اتىراۋدا سايلاۋدى باقىلاۋشى قوعامدىق كوميسسيا جۇمىسىن باستادى

اتىراۋ. 1 ءساۋىر. اتىراۋدا پرەزيدەنت سايلاۋىن باقىلاۋ جونىندەگى قوعامدىق كوميسسيانىڭ وڭىرلىك فيليالى جۇمىسىن باستادى. بۇل تۋرالى egemen.kz ءتىلشىسى حابارلادى. قازىر وبلىستىق فيليالدا ەرىكتىلەردەن بايقاۋشىلار قۇرامىن جاساقتاۋ جۇمىسى جۇرگىزىلىپ جاتىر. وڭىردەگى 232 سايلاۋ ۋچاسكەسىن بايقاۋشىلارمەن قامتاماسىز ەتۋ ماقساتىندا ەرىكتىلەردى ىرىكتەۋ جالعاسۋدا. قازىردىڭ وزىندە 190-عا جۋىق ەرىكتى بايقاۋشى تىركەلدى. ولاردىڭ قاتارىندا جوعارى جانە ورتا ارناۋلى وقۋ ورىندارىنىڭ ستۋدەنتتەرى مەن ماگيسترانتتار, مۇعالىمدەر مەن زيالى قاۋىم وكىلدەرى بار. وسى اپتانىڭ سوڭىنا دەيىن ەرىكتىلەردەن بايقاۋشىلاردىڭ قۇرامىن جاساقتاۋ اياقتالادى. «ءبىزدىڭ ماقساتىمىز – سايلاۋدىڭ ەركىن جانە ءادىل ءوتۋىن باقىلاۋ, سونىمەن بىرگە, سايلاۋ بارىسىندا زاڭدىلىقتىڭ ساقتالۋىن باقىلاۋمەن بىرگە ازاماتتاردىڭ سايلاۋ قۇقىعىن قورعاۋ. جاقىن ارادا جەتى اۋداندا جانە وبلىس ورتالىعىندا ەرىكتى باقىلاۋشىلار ءۇشىن سايلاۋ تۋرالى زاڭدىلىقتى تۇسىندىرۋگە ارنالعان سەمينار-ترەنينگتەر وتكىزۋدى جوسپارلاپ وتىرمىز. بايقاۋشىلاردى ارنالعان ادىستەمەلىك قۇرالدارمەن تانىستىرامىز», دەيدى «قر سايلاۋدى باقىلاۋ جونىندەگى رەسپۋبليكالىق قوعامدىق كوميسسيا» رەسپۋبليكالىق قوعامدىق بىرلەستىگىنىڭ اتىراۋ وبلىسىنداعى فيليال ءتورايىمى شىنارگۇل قايىروۆا. جولداسبەك شوپەعۇل. دەرەك: egemen.kz. سۋرەت: راحىم قويلىباەۆ.