اتىراۋ تۇرعىنى جالعان تونالۋ تۋرالى شاعىم ءتۇسىردى

اتىراۋ. 1 ءساۋىر. اتىراۋ تۇرعىنى پوليتسياعا كوشەدە تونالعانى جونىندە جالعان شاعىم تۇسىرگەنىن مويىندادى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى. قالانىڭ پريۆوكزالنىي-5 شاعىن اۋدانىندا تۇراتىن 35 جاستاعى تۇرعىننىڭ تونالعانى تۋرالى شاعىمى راستالمادى. اتىراۋ وبلىستىق ىشكى ىستەر دەپارتامەنتىنىڭ ءباسپاسوز حاتشىسى گۇلنازيرا مۇحتاروۆانىڭ مالىمەتىنشە, شاعىمدانۋشىعا ءتۇن قاراڭعىلىعىندا بەلگىسىز ۇشەۋ شابۋىل جاساپ, 150 مىڭ تەڭگەسىن تارتىپ العان. سول ساتتە «جابىرلەنۋشى» كافەدەن شىققان ەكەن. پوليتسيا جەدەل ىزدەستىرۋ شارالارىنا كىرىسكەن كەزدە ارىزدانۋشى باستاپقى ايتقانىنان اينىپ, شىندىقتىڭ بەتىن اشتى. شىندىعىندا, ول اقشاسىن اراق ىشۋگە جۇمساپ, وتباسىلىق كيكىلجىڭنىڭ الدىن الۋ ءۇشىن وسىنداي قادامعا بارعان ءتىپتى سول ءۇشىن ءوزىنىڭ بەتىن جاراقاتتاعانىن دا مويىنداپ وتىر. ەندى وعان قىلمىستىق كودەكستىڭ 419-بابىنىڭ 2-تارماعى بويىنشا (قىلمىس جاسالعانى تۋرالى كورiنەۋ جالعان ءسوز جەتكiزۋ) قىلمىستىق ءىس قوزعالدى. جولداسبەك شوپەعۇل. دەرەك: اتىراۋ وبلىستىق ىشكى ىستەر دەپارتامەنتىنىڭ ءباسپاسوز قىزمەتى. سۋرەت: mhealth.ru.