بۇگىندە ابدەن ازايعان بۇلاردىڭ ۇيرەنشىكتى تابيعي ورتاسىنان تىس جاعدايدا بالالاۋى وتە سيرەك قۇبىلىس ەكەن.
قاراعاندى حايۋاناتتار پاركىندە قىزىقتايتىن اڭ مەن قۇستار از بولماسا دا كەلۋشىلەر ەڭ الدىمەن تاماشالاۋعا قۇمار ەكى ورمان تاعىسى بار. وسى كۇندە تۋعانىنا ءۇش اي تولىپ قالعان, دەنە تۇرقى كۇن ساناپ تولىسقان ولار قانشا ايتقانمەن جاستىڭ اتى جاس ەمەس پە, وزدەرى دە جينالۋشىلاردى قىزىقتاپ, ءىش پىسۋى سەيىلۋىنە قۋانعانداي ويناقتاپ-سەكىرىپ, جوعارى-تومەن قارعىپ, سەرگىپ سالا بەرەدى. اتتەڭ, تەمىر تور ەركىندىگىن تىقسىرماسا بويىنداعى قىزۋ جالىن اسىپ-توگىلەردەي-اق ەكەنىن ۇرەيلى ىرىلداۋىمەن, العا تاپ-تاپ باسىپ ايبات شەگۋىمەن اڭداتىپ قويادى قوس باۋىر. وزدەرى پاڭ با دەرسىڭ. اناۋ-مىناۋ ۇنگە ەلەڭ قاقپايدى, ۇمسىنعان نارسەگە ۇمتىلمايدى.
مۇنى ەكەۋىنىڭ اتاقتى امۋرلىق جولبارىستاردىڭ قاراعاندى جەرىندە تاراعان العاشقى تۇقىمى بولۋى قىزعىلىقتى جاي بولعاندىقتان ايتىپ وتىرمىز. جىرتقىش اڭدار ءبولىمىنىڭ مەڭگەرۋشىسى سەرىك رىسپەكتىڭ پىكىرىنشە, الەمنىڭ ايگىلى دەگەن حايۋاناتتار پاركىنىڭ وزىندە نەكەن-ساياق كەزدەسەتىن جايدىڭ قاراعاندىدا ورىن الۋى جەرگىلىكتى زوولوگ عالىمدار مەن مامانداردى قۋانتىپ, جويىلۋدىڭ شاق الدىنداعى اڭدار تۇقىمىن ساقتاۋعا مۇمكىندىك بارشىلىعىنا ءۇمىت ۇلكەيتىپ وتىر.
– بۇل جولبارىس كۇشىكتەرى بىلتىرعى جىل اياعىندا دۇنيەگە كەلگەن ەدى. بۇدان بەس جىل بۇرىن تاشكەنت حايۋاناتتار پاركىنەن ساتىپ الىنعان ەكى تەكتەس مىنە, اقىرى تۇقىم بەردى. «مايا» جانە «امۋر» دەپ اتالعان كىشكەنە, ازىرگە ەركە تارعىلىمىز تەز جەتىلىپ كەلەدى. اكەلەرىنەن اجىراتىلىپ, ەنەلەرىنىڭ جانىندا قالدىرىلدى. بۇعان دەيىن ءسۇت ەمىپ كەلگەن ەدى, ەندى ەت جەۋدى ۇناتاتىن بولدى. ەسەيگەن سوڭ بولەك شىعارىلادى. قوساقتارى تابىلسا باستارىن قوسۋ, تۇقىمدارىن جالعاستىرۋ ويدا بار, – دەيدى كۇتۋشىسى ەرسىن اقىجانوۆ.
قاراعاندىنى جەرسىنگەن امۋر جولبارىستارىنىڭ تابيعي ءوسىم بەرۋى ءبىرىنشى رەت. اڭ پاتشاسى ارىستان سياقتىلى باسقا دا جىرتقىشتاردىڭ ۇرپاقتارى بارشىلىق. ال وسىنداي مىسىق تەكتەستەردىڭ ەڭ ءىرىسى ءارى ازۋلىسى امۋر ورماندارىنىڭ ءبىر كەزدەگى قوجايىنىنا ارقا جەرى جاعىپ, ءوسىپ-ونۋگە بەيىمدىلىگى ءبىلىنۋى قۋانىشتى-اق.
ايقىن نەسىپباي,
«ەگەمەن قازاقستان».
قاراعاندى.
