توراعا پرەمەر-مينيسترمەن كەزدەستى

ءماجىلىس توراعاسى قابيبوللا جاقىپوۆ پەن ليتۆا پرەمەر-ءمينيسترى الگيرداس بۋتكياۆيچۋس قازاقستان-ليتۆا, سونىڭ ءىشىن­دە, پارلامەنتارالىق ىنتى­ماق­تاستىقتى نىعايتۋ ماسەلەلەرىن تال­قىلادى, دەپ حابارلادى ءما­جىلىستىڭ ءباسپاسوز قىزمەتى. تاراپتاردىڭ پىكىرىنشە, قازاقستان ليتۆا ءۇشىن ورتالىق ازياداعى ماڭىزدى ساياسي جانە ەكونوميكالىق ارىپتەس بولىپ تابىلادى. ەكى ەل اراسىنداعى تاۋار اينالىمى 2014 جىلى 430 ملن. اقش دوللارىن قۇراعان. ءماجىلىس سپيكەرىنىڭ سوزىنشە, قازاقستان پرەزيدەنتىنىڭ «نۇرلى جول» جاڭا ەكونوميكالىق ساياساتى, ءۇيدب, سونداي-اق, قولايلى ينۆەستيتسيالىق كليمات ءوزارا ءىس-قيمىلدى كۇشەيتۋگە جاڭا مۇمكىندىكتەر اشادى. ليتۆا پرەمەر-ءمينيسترى الگيرداس بۋتكياۆيچۋس قازاقستان حالقىن قا­زاق حاندىعىنىڭ 550 جىلدىعى, كونس­تي­تۋتسيانىڭ جانە قازاقستان حالقى اسسامبلەياسىنىڭ 20 جىلدىعى سىندى ايتۋلى داتالارمەن قۇتتىقتاي كەلىپ, ەكسپو-2017 حالىقارالىق كورمەسىنە نازار اۋدارىپ, ليتۆانىڭ كورمە تاقى­رىبىنا قاتىستى قىزىعۋشىلىعىن ءبىلدىردى. ال پارلامەنتارالىق قارىم-قاتىناس جايىن ءسوز ەتكەندە قابيبوللا جاقىپوۆ پەن الگيرداس بۋتكياۆيچۋس ءماجىلىس پەن سەيم اراسىنداعى ىنتىماقتاستىق ءجو­نىندەگى توپتار جۇمىسىنا توقتالدى. كەزدەسۋ يەلەرىنىڭ ايتۋىنشا, پارلا­مەنت­ارالىق ءوزارا ءىس-قيمىل – ەكى ەل ءارىپ­تەستىگىنىڭ ماڭىزدى قۇرامداس بولىگى.