ءبارى دە لايىقتى جازالارىن الدى

استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن 2010 جىلدىڭ 7 مامىرىندا اسا ۇلكەن كولەمدە پارا الىپ, قىزمەت بابىن اسىرا پايدالانعانى ءۇشىن سوتتالعان توتەنشە جاعدايلار مينيسترلىگىنىڭ بۇرىنعى ۆيتسە-ءمينيسترى ابىلاي سابدالينگە قاتىستى قىلمىستىق ءىستى 2010 جىلدىڭ 2 شىلدەسىندە استانا ق. اپەللياتسيالىق سوت القاسى قارادى. پروكۋروردىڭ اپەللياتسيالىق نارازىلىعى بويىنشا سوت القاسى قاۋلىسىمەن ۇكىم وزگەرتىلدى. قك 312-ب., 5-بولىمىندە, 307-باپتىڭ 3-بولىمىندە قاراستىرىلعان قىلمىس جيىنتىعى بويىنشا قك 58-بابىنىڭ 3-بولىمىنە سايكەس اقىرعى جازانى انىقتاعاندا, مەملەكەتتىك قىزمەتتە لاۋازىمدىق ەتۋ قۇقىعىنان ايىرۋ مەرزىمى 7 جىلدان 5 جىلعا كەمىتىلدى. ءسويتىپ, ا.سابدالين سوت ۇكىمى­مەن 10 جىلعا باس بوستاندىعىنان ايى­رىلىپ, جازاسىن قاتاڭ رەجىم­دەگى تۇزەتۋ كولونياسىندا وتەيتىن بول­دى جانە 5 جىل بويى مەم­لە­كەت­تىك قىزمەتتە لاۋازىمدىق ەتۋ قۇ­قى­عىنان ايىرىلدى. ءبىرىنشى ساتىداعى سوت ۇكىمىنىڭ باسقا بولىمدەرى ءوز­گەرىسسىز قالدىرىلدى, سوتتالعاننىڭ قورعاۋشىسىنىڭ اپەللياتسيالىق شاعىمى قاناعاتتاندىرىلمادى. سونداي-اق, استانا قالاسى دەنساۋلىق ساقتاۋ باسقارماسىنىڭ بۇرىنعى باستىعى ت.س.كاريبەكوۆ قىزمەت بابىن اسىرا پايدالانعانى ءۇشىن كىنالى بولىپ تانىلدى جانە قك 307-بابىنىڭ 2-ءبولىمى بوي­ىن­شا 3 جىلعا, ت.ا.المۇحامبەتوۆا قك 307-بابىنىڭ 2-ءبولىمى بويىن­شا 3 جىلعا, ل.ح.دۇيسەنباەۆا قك 307-بابىنىڭ 2-ءبولىمى بويىنشا 2 جىلعا, ك.ا.گاركالوۆ قك 307-بابىنىڭ 1-ءبولىمى بويىنشا 2 جىلعا, پ.س.ينياكين قك 307-بابىنىڭ 2-ءبولىمى بويىنشا 2 جىلعا, ت.ب.مانسۇروۆ قك 24-ب., 3 ءبولىمى مەن 177-باپتىڭ 3-ءبولىمى “ب” تارماعى بويىنشا سوتتالىپ, 5 جىل­عا باس بوستاندىعىنان ايرىل­دى. ازىرگە ۇكىم زاڭدى كۇشىنە ەنگەن جوق. ال استانا تۇرعىن ءۇي باسقار­ما­سىنىڭ بۇرىنعى باستىعى ەرىكبولات كابەلدين قىزمەت بابىن اسىرا پايدالانعانى, ياعني 2008-2009 جىل­دارى استانانىڭ جەكە تۇرعىن ءۇي­لە­رىن جىلىتۋعا ديزەلدى جاعار ماي­دى ساتىپ الۋعا بەرىلگەن 85 ملن. تەڭ­گەدەن استام قارجى سوماسىن بيۋدجەتتەن ۇرلاعانى ءۇشىن كىنالى بو­لىپ تانىلىپ, وعان 2 جىلعا باس بوستاندىعىنان ايىرۋ جازاسى تا­عايىندالدى. اتالعان ىسكە قاتىستى تاعى ءۇش ادام قىزمەت بابىن اسىرا پاي­دالانعانى مەن قىلمىسقا سى­باي­لاستىق ەتكەندەرى ءۇشىن ءار ءتۇرلى مەرزىمدىك جازاعا سوتتالدى. ونىڭ ءبىرى ك.تاماباەۆ قك 307-ب. 2-ب. 2 جىلعا باس بوستاندىعىنان ايىرىلسا, “كۆارتيرنوە بيۋرو” اق باستىعى ە.تۇكتىباەۆ پەن “قارا­عان­دى باقىت مۇناي” جشس كاسىپكەرى ا.جانىباەۆقا 1 جىلدىق سىناق مە­رزىمىمەن, قك 63-ب. قولدانا وتى­رىپ 1 جىلعا شارتتى تۇردە باس بوس­تان­دىعىنان ايىرۋ جازاسى تا­عايىندالدى, دەپ حابارلادى استانا قالاسى پروكۋراتۋراسىنىڭ ءباسپاسوز قىزمەتى. زاڭسىزدىقتارعا جول بەرىلمەيدى وتكەن جىلى وبلىستىق ىشكى ىستەر دەپارتامەنتىنىڭ جول پولي­تسيا­سى قىزمەتى جول-كولىك قوزعا­لى­سى ەرەجەسىن بۇزعان جۇرگىزۋشىلەردەن 266 740 477 تەڭگە ايىپپۇل ءوندىر­گەن. وبلىستىق ىشكى ىستەر دەپارتا­مەنتى جول پوليتسياسىنىڭ جەكە قۇرامى بىلتىر جول ءجۇرۋ ەرەجەسىن بۇزعان 72030 دەرەكتى انىقتاعان. بيىل وتكەن جىلدىڭ وسى مەر­زى­مى­مەن سالىستىرعاندا كولىك قۇرالىن الكوگولدىك ىشىمدىك ءىشىپ باسقارۋ­دىڭ ەداۋىر تومەندەگەنىن دە ايتۋعا بولادى. دەسەك تە, بيىلعى جىلدىڭ 5 ايىندا جۇرگىزۋشىلەرگە اكىمشىلىك تۇر­عىدان اسەر ەتۋ شارالارىن قول­دانۋ ناتيجەسىندە كولىك قۇرالىن باسقارۋ قۇقىعىنان 2365 جۇرگىزۋشى ايى­رىلسا, 161 جۇرگىزۋشى 10-15 ءتاۋ­لىك­كە اكىمشىلىك قاماۋعا الىنعان. زاڭسىزدىقتارعا جول بەرمەي, ات­قارىلعان شارالار بارىسىندا جۇرگىزۋشىلەرگە 266740477 تەڭگە ايىپپۇل سالىنسا, ونى ءوندىرۋ ماسەلەسى دە وڭ شەشىلگەن. كۇمىسجان بايجان, الماتى وبلىسى.