جاسامپازدىق جولىنداعى جاڭا بەلەس بولادى
ەلباسىمىزدىڭ كەزەكتەن تىس پرەزيدەنتتىك سايلاۋ تاعايىنداۋ تۋرالى جارلىعىنا ءۇن قوسقان وتانداستارىمىزدىڭ ورتاق ويى وسىنداي
*پرەزيدەنت پوچتاسىنان
– دەيدى ەلباسىنىڭ سايلاۋعا ءتۇسۋىن قالايتىنىن ايتىپ حات جازعان قازاقستاندىقتار
پرەزيدەنت سايلاۋىن وتكىزۋ تۋرالى شەشىمگە قولداۋ بىلدىرگەن جانە نۇرسۇلتان نازارباەۆتىڭ كانديداتۋراسى ۇسىنىلۋىن وتىنگەن حاتتار مەن جەدەلحاتتار لەگى جالعاسۋدا, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسىنىڭ اتىنا ەڭبەك ۇجىمدارىنان, بەلگىلى سپورتشىلاردان, دەنساۋلىق ساقتاۋ سالاسى قىزمەتكەرلەرىنەن, سونداي-اق, ەلدىڭ ءتۇرلى ءوڭىرلەرىندەگى تۇرعىنداردان نۇرسۇلتان نازارباەۆتىڭ الداعى پرەزيدەنتتىك سايلاۋعا قاتىسۋىن وتىنگەن حاتتار لەگى ءالى جالعاسۋدا.
«قازاتومونەركاسىپ» ۇاك» اق مىڭداعان ادامدىق ۇجىمى مەملەكەت باسشىسى تاڭداعان باعىتتى قولدايتىنىن مالىمدەي وتىرىپ, قازاقستاننىڭ الەمدەگى دامىعان 30 ەلدىڭ قاتارىنا ەنۋى جونىندەگى ستراتەگيالىق ماقساتقا جەتۋ ءۇشىن بار كۇشتەرىن جۇمىلدىراتىنىنا سەندىرگەن.
«ءبىز باق-بەرەكەمىزدى ءجانە بولاشاعىمىزدى ءسىزدىڭ ەسىمىڭىزبەن عانا بايلانىستىرامىز. سوندىقتان ءسىزدىڭ كانديداتۋراڭىزدىڭ قازاقستان رەسپۋبليكاسى پرەزيدەنتى لاۋازىمىنا ۇسىنىلعانىن قالايمىز», – دەلىنگەن حاتتا.
الماتى قالاسىنان «بەلكاميت» ماشينا جاساۋ زاۋىتىنىڭ جۇمىسشىلارى ەلىمىزدىڭ بارشا تۇرعىندارىمەن بىرگە مەملەكەت باسشىسىنىڭ تۇراقتى ەكونوميكالىق دامۋدى قامتاماسىز ەتكەن دانا ساياساتىنا كۋا بولىپ وتىرعانىن ايتادى.
«ءبىز پرەزيدەنتتىك سايلاۋ وتكىزۋ ماسەلەسىن تولىق قولدايمىز. كورەگەن ءارى ءادىل ساياساتكەر رەتىندە ءسىز عانا ەلدى بۇدان ءارى دە دۇرىس باعىتتا الىپ جۇرە الاسىز», – دەپ جازادى اۆتورلار.
«قازاقتەلەكوم» اق اتىراۋ وبلىستىق تەلەكوممۋنيكاتسيالار ديرەكتسياسىنىڭ مىڭ جارىم ادامدىق ۇجىمى دا نۇرسۇلتان نازارباەۆتىڭ پرەزيدەنتتىك سايلاۋعا تۇسكەنىن قالايتىنىن جەتكىزگەن.
«ەلىمىزدىڭ بارلىق جەتىستىكتەرى, قازاقستاننىڭ الەمدىك قوعامداستىققا تانىلۋى, مەملەكەتتەگى وسىناۋ كۇردەلى كەزەڭدەگى تۇراقتىلىق ءسىزدىڭ اتىڭىزبەن بايلانىستى. ءبىز مەملەكەتتىڭ باسىندا ءسىز سەكىلدى بەدەلدى كوشباسشى تۇرۋى ءتيىس دەپ سانايمىز. ءبىز سىزگە سەنەمىز!», – دەلىنگەن حاتتا.
