استانا. 26 تامىز. استانادا قورع,انىس مينيسترلىگىندە ەلىمىزدىڭ قورعانىس سالاسىن دامىتۋ مەن شەت ەلدەرمەن ىنتىماقتاستىقتى ارتتىرۋعا ارنالعان كونفەرەنتسيا ءوتتى. بۇل تۋرالى egemen.kz ءتىلشىسى حابارلادى.
وعان قورعانىس مينيسترلىگىنىڭ قۇرىلىمدىق بولىمشەلەرى مەن وقۋ ورىندارىندا قورعانىس ونەركاسىبى كەشەنىنىڭ جانە رەسەي, بەلارۋس, فرانتسيا مەن تۇركيا ەلشىلىكتەرىنىڭ وكىلدەرى قاتىستى. جيىندا قازاقستاندىق قورعانىس ونەركاسىبى كەشەنى مەن اسكەري عىلىمدى دامىتۋ پەرسەكتيۆالارىن, حالىقارالىق اسكەري-تەحنيكالىق ينتەگراتسيانىڭ مۇمكىندىكتەرىن, زاماناۋي قارۋ-جاراق پەن ارنايى تەحنيكالاردى ءوزارا جەتكىزۋ ماسەلەلەرى تالقىلاندى.
«قازاقستان قورعانىس مينيسترلىگىنىڭ باسشىلىعى قازىرگى زامانعى اسكەري تەحنيكانى دامىتۋعا ەرەكشە نازار اۋدارۋدا. تەك ءۇش تالاپ عانا قايتا قارۋلانۋ ۇدەرىسىندە زاماناۋي تەحنولوگيانى قولدانۋدىڭ بارلىق ۇلتتىق قاۋىپسىزدىك سىندارىنا توتەپ بەرۋى مۇمكىن», دەدى كونفەرەنتسيادا سويلەگەن سوزىندە قورعانىس ءمينيسترىنىڭ ورىنباسارى گەنەرال-مايور تالعات مۇحتاروۆ.
جينالعان ءتورت ەل وكىلدەرىنىڭ ماسەلەسى استانادا بيىل 25 مەن 26 تامىزى ارالىعىندا وتەتىن «قازاقستان رەسپۋبليكاسى قارۋلى كۇشتەردىڭ اسكەرلەرى مەن اسكەري قۇرالىمدارىن تەحنيكالىق جابدىقتاۋ جانە قورعانىس ونەركاسىبى كەشەنىن دامىتۋ» اتتى VI-ءشى حالىقارالىق اسكەري-عىلىمي كونفەرەنتسياسى اينالاسىندا ءوربىدى.
كونفەرەنتسيا اياقتالىسىمەن قاتىسۋشىلار ءىس-شارا بارىسىندا ايتىلعان ۇسىنىستاردى ءىس جۇزىندە ىسكە اسىرۋعا ارنالعان ۇسىنىس قاتارىن ازىرلەۋدى جوسپارلاپ وتىر.
بۇگىنگى كۇنى قازاقستاندا اسكەري ءونىم شىعارۋ جانە ونى ەكى جاقتى پايدالانۋ ونىدىرىسىمەن اينالىساتىن بىرقاتار كاسىپورىندار قىزمەت ەتەتىنىن ايتا كەتكەن ءجون. اتاپ ايتساق, «سەمەي ينجينيرينگ» اق, «زەنيت» ورال زاۋىتى» اق, «تىنىس» اق, «س.م.كيروۆ اتىنداعى كولىك ءوندىرىسى زاۋىتى» اق, «قازاقستان پاراماۋنت ينجينيرينگ» جشس, «قازاقستان Aselsan ينجينيرينگ» جشس سياقتى زاۋىتتار ساپالى جىلۋعا دەن قويعىش قۇرىلعىلارىن, نىساناعا ارنالعان لينزالار, تۇندە كورۋگە ارنالعان قۇرىلعىلارىن, اۆتوماتتاندىرىلعان باسقارۋ قۇرىلعىسىن شەتكە شىعارا الادى.
داستان كەنجالين.
دەرەك, سۋرەت: قازاقستان رەسۋپبلديكاسى قورعانىس مينيسترلىگى.
