قازاقستاندىق جەڭىل اتلەت, وليمپيادا چەمپيونى ولگا رىپاكوۆا 2016 جىلى برازيليانىڭ ريو-دە-جانەيرو قالاسىندا وتەتىن وليمپياداعا جولدامانى جەڭىپ الدى. ورتالىق ارميا سپورت كلۋبىنىڭ كاپيتانى بولىپ تابىلاتىن رىپاكوۆا بۇل بيىكتى شانحايدا وتكەن «بريلليانت ليگاسى» سايىسىنىڭ ەكىنشى تۋرىندا قولا مەدالدى جەڭىپ الۋ ارقىلى باعىندىردى. ونىڭ وسىناۋ جارىستاعى ءساتتى جەڭىسى ريو-دە-جانەيرو وليمپياداسىنا جولداما الۋىنا مۇمكىندىك بەردى. وسىمەن ولگا رىپاكوۆا ءوزىنىڭ سپورتتىق مانسابىندا وليمپيالىق ويىندارعا ءۇشىنشى مارتە قاتىسقالى وتىر. بۇعان دەيىن ول 2008 جىلى پەكين وليمپيداسىندا ونەر كورسەتسە, 2012 جىلى لوندون وليمپياداسىندا التىن مەدالدى جەڭىپ الدى. «حالىقارالىق جارىستاردا بيىكتەن كورىنىپ جۇرگەن تالانتتى سپورتشى قازاقستاننىڭ جانە ەلىمىزدىڭ قارۋلى كۇشتەرىنىڭ اتىن شىعارۋدا. ونىڭ جەڭىستەرى اسكەري قىزمەتشىلەر مەن جاستاردىڭ سپورتپەن اينالىسۋعا دەگەن قىزىعۋشىلىعىن تۋدىرىپ, ىنتالاندىرادى», – دەپ اتاپ ءوتىلگەن قورعانىس مينيسترلىگى ءباسپاسوز قىزمەتىنىڭ حابارلاماسىندا.
رۋسلان يگىلىك.