قوستاناي وبلىسىنان «سۆەتلىي جاركول» جشس جۇمىسشىلارى قازاقستان پرەزيدەنتىنىڭ باسشىلىعىمەن ەلىمىز كەلىسىم مەن گۇلدەنۋ جولىندا كەلە جاتقانىن ايتادى.
«بارلىق قازاقستاندىقتار سياقتى ءبىز دە ءسىزدىڭ كانديداتۋراڭىزدىڭ پرەزيدەنتتىك سايلاۋدا ۇسىنىلعانىن قالايمىز. جوسپارلانعان ماقساتتىڭ ءبارى ءسىزبەن بىرگە بولعاندا عانا جۇزەگە اساتىنىنا سەنىمدىمىز», – دەپ جازادى اۆتورلار.
قىزىلوردا قالاسىنان «جان-ارايجەم» جشس ۇجىمىنىڭ ءمۇشەلەرى ەلدە پرەزيدەنتتىك سايلاۋ وتكىزۋ تۋرالى شەشىمدى قولدايدى.
«الەمدىك ەكونوميكاداعى ءتۇيتكىلدەردى ەڭسەرۋ ءۇشىن ەلدە «نۇرلى جول» جانە يندۋستريالىق-يننوۆاتسيالىق دامۋدىڭ ەكىنشى بەسجىلدىعى سەكىلدى باعدارلامالار جۇزەگە اسىرىلۋدا. ولاردى تابىستى جۇزەگە اسىرۋ ءۇشىن ءسىزدىڭ تىكەلەي قاتىسقانىڭىز قاجەت», – دەلىنگەن حاتتا.
قوستاناي وبلىسىنان ك.ماركس اتىنداعى جشس جۇمىسشىلارى ەۋرازيالىق ەكونوميكالىق وداقتىڭ جۇمىسىن باستاۋىنا بايلانىستى اۋىل شارۋاشىلىعى ءونىمىن وندىرۋشىلەر كەدەرگىلەردىڭ ازايىپ, مۇمكىندىكتەردىڭ ۇلعايعانىن سەزىنىپ وتىرعانىن ايتادى.
«وتانىمىزدىڭ ۇلى بولاشاعى تۋرالى ارمانداي وتىرىپ, كۇردەلى كەزەڭدە ءسىز ۋاقىت جۇكتەگەن جاۋاپكەرشىلىكتى مويىنعا الدىڭىز جانە حالىقتى جەتىستىكتەر مەن تابىستار جولىنا باستادىڭىز. بۇل بىزگە ءسىزدىڭ كانديداتۋراڭىزدىڭ قازاقستان رەسپۋبليكاسى پرەزيدەنتىنىڭ سايلاۋىنا ۇسىنىلۋىن وتىنۋگە قۇقىق بەرەدى, – دەپ جازادى اۆتورلار.
پرەزيدەنتتىك سايلاۋ وتكىزۋ شەشىمىن قولداپ, سايلاۋعا نۇرسۇلتان نازارباەۆتىڭ قاتىسۋىن وتىنگەن حاتتار ەلدىڭ بەلگىلى سپورتشىلارىنان دا كەلدى. ماسەلەن, قازاقستان اۋىر اتلەتيكا فەدەراتسياسىنىڭ مۇشەلەرى, وليمپيادا چەمپيوندارى ي.يلين, ز.چينشانلو, م.مانەزا, س.پودوبەدوۆا قازاقستاندىق سپورتتىڭ حالىقارالىق ارەناداعى جەڭىستەرى ەلدەگى ەكونوميكالىق تۇراقتىلىقتىڭ جانە ەتنوسارالىق كەلىسىمنىڭ جەمىسى ەكەنىن اتاپ وتكەن.
«الەمدەگى احۋال ءبىزدىڭ رەسپۋبليكامىزعا قۋاتتى ءارى بەدەلدى كوشباسشىنى قاجەت ەتەتىن جاعداي تۋعىزىپ وتىر. سىزدەن الداعى قازاقستان رەسپۋبليكاسى پرەزيدەنتىنىڭ سايلاۋىنا قاتىسۋدى سۇرايمىز. ءسىز ەل مەن حالىقتى بارلىق سىناقتاردان الىپ وتەتىنىڭىزگە, قازاقستان ءسىزدىڭ باسشىلىعىڭىزبەن ورنىقتى دامۋىن جالعاستىراتىنىنا سەنىمدىمىز», – دەلىنگەن حاتتا.
