اتىراۋدا بەلگىلەنگەن مەرزىمدەرى بۇزىلعان 47 قىزمەت كورسەتىلگەن

اتىراۋ. 6 ناۋرىز. اتىراۋ وبلىسىندا بىلتىر جەرگىلىكتى اتقارۋشى ورگاندارمەن 1 ملن. 400 مىڭنان استام قىزمەت كورسەتىلگەن. سونىڭ ىشىندە بەلگىلەنگەن مەرزىمدەرى بۇزىلعان 47 قىزمەتتىڭ بارى انىقتالدى. بۇل تۋرالى egemen.kz ءتىلشىسى حابارلادى. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىسى بويىنشا دەپارتامەنتى جانىنداعى قوعامدىق كەڭەسىنىڭ كەزەكتى وتىرىسى وتكىزىلدى. كۇن تارتىبىنە سايكەس وتىرىستىڭ قاتىسۋشىلارىمەن جەرگىلىكتى اتقارۋشى ورگاندارىمەن كورسەتىلەتىن مەملەكەتتىك قىزمەت ساپاسىنا ىشكى باقىلاۋ جاعدايى تۋرالى, اسىرەسە, ولاردىڭ مەرزىمدەرىنىڭ بۇزىلۋ جونىندەگى ماسەلەلەر قاراستىرىلدى. سونىمەن قاتار, بىلتىر مەملەكەتتىك الەۋمەتتىك تاپسىرىس شەڭبەرىندە كورسەتىلگەن مەملەكەتتىك قىزمەتتەر ساپاسىنا قوعامدىق مونيتورينگ ناتيجەلەرى شىعارىلدى. وتكەن جىلى اتىراۋ وبلىسىندا جەرگىلىكتى اتقارۋشى ورگاندارمەن 1 ملن. 400 مىڭنان استام قىزمەت كورسەتىلىپتى. ونىڭ ىشىندە حالىققا قىزمەت كورسەتۋ ورتالىقتارى ارقىلى – 73 422, مەملەكەتتىك ورگاندارىمەن – 1 334 687 جانە ەلەكتروندى تۇردە 3078 قىزمەت كورسەتىلگەن بولسا, بەلگىلەنگەن مەرزىمدەرى بۇزىلعان قىزمەتتىڭ سانى 47-گە جەتكەن. ماسەلەن, ساۋلەت جانە قالاقۇرىلىس سالاسىندا 43, ءبىلىم بەرۋدە 3, سونىمەن قاتار, جەرگە قاتىستى 1 قىزمەتتىڭ مەرزىمى بۇزىلعانى انىقتالىپ وتىر. جولداسبەك شوپەعۇل. دەرەك: مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتى. سۋرەت: pavlodarstat.kz.