سۋرەتتە: حايۋاناتتار پاركىنىڭ قىزمەتكەرى امۋر جولبارىسىنىڭ كۇشىگىمەن بىرگە.
قاراعاندى حايۋاناتتار پاركىندە قىزىقتايتىن اڭ مەن قۇستار از بولماسا دا كەلۋشىلەر ەڭ الدىمەن تاماشالاۋعا قۇمار ەكى ورمان تاعىسى بار. وسى كۇندە تۋعانىنا ءۇش اي تولىپ قالعان, دەنە تۇرقى كۇن ساناپ تولىسقان ولار قانشا ايتقانمەن جاستىڭ اتى جاس ەمەس پە, وزدەرى دە جينالۋشىلاردى قىزىقتاپ, ءىش پىسۋى سەيىلۋىنە قۋانعانداي ويناقتاپ-سەكىرىپ, جوعارى-تومەن قارعىپ, سەرگىپ سالا بەرەدى. اتتەڭ, تەمىر تور ەركىندىگىن تىقسىرماسا بويىنداعى قىزۋ جالىن اسىپ-توگىلەردەي-اق ەكەنىن ۇرەيلى ىرىلداۋىمەن, العا تاپ-تاپ باسىپ ايبات شەگۋىمەن اڭداتىپ قويادى قوس باۋىر. وزدەرى پاڭ با دەرسىڭ. اناۋ-مىناۋ ۇنگە ەلەڭ قاقپايدى, ۇمسىنعان نارسەگە ۇمتىلمايدى.
مۇنى ەكەۋىنىڭ اتاقتى امۋرلىق جولبارىستاردىڭ قاراعاندى جەرىندە تاراعان العاشقى تۇقىمى بولۋى قىزعىلىقتى جاي بولعاندىقتان ايتىپ وتىرمىز. جىرتقىش اڭدار ءبولىمىنىڭ مەڭگەرۋشىسى سەرىك رىسپەكتىڭ پىكىرىنشە, الەمنىڭ ايگىلى دەگەن حايۋاناتتار پاركىنىڭ وزىندە نەكەن-ساياق كەزدەسەتىن جايدىڭ قاراعاندىدا ورىن الۋى جەرگىلىكتى زوولوگ عالىمدار مەن مامانداردى قۋانتىپ, جويىلۋدىڭ شاق الدىنداعى اڭدار تۇقىمىن ساقتاۋعا مۇمكىندىك بارشىلىعىنا ءۇمىت ۇلكەيتىپ وتىر.
– بۇل جولبارىس كۇشىكتەرى بىلتىرعى جىل اياعىندا دۇنيەگە كەلگەن ەدى. بۇدان بەس جىل بۇرىن تاشكەنت حايۋاناتتار پاركىنەن ساتىپ الىنعان ەكى تەكتەس مىنە, اقىرى تۇقىم بەردى. «مايا» جانە «امۋر» دەپ اتالعان كىشكەنە, ازىرگە ەركە تارعىلىمىز تەز جەتىلىپ كەلەدى. اكەلەرىنەن اجىراتىلىپ, ەنەلەرىنىڭ جانىندا قالدىرىلدى. بۇعان دەيىن ءسۇت ەمىپ كەلگەن ەدى, ەندى ەت جەۋدى ۇناتاتىن بولدى. ەسەيگەن سوڭ بولەك شىعارىلادى. قوساقتارى تابىلسا باستارىن قوسۋ, تۇقىمدارىن جالعاستىرۋ ويدا بار, – دەيدى كۇتۋشىسى ەرسىن اقىجانوۆ.
قاراعاندىنى جەرسىنگەن امۋر جولبارىستارىنىڭ تابيعي ءوسىم بەرۋى ءبىرىنشى رەت. اڭ پاتشاسى ارىستان سياقتىلى باسقا دا جىرتقىشتاردىڭ ۇرپاقتارى بارشىلىق. ال وسىنداي مىسىق تەكتەستەردىڭ ەڭ ءىرىسى ءارى ازۋلىسى امۋر ورماندارىنىڭ ءبىر كەزدەگى قوجايىنىنا ارقا جەرى جاعىپ, ءوسىپ-ونۋگە بەيىمدىلىگى ءبىلىنۋى قۋانىشتى-اق.
ايقىن نەسىپباي,
«ەگەمەن قازاقستان».
قاراعاندى.
سۋرەتتە: حايۋاناتتار پاركىنىڭ قىزمەتكەرى امۋر جولبارىسىنىڭ كۇشىگىمەن بىرگە.
