ەلباسى نۇرسۇلتان نازارباەۆ ورتالىق بيلىك ورگاندارىنىڭ اپپاراتتارىن بىلىكتى دە ءبىلىمدى مەملەكەتتىك قىزمەتكەرلەرمەن تولىقتىرۋ ماسەلەسىن ۇدايى نازاردا ۇستاپ, تۇراقتى كوڭىل ءبولىپ وتىرادى. جاقىندا مەملەكەت باسشىسى وڭىرلەردەگى بىلىكتى جاس كادرلاردى ورتالىقتاعى مەملەكەتتىك قىزمەتكە تارتۋ, ورتالىق اپپاراتتارداعى تاجىريبەلى كادرلاردى جەرگىلىكتى جەرلەرگە جىبەرىپ, تۇراقتى كادر الماستىرۋ تاجىريبەسىن قالىپتاستىرۋدى ۇسىنعان بولاتىن. ال مەملەكەتتىك قىزمەتكە تارتىلعان جاس كادرلاردىڭ الەۋمەتتىك-تۇرمىستىق ماسەلەسىن شەشۋ دە كەزەك كۇتتىرمەيتىن مىندەت.
جاقىندا قازاقستان رەسپۋبليكاسىنىڭ مەملەكەتتىك قىزمەت ءىستەرى جونىندەگى اگەنتتىگى استانا قالاسىنىڭ سول جاعالاۋىندا 32 مىڭ شارشى مەتردەن استام اۋماقتى الىپ جاتقان مەملەكەتتىك قىزمەت سالاسىنىڭ جاس كادرلارىنا ارنالعان 9 قاباتتى جاڭا جاتاقحانا عيماراتىن پايدالانۋعا بەردى. ءتورت بلوكتان تۇراتىن بۇل زاماناۋي جاتاقحانادا 1000 جاس مامانعا ارنالعان تۇرعىن بولمەلەر جابدىقتالعان. جاتاقحانانىڭ ءاربىر قاباتىندا دەمالىس بولمەلەرى, اس ءۇي, كىر جۋاتىن ورىن جانە باسقا تۇرمىستىق بولمەلەر بار. جاس ماماندار تۇراتىن جاتاقحانا بولمەلەرى جيھازدارمەن تولىق جابدىقتالعان.
ءاربىر بلوكتا سپورت الاڭدارى بار. سونداي-اق جاس مامانداردىڭ دەنە تاربيەسىمەن شۇعىلدانۋلارى ءۇشىن ۆولەيبول, باسكەتبول الاڭدارى مەن تەننيس كورتتارى جۇمىس ىستەيدى. جاڭا جاتاقحانا عيماراتى 32723 شارشى مەتر اۋماقتى الىپ جاتسا, ونىڭ تۇرعىنجايلارى 10850 شارشى مەتر كولەمگە قونىستانعان. جاتاقحانادا بارلىعى 750 تۇرعىنجاي ءبولمەلەرى بار. ونىڭ 500-ءى ءبىر ورىندىق, 250-ءى ەكى ورىندىق ءبولمەلەر. ءبىر ورىندىق بولمەگە جاس ماماندار ايىنا 16200 تەڭگە, ەكى ورىندىق ءبولمەلەرگە 11700 تەڭگە پاتەراقى تولەيدى.
مەملەكەتتىك قىزمەت ىستەرى ءجونىندەگى اگەنتتىك توراعاسىنىڭ ورىنباسارى ا.كومەكباەۆتىڭ ايتۋىنشا, بۇل جاتاقحاناعا ەلورداداعى 45 مەملەكەتتىك ورگاننىڭ جاس ماماندارى قونىستاناتىن بولادى. اگەنتتىك ءاربىر مەملەكەتتىك ورگانعا ءتيىستى كۆوتا بەرەدى. ال كۆوتا العان مەملەكەتتىك قىزمەت سالاسى جاتاقحاناعا كىمدى جىبەرەتىندىكتەرىن وزدەرى شەشەتىن بولادى. زامان تالابىنا ساي جابدىقتالعان بۇل جاس ماماندار جاتاقحاناسىن سالۋعا بيۋدجەتتەن 2 ميلليارد 759 ميلليون تەڭگە قارجى بولىنگەن. قازىر ورتالىق مەملەكەتتىك ورگانداردىڭ 500 جاس مامانى جاتاقحانا كىلتتەرىن الدى. ال تامىز ايىندا قالعان 500 مامانعا بولمەلەردىڭ كىلتى تاپسىرىلاتىن بولادى.
جاڭا جاتاقحانادان جەكە بولمە العان ءبىر جاس ماماندى اڭگىمەگە تارتتىق. ءوزىن اسحات ەسكەندىروۆپىن دەپ تانىستىرعان جاس جىگىت قوستاناي وبلىسىنان كەلگەن ەكەن. ول وبلىستاعى ايماقتىق مەملەكەتتىك قىزمەت ىستەرى ءجونىندەگى باسقارمادا ءبىر جىلدان استام ەڭبەك ەتىپ, ورتالىق اپپاراتتىڭ شاقىرۋىمەن استاناعا كەلىپتى. اينالاسى 1-2 ايدىڭ ءىشىندە اگەنتتىك جاس مامانعا جاڭا جاتاقحانادان ورىن بولگەن. “ەلباسى نۇرسۇلتان نازارباەۆ جاس كادرلاردىڭ جەمىستى ەڭبەگى مەن ودان ءارى ءوسۋ باسپالداقتارى ءۇشىن شىنايى كومەگىن جاساپ وتىرادى. مەن ءوز باسىم جاس مامان رەتىندە مەملەكەت باسشىسىنىڭ قامقورلىعىن ۇنەمى سەزىنىپ كەلەمىن. سول ءۇشىن ەلباسىنا ايتار العىسىم شەكسىز”, دەيدى ول.
جىلقىباي جاعىپار ۇلى.
سوڭعى جاڭالىقتار
قازاق سپورتشىلارى وليمپيادانىڭ العاشقى كۇنىندە قالاي ونەر كورسەتتى؟
وليمپيادا • كەشە
قىسقى وليمپيادانىڭ العاشقى التىن جۇلدەسى كىمگە بۇيىردى؟
وليمپيادا • كەشە
ازيا چەمپيوناتى: قازاقستان جەڭىل اتلەتيكادان ەكىنشى التىن جۇلدەنى جەڭىپ الدى
جەڭىل اتلەتيكا • كەشە
ەرتەڭ ەلىمىزدىڭ بارلىق وڭىرىندە داۋىلدى ەسكەرتۋ جاريالاندى
اۋا رايى • كەشە
جاڭا كونستيتۋتسيا جوباسى ساراپشىلاردىڭ قولداۋىنا يە بولدى
اتا زاڭ • كەشە
جاڭا كونستيتۋتسيا ءماتىنىن برايل قارپىمەن جازۋ ۇسىنىلدى
اتا زاڭ • كەشە
