جانارماي بەكەتىندەگى قىزىقتى جاعداي (ۆيدەو)

استانا. 1 ءساۋىر. عالامتوردا تاعى ءبىر قىزىقتى بەينەروليك جاريالاندى. وندا ەلىمىزدەگى جانارماي قۇيۋ بەكەتتەرىنىڭ بىرىندە بولعان جايت تۇسىرىلگەن. ايتسە دە وقيعانىڭ قاي قالادا بولعانى ايتىلماعان. بۇل تۋرالى newstop.kz حابارلادى. كەزەكتى كولىككە جانارماي قۇيىپ تۇرعان بەكەت قىزمەتكەرى كەنەت كوڭىل كوتەرگىسى كەلەدى. ءسويتىپ, جان-جاعىنا ءبىر قاراپ الىپ, ارنايى شلانگىدەن سەكىرمەك بولادى. ناتيجەسىندە, اياعى ءىلىنىپ جەرگە وماقاسىپ قۇلايدى. ابىروي بولعاندا, ەشقانداي قاۋىپتى جايت ورىن العان جوق. دەرەۋ ورنىنان تۇرعان ول ءبارىن قايتا قالپىنا كەلتىردى. سول ساتتە كومەككە ارىپتەسى دە كەلىپ ۇلگەردى. عالامتور پايدالانۋشىلار اراسىندا قىزۋ تالقىعا تۇسكەن روليك جونىندە ءارتۇرلى پىكىرلەر ايتىلۋدا. كەيبىرى جانارماي بەكەتتەرىنە جۇمىسقا قابىلداۋ كەزىندە ءدال وسىنداي ارەكەتتەرگە قاتىستى ارنايى سويلەسۋ كەرەكتىگىن ايتقان. سەبەبى, قانشا ەزۋگە كۇلكى ۇيىرەتىن جاعداي بولعانىمەن, بۇل ادام ومىرىنە اسا قاۋىپتى. «سوندىقتان جانارماي ساقتالاتىن جەردە وتە اباي بولعان ابزال», دەيدى پىكىر بىلدىرۋشىلەر. ەلامان قوڭىر. دەرەك, سۋرەت: newstop.kz.