سۋرەتشىلەر جەمقورلىققا قارسى

استانادا “نۇر وتان” حدپ مەن “ەلەكتروندىق كوممەرتسيا ورتالى­­عى” جشس-نىڭ ۇيىمداستىرۋىمەن “سەنىڭ جەمقورلىققا قارسىلىعىڭ وتە ماڭىزدى!” اتتى اقپاراتتىق-نا­سيحاتتىق اكتسيا اياسىندا قازاق­ستان­دىق سۋرەتشىلەر جۇمىستارىنىڭ كورمەسى ءوتتى. سىبايلاس جەمقورلىق تاقىرىبىنا ارنالعان 30-دان استام سۋرەتتەر مەن پلاكاتتار ەلىمىزدىڭ ءتۇرلى مەملەكەتتىك ورگاندارىندا ەستافەتا بويىنشا تاپسىرىلۋدا. قازاقستاندا سىبايلاس جەمقور­لىقپەن كۇرەس مەملەكەتتىك ساياساتتىڭ نەگىزىندەگى باسىمدىقتاردىڭ ءبىرى بولىپ تابىلادى. وسىعان بايلا­نىس­تى “نۇر وتان” حدپ مەن ەكونو­مي­كالىق قىلمىسقا جانە سىبايلاس جەمقورلىققا قارسى كۇرەس اگەنتتىگى جىل باسىنان بەرى “سەنىڭ جەمقور­لىققا قارسىلىعىڭ وتە ماڭىزدى!” اقپاراتتىق-ناسيحاتتىق اكتسياسىن جۇرگىزۋدە. اتالمىش شارانىڭ ماقساتى – سىبايلاس جەمقورلىقپەن كۇرەسكە ازاماتتىق قوعامنىڭ ينستيتۋتتارىن تارتۋ, وتانداستارىمىزدىڭ سىبايلاس جەمقورلىققا قارسى كوزقاراستارىن قالىپتاستىرۋ. 2008 جىلعى قاراشادا “نۇر وتان” حدپ-نىڭ سىبايلاس جەمقور­لىق­قا قارسى فورۋمىندا پرەزيدەنت نۇرسۇلتان نازارباەۆ ۇكىمەت الدىنا تاپسىرما قويعانى بەلگىلى. وندا ەلباسى: “ەلەكتروندىق ۇكىمەتتىڭ جانە زاماناۋي تەحنولوگيالاردىڭ مۇمكىندىكتەرىن باسقارۋدا مولىنان پايدالانعان ءجون. قۇرىلىپ جاتقان ەلەكتروندىق ۇكىمەتتىڭ باستى مىندەتى – بۇل مەملەكەتتىك قىزمەتتەر كورسە­تۋ كەزىندە شەنەۋنىكتەردىڭ ازامات­تار­مەن جەكە قاتىناسقا ءتۇسۋىن بارىنشا بولدىرماۋ”, – دەپ اتاپ ءوتتى. مەملەكەتتىك ساتىپ الۋدى ەلىمىز­دەگى سىبايلاس جەمقورلىق دەڭگەيىن­دەگى باستى ينديكاتورلاردىڭ ءبىرى دەپ اتاۋعا بولادى. وسىعان بايلانىستى پرەزيدەنت نۇرسۇلتان نازارباەۆتىڭ جارلىعىمەن بيۋدجەتتىك قارجىنى جۇمساۋدىڭ مولدىرلىك جانە تيىمدىلىك پرينتسيپتەرىندە ەلەكتروندىق مەم­لەكەتتىك ساتىپ الۋعا جوسپارلى تۇردە ءوتۋ بەكىتىلدى. ال “ەلەكتروندىق كوممەرتسيا ورتالىعى” جشس وسى ماسەلەگە باي­لانىستى ء“بىر تەرەزە” ءپرينتسيپى بوي­ىن­شا مەملەكەتتىك ساتىپ الۋدى ورتا­لىقتاندىرۋدى جانە جۇزەگە اسىرۋدى قامتاماسىز ەتەتىن ەمس سالا­سىن­داعى بىرىڭعاي وپەراتور بولا وتى­رىپ, “ەلەكتروندىق مەملەكەتتىك ساتىپ الۋ” اۆتوماتتاندىرىلعان اق­پا­راتتىق جۇيەسىن ازىرلەدى جانە ەنگىزدى. قازىرگى كەزدە ەلەكتروندىق مەم­لەكەتتىك ساتىپ الۋدى ۇيىمداستىرۋ ە-ۇكىمەتىنىڭ نەگىزگى قىزمەتتەرى بولىپ تابىلادى جانە ەلەكتروندىق مەم­لەكەت جولىنا ىلگەرىلەۋ كورسەتكىشى قىزمەتىن اتقارادى. وتكىزىلەتىن كونكۋرس جانە ولاردىڭ ينتەرنەتتەگى ناتيجەلەرى تۋرالى جەتكىلىكتى اقپارات ءاربىر ازامات ءۇشىن وسى قىزمەت الاڭىن اشىق ەتتى. بۇگىندە ەلەكتروندىق مەملەكەتتىك ساتىپ الۋ پورتالىندا شامامەن 70 500 قاتىسۋشى, سونىڭ ىشىندە 20 000 ارتىق تاپسىرىس بەرۋشى جانە 40 000 ارتىق الەۋەتتى ءونىم بەرۋشى تىركەلگەن. ەلەكتروندىق ساۋدا الاڭىندا بارلىعى 2,5 ملن.-نان ارتىق لوت جاريالاندى. باعا ۇسىنىستارى سۇراتۋ ءتاسى­لىمەن ەمس قورىتىندىلارى بوي­ىن­شا 363 077 لوت بويىنشا 40 ملرد.  تەڭگە بيۋدجەتتە جوسپارلانعان سوما­سىندا 31 ملرد. تەڭگە جالپى سوماعا شارتتار جاسالدى. سايكەسىنشە, جاسالعان شارتتار بويىنشا باعا ۇسىنىستارىن سۇراتۋ تاسىلىمەن ەمس بويىنشا ورتا جيىنتىق شارتتى ۇنەم 9 ملرد. تەڭگەنى نەمەسە 22,5 پايىزدى قۇرادى. قارجى مينيسترلىگىنىڭ تاپسىر­ما­سى بويىنشا “ەلەكتروندىق كوممەر­تسيا ورتالىعى” جشس وسى ۆەدوم­ستۆو­نىڭ قۇرىلىمدىق ءبولىم­شەلە­رىندە كونكۋرس تاسىلىمەن ەلەك­تروندىق مەملەكەتتىك ساتىپ الۋدى وتكىزۋ ءمودۋلىن ازىرلەدى جانە “سەر­پىندى” تاجىريبە رەتىندە پايدا­لانىمعا ەنگىزدى. “ەلەكتروندىق كونكۋرس” ءمودۋلى باعا ۇسىنىستارىن سۇراتۋ ادىسىمەن قاتار, قازاقستاندا ەڭ كوپ تارا­تىلعان مەملەكەتتىك ساتىپ الۋدى ەنگىزۋ ءتاسىلىن قامتۋعا مۇمكىندىك بەرەدى جانە جۇيە پايدالانۋشىلارى ءۇشىن جاڭا مۇمكىندىكتەر اشادى. سونداي-اق ءبىر ۋاقىتتا ەلەكتروندىق مەملەكەتتىك ساتىپ الۋ اقپاراتتىق جۇيەسىنىڭ سايكەس مەملەكەتتىك ور­گان­داردىڭ اقپاراتتىق قورلارىمەن ىقپالداسۋىن جۇزەگە اسىرادى. داستان كەنجالين.