رەسەي اكادەمياسىنىڭ قازاقستاندىق تۇلەكتەرى

رەسەي ءىىم ۆولگوگراد اكادە­ميا­سىندا وسى وقۋ ورنىن ءبىتىرۋ­شى­لەردىڭ كەشى بولدى. 288 جاس مامان جوعارى ءبىلىم ديپلومى مەن لەيتەنانت شەندەرىنە يە بولدى. ءتۇ­لەكتەر اراسىنان 21 مامان قا­زاق­ستاننان بولسا, سونىڭ ەكەۋى باتىس قازاقستان وبلىسىنان. اكادەميا رەسەي فەدەراتسيا­سىن­داعى ەڭ ءىرى وقۋ ورىندارىنىڭ ءبىرى بولا وتىرا, تاياۋ جانە شەت­ەلدە­گى قۇقىق قورعاۋ ورگاندارىنىڭ بىلىكتى ماماندار جيىنتىعىنىڭ ماڭىزدى قاينار كوزدەرىنىڭ ءبىرى بولىپ تابىلادى. بۇدان بەس جىل بۇرىن تاۋەلسىز مەم­لەكەتتەر دوستاستىعىنا قاتى­سۋشىلار ىشكى ىستەر ورگاندارى مەن ىشكى اسكەر كادرلارىن دايارلاۋ ءجو­نىندە مەملەكەتتىك كەلىسىم جاساعان بولاتىن. مىنە, بيىل قازاقستان رەسپۋبليكاسىنىڭ ىشكى ىستەر ور­گاندارىنا تۇڭعىش تۇلەكتەر ءبىتىرىپ شىعىپ وتىر. ولار – ارنايى دايىندىق پەن وقۋدان وتكەن 21 جاس مامان. ولارعا تەرگەۋ اپپارا­تىن­دا, قىلمىستى ىزدەستىرۋ, ەكو­نو­مي­كالىق قىلمىسقا قارسى كۇرەس بولىمشەلەرىندە, جەدەل-كريميناليستيكالىق بولىمشەلەردە قىزمەت ەتۋگە تۋرا كەلەدى. وقۋ ورنىن ەرەكشە ديپلوممەن اياقتاعان جەتى قازاقستاندىق تۇلەك­تىڭ اتى-جوندەرى اكادەميا جار­عى­سىنا سايكەس ەستەلىك تاقتاسىنا ەنگىزىلدى. ال, قالعاندارى “جاقسى” دەگەن باعامەن اياقتادى. قازاقستان رەسپۋبليكاسىنىڭ ىشكى ىستەر مينيسترلىگىنىڭ اتىنان باتىس قازاقستان وبلىسى ءىىد باس­تىعىنىڭ كادر جۇمىسى جونىندەگى ورىنباسارى, پوليتسيا پولكوۆنيگى ەرمۇرات قامزين ءسوز سويلەدى. ول رەسەي فەدەراتسياسىنىڭ ءىىم ۆول­گوگراد اكادەمياسىنىڭ باسشىلى­عى مەن ۇجىمىنا قازاقستان رەس­پۋب­ليكاسىنىڭ ىشكى ىستەر ورگان­دا­رى­نىڭ قىزمەتىنە ماماندار دايار­لاۋداعى ەڭبەكتەرى ءۇشىن العىسىن ءبىلدىردى. فاتيحوللا ماشتاقوۆ, پوليتسيا پولكوۆنيگى. باتىس قازاقستان وبلىسى.