ارىستارعا قۇرمەت

الاش ارداقتىسى, رەسپۋبليكا يۋستيتسيا حالىق كوميسسارياتى سوت ىستەرىن قاداعالاۋ ءبولىمىنىڭ مەڭ­گە­رۋشىسى بولعان, ەلىمىز تۇڭعىش زاڭ­گەر­لەرىنىڭ ءبىرى, ايتۋلى تۇلعا سەي­دازىم قادىرباەۆتىڭ تۋعانىنا 125 جىل تولۋىنا ورايلاستىرىپ, ونىڭ كىندىك قانى تامعان جانگەلدين اۋ­دانىنىڭ قىزبەل اۋىلىندا تاعى­لىمدى ءىس-شارا وتكىزىلدى. قۋعىن-سۇرگىن جىلدارىندا ونىڭ ۆورە­نەج­دە اتىلعان جەرىنە ۇرپاقتارى بىل­تىرعى كۇزدە ارنايى بارىپ, بەلگى قۇل­پىتاس ورناتىپ قايتقان بو­لا­تىن. ەندى بيىل تۋعان توپىراعىنا قۇلپىتاس قويىپ, پارىزدارىن وتەدى. ەرەكشە اتاپ وتەرلىگى سول, بىتە قۇي­ىلعان قوس قۇلپىتاستىڭ ءبىرى سەي­دازىم قادىرباەۆتىڭ اتالاس تۋى­سى بايۇزاق بازىكەن ۇلىنىڭ قۇر­مەتىنە ارنالعان ەدى. بۇل جاۋىنگەر 1943 جىلدىڭ كۇزىندە كەسكىلەسكەن ۇرىستا مەرت بولىپ, بەلارۋس رەس­پۋبليكاسى ۆيتەبسك وبلىسىنىڭ رەدكي دەرەۆنياسىندا جەرلەنگەن ەكەن. سوڭىندا قالعان ۇرپاقتارى اكە-اتالارىنىڭ باسىنان توپىراق اكەلىپ وسىندا ازا تۇتىپ قويىپ, قوس ارىستىڭ رۋحىنا تاعزىم ەتىستى. تاۋەلسىزدىكتىڭ ارقاسىندا وتان سوعىسىندا شەيىت بولعان جاۋىن­گەر­لەردىڭ قانداي باۋىرلاستار زيرا­تىندا جەرلەنگەنى تۋرالى دەرەكتەر كوپتەپ تابىلۋدا. ءبىر عانا وسى قىز­بەل بويىنان 176 جاۋىنگەر ەلى­نە قايتپاي قالعان ەكەن. سولاردىڭ ءبىرى قارىمدى جورنالشى حانزيپا ءبال­دىكوۆانىڭ نەمەرە اعاسى قارت­باي ەدى. حانزيپا اپايدىڭ تاپجىل­ماي ىزدەۋ سالۋىنىڭ ناتيجەسىندە اعاسىنىڭ دەرەگى تابىلدى. ول تۋلا وبلىسى, ار­سەنەۆ اۋدانىنىڭ حلو­پوۆو پوسەل­­­كەسىندە 1942 جىلدىڭ 4 قاڭتا­رىن­دا باۋىرلاستار زيراتىنا جەرلە­نىپتى. اعاسىنىڭ جاتقان جە­رىنە ادەيى بارىپ توپىراعىن اكەل­گەن اپاي ونى قارتباي اعاسىنىڭ تۋعان جەرى قىز­بەلگە تابىستاۋدى پارىز ساناپ ءجۇر. ەل ءۇشىن جانىن پيدا قىلعان ارىستارعا قانداي رۋحاني قامقور­لىق جاسالسا دا ارتىق بولماسى بەلگىلى عوي. قايسار ءالىم, قوستاناي وبلىسى, جانگەلدين اۋدانى.