ماڭعىستاۋدا العاش رەت ۆيزيت-ورتالىق سالىنادى

اقتاۋ. 3 شىلدە. ماڭعىستاۋدا العاش رەت ۆيزيت-ورتالىق سالىنادى. بۇل تۋرالى 24.kz سايتىنا سىلتەمە جاساعان egemen.kz ءتىلشىسى حابارلادى. ماڭعىستاۋ تۇبەگىنىڭ تاريحي جەرلەرى مەن تاڭعاجايىپ تابيعاتىن تاماشالاۋعا كەلگەن ساياحاتشىلار ءۇشىن وبلىستا العاش رەت تۋريستىك ۆيزيت-ورتالىعى سالىنباق. وڭىرگە كەلگەن مەيماندار الدىمەن وسىندا تىركەلىپ, قاجەتتى اقپاراتپەن قامتىلاتىن بولادى. ولار ودان ءارى مامانداردىڭ كومەگىمەن تاڭداعان باعىتى بويىنشا ساياحاتقا شىعادى. ورتالىق جاڭادان سالىنىپ جاتقان رەسپۋبليكالىق ماڭىزعا يە اۆتوجولدار مەن تەمىرجولداردىڭ تۇيىسەتىن جەرى بولىپ تابىلاتىن, اقتاۋدان 300 شاقىرىم جەردەگى ماناتى اسۋىنىڭ بويىندا ورنالاسادى. بۇل شەت ەلدەر مەن وتاندىق تۋريستەر ءۇشىن ىڭعايلى بولماق. ورتالىققا قاجەتتى ەلەكتر قۋاتى جەل جانە كۇن كوزىنەن الىنادى. قۇرىلىستى باستاۋ ءۇشىن جەرگىلىكتى قازىنادان 20 ملن. تەڭگە ءبولىندى. قۇرىلىس جۇمىستارى كەلەر ايدا باستالادى. «تۋريستىك ۆيزيت-ورتالىعى سالىناتىن بولسا, بۇل كاسىپكەرلىكتى دامىتۋعا ۇلكەن ىقپال ەتەدى. سەبەبى, اسحانا, كىشىگىرىم مەديتسينالىق ورتالىق, كولىك جوندەۋ ورىندارى اشىلاتىن بولادى», دەيدى ماڭعىستاۋ وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى ورىنباسار توعجانوۆ. گۇلايىم شىنتەمىرقىزى. دەرەك, سۋرەت: egemen.kz.