كاسىپكەرلىكتى قولداۋدىڭ وڭ قادامى

“نۇر وتان” حدپ اقتوبە وب­لىس­تىق فيليالى عيماراتىندا ەكى كۇن بويى “بيزنەستىڭ جول كارتاسى-2020” باعدارلاماسىن جۇزەگە اسىرۋدىڭ بىرىڭعاي قابىلداۋ كۇنى وتكىزىلدى. وعان وبلىس اكىمىنىڭ ورىنباسارى روزا كەمالوۆا, اقتوبە قالاسى اكى­مى­نىڭ ورىنباسارى اباي بايجو­مار­توۆ, “دامۋ” قورى اف ديرەكتورى جە­دەلباي مۋرزاعالەەۆ, وبلىستىق ەكونوميكا جانە جوسپارلاۋ باسقار­ماسىنىڭ باستىعى قۋانتقان ءالىموۆ, وبلىستىق ونەركاسىپ جانە كاسىپ­كەرلىك باسقارماسىنىڭ باستىعى مارات بالمۇقانوۆ جانە ەكىنشى دەڭ­گەيدەگى بانكتەر باس­شىلارى, كاسىپكەرلەر, دەپۋتاتتار قاتىستى. بىرىڭعاي قابىلداۋ كۇنىنىڭ اشىلۋ راسىمىندە ءسوز العان “نۇر وتان” حدپ اقتوبە وبلىستىق في­ليا­لىنىڭ توراعاسى بالعالي وردا­باەۆ اكتسيانىڭ ماقساتىنا توق­تال­دى. ەكى كۇن بويى شاعىن جانە ورتا بيزنەس وكىلدەرىن قا­بىلداۋ جوس­پار­لانعانىن ەسكەرتە كەلىپ, وسى مەر­زىمدە كاسىپكەر­لىك­تى دامىتۋعا باي­لانىستى تول­عاقتى ماسەلەلەردى ورتاق ويلا­سىپ شەشۋدىڭ مۇمكىندىگى تۋ­عىزىلىپ وتىرعانىنا باسا نازار اۋداردى. وبلىس اكىمىنىڭ ورىنباسارى روزا كەمالوۆا “بيزنەستىڭ جول كار­تا­سى-2020” باعدارلاماسىنىڭ ءوڭىر­دەگى جۇزەگە اسىرىلۋ بارى­سىنان حا­بار­دار ەتتى, وسى ماقساتقا بولىنگەن قار­جىنىڭ يگەرىلۋ جايى­مەن تا­نىستىردى. ونىڭ ءمالىم­دەۋىنشە, باع­دارلاما شەڭبەرىندە وبلىس اكىم­دىگى مەن ەكونوميكالىق دامۋ جانە ساۋدا مينيسترلىگى اراسىندا 629,7 ملن. تەڭگە سوما­سىندا ماقساتتى ترانسفەرتتەر ءبولۋ تۋرالى كەلىسىمگە قول قويىلىپتى. ونىڭ ىشىندە 197,9 ملن. تەڭگە پايىز ستاۆكالارىن سۋب­سي­ديالاۋعا, 140,8 ملن. تەڭگە نەسيە­لەردى كەپىل­دەندىرۋگە, 25,0 ملن. تەڭگە سەرۆيستىك قىزمەتتەرگە, 50,0 ملن. تەڭگە ەكسپورتقا باعىتتالعان ءوندى­رىس­تى قولداۋعا جانە باسقا كاسىپكەرلىك شارۋالارعا قاراستىرىلعان كورىنەدى. بۇگىنگى تاڭدا مەملەكەتتەن قولداۋ كورۋ ءۇشىن كاسىپكەرلەردەن وبلىس اكىم­دىگى مەن ەكىنشى دەڭگەيدەگى بانكتەرگە 788.9 ملن. تەڭگەگە ءوتىنىش تۇسكەن. “نۇر وتان”حدپ اقتوبە وب­لىستىق فيليالىنىڭ “بينەستىڭ جول كارتاسى-2020” باعدارلاماسى بوي­ىن­شا وتكىزگەن بىرىڭعاي قابىلداۋىنا ەكى كۇندە وتىز ادام وزدەرىن تول­عانت­قان ساۋالدارىمەن كەلىپ, ولاردىڭ ەكەۋىنىڭ كاسىپ­كەر­لىكتى دامىتۋعا باي­لانىستى ماسە­لەلەرى ناقتى شەشىمىن تاپتى. قابىلداۋعا كەلۋشىلەردىڭ ءبىر­قاتارىنا بيزنەسپەن اينا­لىسۋدىڭ زاڭدىلىقتارى تۋرالى تولىق تۇسىنىك بەرىلدى. مىسالى, وزىنە تيەسىلى ناۋ­باي­حانانى كەڭەيتىپ, تورت ونىمدەرىن شى­عاراتىن ءون­دىرىس­تىك جەلى الۋعا نەسيە سۇراعان “بيحامبەتوۆ” جەكە كا­سىپكەرلىگىنە بيزنەس-جوسپار جاسا­لىپ, وعان قاجەتتى قارجى 3 ملرد. تەڭ­گە ەكەنى انىقتالدى. وعان 12 پايىزبەن نەسيە بەرى­لەتىن بولدى. ونىڭ 7 پايىزىن كاسىپكەر ءوزى ءتو­لەيدى, ال قالعان 5 پايىزى مەملەكەت ەسەبىنەن جابىلاتىن بولادى.ءوز ونىمدەرىن رەسەيگە ەكسپورتقا شىعارۋعا تالاپتانىپ جاتقان “بال-يۋن” جشس-ءنىڭ باستاماسى دا “بيز­نەستىڭ جول كارتاسى-2020” باع­دار­لاماسىمەن قۋاتتالدى. وسىنداي وڭ شەشىمىن تاپقان ءما­سە­لەلەر كاسىپ­كەر­لەردى جاڭا ىستەرگە قۇلشىن­دى­رىپ, ءوز بيزنەستەرىن دامىتۋعا سەنىمدەرىن نىعايتا ءتۇستى. ساتىبالدى ءساۋىرباي, اقتوبە وبلىسى.