تۋريستىك جارمەڭكە جانە قولونەر كاسىپشىلىگى

الەمدىك تاجىريبەدە تۋريزمنەن تۇسكەن تابىسپەن عانا كۇن كورىپ وتىرعان ەلدەر بار. ونى بىلاي قويعاندا, دۇنيەجۇزىلىك تۋريستىك ۇيىمنىڭ دەرەگى بويىنشا, الەمدىك جالپى ءونىمنىڭ وننان ءبىر بولىگىن, حالىقارالىق ينۆەستيتسيانىڭ 10 پايىزىن تۋريزم قامتاماسىز ەتەدى ەكەن.الەمدىك وندىرىستەگى ءاربىر توعىزىنشى جۇمىس ورنى دا وسى سالانىڭ ۇلەسىنە تيەسىلى. سوندىقتان دامىعان ەلۋ ەلدىڭ قاتارىنا ەنۋگە تالاپتانىپ وتىرعان قازاقستاندا ءتۋريزمدى دامىتۋدىڭ ماڭىزى زور. ال, ەلىمىزدە, سونىڭ ىشىندە اقتوبە وڭىرىندە ءتۋريزمدى دامىتۋدىڭ ءمۇم­كىن­دىگى مول ەكەندىگى اقتوبە قالاسىنداعى “مەگا اقتوبە” دەمالىس  ساۋدا ورتالىعىندا  وتكىزىلگەن ء“ىTFA- 2010. تۋريزم. ساياحات. سپورت” اتتى ءVىىى حالىقارالىق تۋريستىك جارمەڭكە بارىسىندا ايقىن اڭعارىلدى. بۇل – وسىمەن سەگىزىنشى رەت وتكىزىلىپ وتىرعان جارمەڭكە. جىل سايىن وسىنداي ءداستۇرلى تۋريستىك جارمەڭكەنىڭ اقتوبەدە وتكىزىلۋىنىڭ دە وزىندىك ءمانى بار. اقتوبە وب­لى­سى – باتىس قازاقستانداعى ءىرى ونەر­كاسىپتىك جانە ىسكەرلىك ورتا­لى­عى بولىپ تابىلادى. ءوڭىردىڭ تۋريستىك مۇمكىندىگى مول, جاعرا­پيا­لىق ورنالاسۋى قولايلى, سون­داي-اق, مۇندا قازاقستاننىڭ ەرەك­شە قورعالاتىن تۋريزم نىساندارى تىزىمىنە ەنگىزىلگەن بىرەگەي تابيعي ەسكەرتكىشتەر دە جەتكىلىكتى. كورمەگە وبلىس اۋداندارىنان جانە ەلىمىزدىڭ ون وبلىسىنان 120-دان استام تۋريستىك فيرمالار, مەي­رامحانالار مەن قوناقۇيلەر, كولىك جانە ساقتاندىرۋ كومپانيا­لارى, دەمالىس بازالارى, تۋريستىك جانە سپورتتىق بۇيىمدار وتكىزە­تىن كا­سىپورىندار, مۇراجايلار, تۋريستىك سالا ماماندارىن دايارلايتىن جوعارى وقۋ ورىندارى قاتىستى. – بۇل كورمەنى ۇيىمداستى­رۋ­دا­عى ماقساتىمىز – ىشكى ءتۋريزمدى ناسيحاتتاۋ, وبلىستاعى دەمالۋعا قو­لايلى ورىنداردى تانىستىرۋ. بۇل باعىتتا وتكەن جىلى وبلىس بويىنشا دەمالىس ورىندارىن زەرتتەۋ ماركەتينگى جۇرگىزىلدى. وب­لىس­تىڭ تۋريستىك كلاستەرىن دامى­تۋدىڭ جوسپارى جاسالدى. بيىل وبلىستىڭ بەس باعىتى بويىنشا جارنامالىق-اقپاراتتىق تۋرلار ۇيىمداستىرساق پا دەپ وتىرمىز. راس, وبلىستا ءتۋريزمدى دامىتۋدا وزەكتى ماسەلەلەر بارشىلىق. ول تۋريستىك سالادا كادرلاردىڭ جەتىس­پەۋ­شىلىگى, بارىنىڭ ءوزىنىڭ ىسكەرلىك, بىلىكتىلىك دەڭگەيىنىڭ تومەندىگى دەۋگە بولادى. تۋريستىك ينفراقۇ­رى­لىمعا كەلسەك, ول بار, ارينە. وسى كورمەنىڭ ءوزى وسى تۋريستىك كلاستەر اياسىندا وتكىزىلىپ وتىر, – دەدى اقتوبە وبلىسىنىڭ تۋريزم, دەنە تاربيەسى جانە سپورت باسقار­ماسى باستىعىنىڭ ورىنباسارى جالعاس بالعوجين. ونىڭ ايتۋىنشا, تۋريزم سالا­سىن قارجىلاندىرۋ ءالى دە ءوز دەڭ­گەيىن­دە ەمەس. سالاعا ينۆەستيتسيا تار­تۋ ءۇشىن ۆەنچەرلىك بازار ۇيىم­داستىرۋ كوزدەلۋدە ەكەن. سونداي-اق, وڭىردە ينۆەستيتسيالىق جوبا رىنوگىن جۇرگىزۋ جوسپارلانعان كورىنەدى. تۋريستىك جارمەڭكە اياسىندا قولدانبالى ونەر شەبەرلەرىنىڭ “شەبەرلەر اۋىلى” رەسپۋبليكا­لىق