قوعام دامۋىنا اركىم دە ۇلەس قوسا الادى

ەلىمىزدە العاش رەت قازاقستاننىڭ ازاماتتىق اليانسىنىڭ ۇيىمداستىرۋىمەن ء“SocىalCamp Astana-2010” ۇكىمەتتىك ەمەس ۇيىمدار ءۇشىن بەيرەسمي كونفەرەنتسيا ءوتتى. قوعامنىڭ وركەنيەتكە قاراي قادام باسقان كوشىنىڭ جىلدام ءجۇ­رۋى­نە اركىم دە ۇلەسىن قوسا الادى. وعان دەگەن ىقىلاس-پەيىلى بار جان ۇەۇ-دار اياسىندا اتقارىلىپ جات­قان ىستەرگە سەلقوستىق تانىتپاسا, وندا بەلسەندى ازاماتتاردىڭ جىگەرىمەن تاۋ قوپارۋعا دا بولادى, – دەدى كونفەرەنتسياعا قاتىسۋشىلار. ء“SocىalCamp” – قازاقستاندا وسىنداي پىشىندە ءوتىپ وتىرعان ءبىرىن­شى الەۋمەتتىك ءىس-شارا. ونىڭ جۇ­مىسىنا ەلىمىزدەگى كوپتەگەن ۇەۇ-لارمەن قاتار, كورشىلەس قىر­عىزستان مەن وزبەكستاننان دا وكىل­دەر كەلىپتى. شارانى ۇيىمداس­تى­رۋ­شىلار و­عان قاتىسۋعا ەلدىڭ بەلسەندى ۇەۇ-ى مەن بارشا قوعامدىق ۇيىم­داردىڭ شاقىرىلعاندىعىن, ءناتي­جە­سىندە جينالعان توپتىڭ قاراسىنا كوڭىلدەرى تولعاندىعىن ءبىلدىرىپ جاتتى. ء“SocىalCamp Astana-2010-نىڭ” ماقساتى – قوعامدىق سەك­تور­دى دامىتۋعا جاڭا ەكپىن بەرۋ جانە جۋىر اراداعى ءۇش جىلعا ارنالعان ونىڭ جۇمىسىنىڭ نەگىزگى ترەند­تە­رىن بەلگىلەۋ. ەلباسى نۇرسۇلتان نازارباەۆ “جاڭا ونجىلدىق – جاڭا ەكونوميكالىق ورلەۋ – قا­زاق­ستاننىڭ جاڭا مۇمكىندىكتەرى” قا­زاقستان حالقىنا جولداۋىندا ۇەۇ-لارعا ۇلكەن ءمان بەردى. قو­عام­داعى بەلسەندىلىك پەن ازاماتتىق پوزيتسيانىڭ ءاربىر وڭىردەگى مەملە­كەت­تىك قىزمەتتىڭ مونيتورينگىنە ارا­لاسۋىنا, يندۋستريالدىق جوبا­لاردىڭ جۇزەگە اسۋىنا قوعامدىق باقىلاۋ جاساۋىنا, ءاربىر قۇقىق قورعاۋ ورگانىنىڭ ەسەپتىك جۇيەسى مەن قىزمەتىن باعالاۋدى جەتىلدىرۋ جانە ساياسي رەفورمالاردىڭ ماڭىز­دىلىعىن حالىققا جەتكىزۋ اۋاداي قاجەتتىگىنە توقتالدى. بۇل – ءبىزدىڭ مەملەكەتىمىزدىڭ دامۋىنا اسا قا­جەتتى ىستەر, سوندىقتان ءاربىر بەل­سەن­دى جان, مەنىڭ ازاماتتىق ۇستا­نىمىم ەلدىڭ كوركەيۋىنە جۇمىس جا­ساپ, سوعان ءوز شاما-شارقىمشا ۇلەسىمدى قوسۋىم كەرەك دەۋى قاجەت, – دەدى ۇەۇ وكىلدەرى. قازاقستاندا دەموكراتيالىق ۇدە­رىستەردى تۇراقتى دامىتۋ ءۇشىن بار رەسۋرستار مەن مۇمكىنشىلىكتەردى ءتيىمدى پايدالانۋ ماقساتىندا ازا­مات­تىق قوعامنىڭ كۇشتەرىن بىرىك­تى­رۋدىڭ ماڭىزى زور. قوعامنىڭ الەۋ­مەتتىك ماسەلەلەرىن شەشۋدە ەلدىڭ وكىلەتتىك جانە اتقارۋشى ورگاندارمەن ءتيىمدى ءوزارا قارىم-قاتىناستا جانە ىنتىماقتاستىقتا بولۋى ءوز جەمىسىن بەرۋدە. جىلدان جىلعا ۇەۇ-لارعا مەملەكەت تارا­پى­نان الەۋمەتتىك تاپسىرىستار ءتىزىمى جا­سالىنىپ, وعان قاراجات ءبولۋ كولەمى دە ۇلعايا تۇسۋدە. پارلامەنت ءماجىلىسىنىڭ دەپۋتا­تى, قازاقستاننىڭ ازاماتتىق اليان­سى­نىڭ پرەزيدەنتى ايگۇل سولو­ۆە­ۆا­نىڭ ايتۋىنشا, بيىلعى جىلى ول سوما 1 ملرد. 200 ملن. تەڭگە شاما­سىنا دەيىن وسكەن. – الايدا, ۇەۇ-داردىڭ بار­لى­عىنىڭ بەلسەندىلىگى ءبىر دەڭگەيدە ەمەس, – دەدى ازاماتتىق اليانس جە­تەك­شىسى. – كەيبىرەۋلەرى ارنايى تاپ­سىرىس ماقساتىندا عانا قۇرىلىپ, ول اياقتالعان سوڭ جابىلىپ قالىپ جاتادى. ەگەر ەلىمىزدە 9 مىڭعا جۋىق ۇەۇ تىركەلسە, مونيتورينگ جاساۋ بارىسىندا ولاردىڭ تەك 1 مىڭنان استامى عانا تۇراقتى جۇمىس ىستەيتىنى انىقتالدى. بۇل – ازاماتتىق قوعامدى ءالى دە دامىتا ءتۇسۋ قاجەتتىگىن كورسەتەدى. سول سەبەپتەن قازىرگى ۋاقىتتا ازاماتتىق اليانس ۇەۇ سەكتورىن دامىتۋدا, ۇەۇ جانە مەملەكەتتىك ورگاندار­دىڭ ءوزارا ءىس-ارەكەتتەرىن, سونداي-اق ەلدىڭ جانە قوعامنىڭ دامۋىنا ازاماتتىق قاتىسۋدى بەلسەندى­لەن­دىرۋ سالاسىندا جاڭا جوبالارمەن جۇمىس ىستەۋدى قولعا الدى. ءبىزدىڭ ەلىمىزدە بيلىك پەن ازاماتتىق قوعام اراسىندا ۇنقاتىسۋ قالىپتاستى. ەل­باسىنىڭ ءوزى قاتىساتىن ازامات­تىق فورۋم مىنبەرلەرىندە كوتە­رىل­گەن ماسەلەلەر شەشىمىن تاۋىپ جا­تادى, ال بۇل باسقوسۋ تەك ۇكىمەتتىك ەمەس ۇيىمداردىڭ وزدەرىنىڭ شارا­سى. وسىنداي جۇزدەسۋلەردەن ءبىز العا قويار مىندەت, ماقساتتارىمىزدى ايقىندايمىز, سوندىقتان بۇل وتە قاجەت تە ءتيىمدى شارا. بەيرەسمي وتكىزىلگەن وسى شا­رانىڭ ەرەكشەلىگى – وندا مىنبەدەن رەسمي حابارلامالار جاسالىنعان جوق. ءاربىر قاتىسۋشى ءىس-شارانى ۇيىمداستىرۋعا ءوز ۇلەسىن قوسىپ, قانداي دا ءبىر پروبلەمالارعا باستا­ما­شىلىق كورسەتتى, پىكىرتالاسقا بەلسەنە قاتىسىپ وتىردى. وسىنىڭ ءوزى ۇەۇ-لار تابيعاتىن اشا ءتۇس­كەن­دەي. ايتالىق, فاندرەيزينگ مادە­نيەتى, سەكتوردىڭ كادرلىق پروبلە­ما­لارى, الەۋمەتتىك پروبلەمالاردى شەشۋ جانە حالىقپەن جۇمىس ىستەۋ بويىنشا باسقوسۋعا قاتىسقاندار ءبىر-بىرىمەن قىزۋ پىكىر الىسىپ جاتتى. بۇل جولى كونفەرەنتسياعا قا­تى­سۋشىلاردى تىركەۋ جاڭاشا ءجۇر­گى­زىلىپتى, ياعني ولار تولىقتاي ەلەك­تروندى ادىسپەن تىركەلدى. ءبىر-بىرىنەن اينىماي وتكىزىلىپ جاتاتىن دوڭگەلەك ۇستەل باسىنداعى اڭگىمە­لەردەي ەمەس, ۇەۇ-لار وتكىزگەن وسى شارا سونىلىعىمەن ەرەكشەلەندى. قاتىسۋشىلار ورنىندا وتىرىپ-اق ءبىر-بىرىمەن تانىسۋعا مۇمكىندىك الدى. ەركىن وي الماسۋ تىڭ­داۋ­شىنى جالىقتىرمادى. – سوڭعى 10 جىلدا ەلىمىزدە ۇەۇ-لار قاراپايىم ادامدارعا اسەر ەتەتىن شاعىن ماسەلەلەرگە كوڭىل اۋدارۋدى ۇيرەندى. ەندى, مىنە, وسى تاجىريبەنى بولىسەتىن ۋاقىت جەتتى. جانە تاجىريبە الماسا وتى­رىپ, جاڭا باعىتتاردىڭ, جاڭا يدەيا­لاردىڭ جۇزەگە اسۋىنا قوعامنىڭ بەلسەندى مۇشەلەرىن جۇمىلدىرا ال­ساق, ماقساتىمىزدىڭ ورىندالعانى, – دەدى “قازاقستاننىڭ ازاماتتىق اليانسى” زاڭدى تۇلعالار بىرلەس­تى­گىنىڭ ازاماتتىق قاتىسۋ باعدار­لا­ما­سىنىڭ ديرەكتورى سابينا ءدۇي­سەكەەۆا. شارا اياسىندا ءSocىal ءىdeas Market الەۋمەتتىك جوبالارىنىڭ جارمەڭكەسى دە وتكىزىلدى. وندا ەڭ ۇزدىك دەپ تانىلعان جوبا 3000 دوللاردىڭ گرانتىن يەلەنەدى. انار تولەۋحانقىزى, استانا.