بەردىبەك ساپارباەۆ وڭتۇستىك قازاقستانعا باردى

شىمكەنت. 20 مامىر. پرەمەر-ءمينيستردىڭ ورىنباسارى بەردىبەك ساپارباەۆ وڭتۇستىك قازاقستان وبلىسىنا جۇمىس ساپارىمەن باردى. بۇل تۋرالى 24.kz تەلەارناسىنا سىلتەمە جاساپ, egemen.kz ءتىلشىسى حابارلادى. ساپار بارىسىندا ۇكىمەت باسشىسىنىڭ ورىنباسارى ءوندىرىس ورىندارى مەن الەۋمەتتىك مەكەمەلەردى ارالاپ, جۇرتشىلىقپەن كەزدەستى. وبلىستا الەۋمەتتىك سالانى قارجىلاندىرۋعا بيۋدجەتتىڭ 65,1 پايىزى جۇمسالادى. وڭىردەگى دەنساۋلىق ساقتاۋ سالاسىن دامىتۋعا 5 جىلدان استام ۋاقىت بۇرىن 500 نىسان قاجەت بولسا, بۇگىندە سونىڭ 310-ى سالىندى. بيىل تاعى 25-ءىنىڭ قۇرىلىسى جۇرۋدە. ماتەريالدىق-تەحنيكالىق جاعداي جاقسارعان سوڭ, ادامداردىڭ ءومىر ءسۇرۋ جاسى دا ۇزاردى. سونداي-اق, تۋبەركۋلەز بەن ونكولوگيالىق اۋرۋلارعا شالدىققاندار قاتارى دا كۇرت ازايعان. وبلىستىق دەنساۋلىق ساقتاۋ باسقارماسىنىڭ باسشىسى سەيىتجامال پاكەەۆ ايتۋىنشا, ايەلدەر ءولىمى – 2,2, بالا ءولىمى 1,2 پايىزعا تومەندەگەن. ايماقتا جىل باسىنان بەرى 24 مەكەمە ءوز جۇمىسشىلارىنا 109 ميلليون تەڭگەدەن استام جالاقى قارىز بولعان. سونىڭ 98 پايىزى تولەندى. سونىمەن قاتار, بەردىبەك ساپارباەۆ №1 شىمكەنت قالالىق بالالار اۋرۋحاناسى مەن 75 گا. اۋماقتى الىپ جاتقان «قازىنا» ەتنو-تاريحي كەشەنىندە بولدى. كەشەندە ساپارباەۆ قازاق حاندىعىنىڭ 550 جىلدىعىنا ارنالعان مونۋمەنتالدى ەسكەرتكىشپەن تانىسىپ, وبلىستىق تاريحي-ولكەتانۋ مۇراجايىن ارالادى. باقتيار تايجان. دەرەك, سۋرەت: 24.kz.