فەستيۆالى ۇيىمداستىرىلعان ەكەن. ءبىز وسى كورمەگە ءوز بۇيىم­دارىن اكەلگەن قولونەر شەبەر­لەرىمەن اڭگىمەلەسكەن ەدىك. اقمولا وبلىسى قورعالجىن اۋدانىنان كەلگەن ۆالەنتينا جا­قىپبەكوۆانىڭ بيازى جۇننەن باس­قان كيىزدەن جاسالعان بۇيىمدارى كوزدىڭ جاۋىن الادى. باس جانە اياق كيىمدەر, ءارتۇرلى كادەسىيلار دا ءوتىمدى كورىنەدى. كورپە, جاستىق جانە ۇلتتىق كيىمدەر تىگۋمەن اي­نا­لىساتىن اقتوبەلىك ءماريا قۇل­مۇراتوۆا ازىرگە ۇيدەن تاپسىرىس الىپ, جۇمىس ىستەپ كەلىپتى. ەندى ءوز ءىسىن دامىتىپ, تىگىن اتەلەسىن اشۋ­دى ويلاستىرىپ ءجۇر ەكەن. ءتۇر­كىس­تان قالاسىنان كەلگەن قالمىرزا تاسوۆتىڭ زەرگەرلىك بۇيىمدارى دا ۇسىناقتى قولدان شىققانىن اڭ­عارتادى. بىلەزىك, ساقينا, قاۋ­سىر­ما, باسقا دا كۇمىستەن سوققان كادە-سىيلار كوزى تۇسكەندى ارباپ اكە­تە­دى. زەرگەر قانداي بۇيىم سوقسا دا ۇلتتىق ناقىشقا باسا نازار اۋداراتىنىن جەتكىزدى. – بۇل جولى ءبىز جارنامالىق سيپاتقا كوڭىل بولدىك. كونە كوك­جار­دا تۋريستەر قىزىعاتىنداي تا­ريحي ورىندار جەتكىلىكتى. اۋدان ورتالىعىنداعى كوكجار ءجار­مەڭ­كە­سى كەزىندە سالىنعان ساۋدا قاتار­لارى, مەشىت ءۇيى, باسقا دا عيمارات­تار بار. بارقىن قۇمىنداعى ورماننىڭ ءوزى نەگە تۇرادى. قازىر ويىلعا قاتىنايتىن جول دا جاقساردى. ارينە, تاپ بۇگىن مۇندا تۋريستەر اعىلادى دەۋگە بولماس. دەگەنمەن, وسى جولى ويىل ءوڭىرىن  كەڭىرەك تانىستىرۋ ماق­سا­تىندا اقپاراتتىق-جارنامالىق كى­تاپتار, بۋكلەتتەر, بەينەتاسپالار مەن اۋديوكاسسەتالاردى ۇسىنىپ وتىرمىز. ويىلدا دا تۋريستەردىڭ تالعامىنان شىعاتىن كوركەم دە كورىكتى جەرلەر بار ەكەنىن الىس-جاقىنداعى اعايىننىڭ ەسىنە سالىپ, جارنامالاۋدىڭ قايتارىمى كەيىنىرەك بولادى دەپ ويلايمىز, – دەيدى ويىل اۋداندىق ونەر جانە ولكە تاريحى مۇراجايىنىڭ ديرەكتورى بالقيا رىسباەۆا. فەستيۆال اياسىندا “ىشكى جانە سىرتقى ءتۋريزمدى دامىتۋدىڭ پروب­لە­مالارى مەن بولاشاعى”, “باتىس ەۋروپا – باتىس قىتاي” حالىق­ارا­لىق كولىك ءدالىزىنىڭ اقتوبە ۋچاس­كەسىندە جول بويىنداعى سەر­ۆيستىك قىزمەتتى دامىتۋ ماسەلە­لە­رى”, “قوناق ءۇي جانە مەيرامحانا بيزنەسى”, “قولونەر جانە كاسىپ­شىلىك. ىزدەنىس, پروبلەمالار جانە ونى شەشۋ جولدارى” دەگەن تاقى­رىپتاردا دوڭگەلەك ۇستەلدەر وتكى­زىل­دى. ولاردا ءتۋريزمدى دامىتۋ جان-جاقتى تالقىلاندى. ەكسپو­نات­تار اراسىندا “ۇزدىك كورمەلىك ەكسپوزيتسيا”, “ۇزدىك قىزمەت تۇ­ساۋ­كەسەرى”, “ۇزدىك جارناما پاكەتى”, “ۇزدىك قولونەر شەبەرى” نومينا­تسيالارى بويىنشا كونكۋرستار وتكىزىلدى. كونكۋرس جەڭىمپازدارى مەن جۇلدەگەرلەرى وبلىستىق تۋريزم, دەنە تاربيەسى جانە سپورت باسقارماسىنىڭ باعالى سىيلىق­تارىمەن ماراپاتتالدى. تۋريستىك جارمەڭكەگە قاتى­سۋشى­لار ىنتىماقتاستىق كەلىسىم-شارتتارىن جاساسىپ, مەموران­دۋمدارعا قول قويدى. ءسويتىپ, ءتۋريزمدى دامىتۋعا تاعى ءبىر قادام جاسالىپ, تۋريزم يندۋسترياسىن قالىپتاستىرۋدىڭ باسىم باعىت­تارى ايقىندالدى. ساتىبالدى ءساۋىرباي, اقتوبە وبلىسى.