­رات­تىڭ پايدالانۋعا بەرىلۋى. ونىڭ قۇرىلىسىن “وميسستروي” جاۋاپكەرشىلىگى شەكتەۋلى سەرىك­تەستىگى 2009 جىلى باستاپ, ساپالى اياقتادى. – “جول كارتاسى” باعدارلا­ما­سىمەن وبلىستا وسىنداي 8 جوبا قولعا الىندى. ءبىزدىڭ ماق­ساتىمىز – اۋىل تۇرعىندارىن پوشتا بايلانىسى قىزمەتىنىڭ زامانالىق ءارى كەشەندى ءتۇر­لەرى­مەن قامتاماسىز ەتۋ,– دەيدى “قازپوشتا” اق وبلىستىق في­ليالىنىڭ ديرەكتورى جانبوتا بوكەنوۆ. باقبەرگەن امالبەك. اقمولا وبلىسى.