قىزىلوردا وبلىسىنىڭ «انا مەن بالا» ورتالىعىنىڭ ۇجىمى دا دەنساۋلىق ساقتاۋ سالاسىن دامىتۋعا كوڭىل ءبولىنىپ وتىرعانى ءۇشىن العىس ايتىپ, سونىڭ ارقاسىندا ءوڭىر تۇرعىندارى بىلىكتى مەديتسينالىق كومەك الاتىنىنا توقتالعان. اۆتورلار ەلدى دامىتۋعا باعىتتالعان مىندەتتەردى ودان ءارى جۇزەگە اسىرۋ ءۇشىن نۇرسۇلتان نازارباەۆتىڭ پرەزيدەنتتىك سايلاۋعا قاتىسۋى ماڭىزدى ەكەنىن اتاپ وتكەن.
ەلدىڭ جەكەلەگەن ازاماتتارىنان دا كوپتەگەن حاتتار كەلىپ ءتۇسۋدە. ماسەلەن, ورال قالاسىنان «زەردە-پاميات» كورپوراتيۆتىك قورىنىڭ توراعاسى ق.ءتولەباەۆ كۇردەلى گەوساياسي جانە ەكونوميكالىق جاعدايدا مەملەكەتىمىزدى باسقارۋ نۇرسۇلتان نازارباەۆ سياقتى كورەگەن ءارى دانا ساياساتكەردىڭ عانا قولىنان كەلەتىنىن ايتقان.
«ءسىزدىڭ پرەزيدەنتتىك سايلاۋعا ءتۇسۋىڭىزدى سۇرايمىن, ويتكەنى, حالىق ءسىزدى تولىق قولدايدى», – دەپ جازادى اۆتور.
وڭتۇستىك قازاقستان وبلىسى ىنتىماق اۋىلىنان حات جازعان تىل جانە ەڭبەك ارداگەرى ءو.اقنازاروۆ پرەزيدەنتتىك سايلاۋ وتكىزۋ تۋرالى شەشىمگە قولداۋ ءبىلدىرىپ, نۇرسۇلتان نازارباەۆتىڭ كانديداتۋراسىنىڭ ۇسىنىلۋىن سۇرايدى جانە وعان داۋىس بەرەتىنىن ايتادى.
شىعىس قازاقستان وبلىسى قالباتاۋ اۋىلىنان ارداگەر م.مۇقاشەۆ رەسپۋبليكامىز ەلباسىنىڭ باسشىلىعىمەن زور تابىستارعا جەتىپ, الەمدە تانىمال بولعانىنا توقتالعان. وسىعان وراي اۆتور نۇرسۇلتان نازارباەۆتىڭ الداعى سايلاۋعا ءتۇسۋىن وتىنگەن.
قاراعاندى قالاسىنىڭ تۇرعىنى, زەينەتكەر ر.بۋدنيك مەملەكەت باسشىسىنا بارلىق قازاقستاندىقتاردىڭ ءال-اۋقاتىن ارتتىرۋعا باعىتتالعان جەمىستى قىزمەتى ءۇشىن العىس ايتىپ, ەلباسى پرەزيدەنتتىك سايلاۋعا قاتىسسا ەكەن دەگەن تىلەگىن جولداعان.
قوستاناي وبلىسى ماتروسوۆ اۋىلىنان حات جازعان د.احمەتجانوۆ تا مەملەكەت باسشىسى الداعى پرەزيدەنتتىك سايلاۋعا تۇسسە دەگەن تىلەگىن ايتىپ, ونىڭ جەڭىسكە جەتەتىنىنە سەنىم بىلدىرگەن.
الماتى قالاسىنىڭ تۇرعىنى ر.سماكوۆا دا نۇرسۇلتان نازارباەۆتىڭ پرەزيدەنتتىك سايلاۋعا قاتىسقانىن قالايتىنىن, ونىڭ كانديداتۋراسىنا داۋىس بەرۋ ارقىلى ەلىمىز الەمدىك داعدارىستان قورعالۋىن قامتاماسىز ەتەتىنىن اتاپ وتكەن.
قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن تاعايىنداۋعا بايلانىستى كەلىپ جاتقان حاتتار لەگى جالعاسۋدا.
