ەلىمىزدى العا جەتەلەيتىن, الەمدەگى وزىق 30 ەلدىڭ قاتارىنا قوسىلۋعا مۇمكىندىك بەرەتىن رەفورمالىق وزگەرىستەردى ءورىستەتۋگە ارنالعان اسقارالى اسۋلاردى باعىندىرۋدىڭ جوسپارىمەن ەگجەي-تەگجەيلى تانىسىپ شىققانىمدا, شىندىعىن ايتقاندا, كەلەشەگىمىزگە دەگەن سەنىم ودان سايىن وسە ءتۇستى. جاھاندانۋ ۇدەرىسى ءبىر جاعىنان ەكونوميكالىق سىن-قاتەرلەرگە ۇشىراتپاي قويماۋىنا بايلانىستى ونىڭ الدىن الۋعا, بولدىرماۋعا ۇمتىلۋمەن بىرگە دامۋدى جەدەلدەتۋ ءومىر تالابى ەكەندىگى داۋسىز. سول سەبەپتى ءبارى ەكشەلىپ, تۇجىرىمدالعان «100 ناقتى قادام» جونىندەگى ستراتەگيالىق باعدارلامانى ايقىن ماقساتتىڭ ۇلكەن بەلگىسى دەپ تۇسىنەمىن.ارينە, وعان جەتۋ وڭاي ءىس ەمەس بولماعانىمەن بۇعان دەيىن دە ەلباسىنىڭ باستامالارىنا جۇدىرىقتاي جۇمىلىپ, كوپتەگەن مىندەتتەردى شەشۋدەگى بەلسەندىلىك بۇل جولى دا العا تارتارى انىق.
اتالعان جوسپاردى زەردەلەۋ بارىسىندا «كاسىبي مەملەكەتتىك اپپارات قۇرۋ» بولىمىندەگى 9-قادامدا كورسەتىلگەن «مەملەكەتتىك قىزمەتكەرلەردى تۇراقتى تۇردە وقىتۋ جۇيەسىن زاڭدى تۇردە بەكىتۋ – ءۇش جىلدا ءبىر ولاردىڭ كاسىبي شەبەرلىگىن ارتتىرۋ» تۋرالى تالاپ ورىندى كورىندى. ونىڭ نازار اۋدارتۋ سەبەبى, بۇگىندە وسى جاۋاپتى سالادا جاس ماماندار قاتارى ۇلعايىپ كەلەدى دەسەك, الايدا ءبىرقاتارىنىڭ ادامدارمەن جۇمىس ىستەي ءبىلۋى, جۇرت ءوتىنىش-تىلەكتەرىن تۇسىنىستىكپەن قابىلداۋى ۋاقىت, زامان ىرعاعىنا بايلانىستى بىلىكتىلىك دەڭگەيى جوعارى تالاپقا ساي كەلمەيتىنىن جاسىرۋعا بولمايدى. مۇنىڭ سىرتىندا تەحنولوگيالىق قۇرال-جابدىقتاردى جەتىك مەڭگەرۋ قاجەتتىگى دە كۇننەن-كۇنگە كۇشەيىپ وتىر. سوندىقتان ولاردىڭ كاسىبي شەبەرلىگىن جەتىلدىرۋ وتە ماڭىزدى ماسەلە دەپ بىلەمىن. جوعارىدا اتالعان شارا قىزمەتتەرىن جەمىستى اتقارۋعا سەپ بولادى دەگەن ويدامىن.
بەكزات التىنبەكوۆ,
جەزقازعان قالالىق ءماسليحاتىنىڭ دەپۋتاتى.
جەزقازعان.
بەكزات التىنبەكوۆ,
جەزقازعان قالالىق ءماسليحاتىنىڭ دەپۋتاتى.
جەزقازعان.
