قىرعىزدارعا كومەكتىڭ الدى كەلدى

قىسىلعانعا قول ۇشىن سوزۋعا دايىن تۇراتىن حالقىمىزدىڭ قا­سيە­تى بۇل كۇندە باۋىرلاس قىرعىز­ستانداعى جاعدايعا بايلانىستى تاعى ءبىر تانىلىپ وتىر. كورشى ەلدى قيىندىقتان شىعارۋعا, قولتىقتان دەمەۋگە بارىنشا كومەك-قولداۋ جاسالىپ جاتقانى ءمالىم. سونىڭ جارقىن ايعاعى قاراعاندىدان وش جانە جالالاباد قالالارى تۇرعىن­دارىنا ارنالىپ 2 ۆاگونعا لىق تولتىرا قاراقۇمىق تيەلۋى بولدى. كەشە تىلشىلەر قوسىنىنا اتال­عان تاعام ءتۇرى 188 تونناسىنىڭ 128 تونناسى وشتىقتار, 60 تونناسى جالالابادتىقتار قولىنا اپارىلىپ تاپسىرىلاتىندىعى حابارلاندى. ولار اباي اۋدانىنىڭ يۋجنىي كەنتىندەگى مەملەكەتتىك رەزەرۆتىك قويمادان قوس ۆاگونعا ارتىلىپ جىبەرىلدى. بۇگىن نە ەرتەڭ كەدەن بەكەتىنەن ءوتىپ, قابىلداپ الۋشىلار قولىنا تيمەك. “رەزەرۆ” رمك فيليالىنىڭ ديرەكتورى ءالمۇسا جاقانوۆ ايتقانداي, قاراقۇمىقتى ارناۋلى جاساق ءتيىستى جەرلەرگە جەتكىزىپ سالادى. قىرعىز اعايىنداردى ازىق-ت ۇلىكپەن قامتاماسىز ەتۋ مۇنىمەن شەكتەلىپ قالمايدى. الداعى ۋاقىتتا باسقا دا كومەك تۇرلەرىن جونەلتۋ جالعاستىرىلادى. “كورشى اقىسى – ءتاڭىر حا­قى­سى”, دەگەندەي, حالقىمىز ءوزىنىڭ كورشىلىك پارىزىنا بەرىك. ايقىن نەسىپباي, قاراعاندى.