ارنايى وكىل ساپارى ناتيجەلى

ەلباسى نۇرسۇلتان نازار­باەۆتىڭ ارنايى وكىلى رەتىندەگى ساپارى اياسىندا پارلامەنت ءماجىلىسى توراعاسىنىڭ ورىنباسا­رى سەرگەي دياچەنكو بوسنيا جانە گەرتسەگوۆينادا وسى ەل پرە­زي­دەنتتىگىنىڭ توراعاسى ملا­دەن يۆانيچپەن, بوسنيا جانە گەر­تسەگوۆينا پارلامەنتى وكىل­دەرى پالاتاسىنىڭ (تومەنگى پالا­تا) توراعاسى  شەفيك دجافە­روۆ­پەن, سونداي-اق, بوسنيا جانە گەر­تسەگوۆينا ءسىم باستاماسى بوي­ىنشا سىرتقى ساياسات ۆەدو­موستۆو­سىنىڭ باسشىسى امەر كاپە­تانوۆيچپەن كەزدەستى. كەزدەسۋ بارىسىندا سەرگەي ديا­چەنكو قازاقستان رەسپۋبليكاسى پرە­­زي­دەنتىنىڭ بوسنيا مەملەكەتىنە گۇلدەنۋ مەن تابىس تىلەگەن ىقىلاسىن  جەتكىزدى. ارنايى وكىلدىڭ اتاپ وتكەنىندەي, بوسنيا جانە گەرتسەگوۆينا قازاق­ستاننىڭ وسى ايماقتاعى ماڭىزدى ساياسي ارىپتەسى سانالادى. ەكى ەل اراسىنداعى ساياسي ىنتىماقتاستىق ءوزارا تۇسىنىستىك پەن سەنىم دەڭگەيىندە قانات جايىپ كەلەدى. ءماجىلىس توراعاسىنىڭ ورىنباسارى بوسنيا جانە گەرتسەگوۆينانىڭ قازاقستاننىڭ حالىقارالىق ماڭىزدى باستامالارىنا كورسەتكەن قولداۋلارىنا جوعارى باعا بەرە كەلىپ, الداعى ۋاقىتتا ساۋدا-ەكونوميكالىق ىنتىماقتاستىقتى دامىتۋ ماڭىزدىلىعىنا توقتالدى. ويتكەنى, قازىرگى ۋاقىتتا قازاقستان مەن بوسنيا جانە گەرتسەگوۆينا اراسىنداعى تاۋار اينالىمىن نىعايتۋدىڭ, سونداي-اق, ەكىجاقتى ىقپالداستىقتىڭ كەلىسىم-قۇقىقتىق بازاسىن جەتىلدىرۋدىڭ مۇمكىندىگى زور. قازاقستان پرەزيدەنتىنىڭ ارنايى وكىلى قازاقستاندا سوڭعى 10 جىل ىشىندە الەۋمەتتىك-ەكو­نو­ميكالىق, ساياسي سالالاردا جۇرگىزىلگەن رەفورمالاردىڭ ءناتي­جەسىندە قول جەتكىزىلگەن تابىستاردى ءسوز ەتە كەلىپ,  ءبىزدىڭ ەلىمىزدىڭ ەۋروپادان, امەريكادان, ازيادان ورتالىق ازياعا تارتىلعان بار­لىق ينۆەستيتسيانىڭ 80 پايىزدان استامىن جيناقتاعانىن, ونىڭ تاۋەلسىزدىك العان جىلدار ىشىندە   200 ملرد. اقش دوللارىن قۇراعانىن العا تارتتى. سونداي-اق, ول قازاقستان پرەزيدەنتىنىڭ  حالىقتىڭ ءال-اۋقاتىن كوتەرۋ جانە دامىعان 30 ەلدىڭ قاتارىنا كىرۋ جولىندا ۇسىنعان «نۇرلى جول» جاڭا ەكونوميكالىق ساياساتى تۋرالى دا حاباردار ەتتى. عالامدىق ماسەلەلەردى ءسوز ەتكەندە س.دياچەنكو قازاقستاننىڭ ءدىن­ارالىق جانە ۇلتارالىق تولە­رانت­تىلىقتىڭ, جانجالدى بەيبىت جولمەن رەتتەۋدىڭ جاقتاۋشىسى ەكەنىن جانە سولاي قالا بەرەتىنىن اتاپ ءوتتى. قازاقستان ەقىۇ جانە شىۇ سىندى حالىقارالىق ۇيىمدار اياسىندا ايماقتىق ءارى عالامدىق سۇراقتارعا قاتىستى ماقساتتار مەن مىندەتتەردى العا جىلجىتۋدا ايتارلىقتاي ۇلەس قوستى. ءبىزدىڭ ەلىمىزدىڭ اۋعانستانداعى جاعدايدى تۇراقتاندىرۋعا قاتىستى كومەگى ايماقتىق قاۋىپسىزدىكتى نىعايتۋدا ماڭىزدى ءرول اتقاردى. سونىمەن قاتار, قازاقستان پرەزيدەنتىنىڭ يادرولىق قارۋدان باس تارتۋ مەن سەمەي  پوليگونىن جابۋ باستاماسى – وسى سالاداعى ءىرى جەتىستىكتەردىڭ ءبىرى. قازاقستان حالىقارالىق قو­عام­داستىقتىڭ مۇشەسى رەتىندە باسقا ايماقتاردا تۇراقتىلىق پەن بەيبىتشىلىكتى قولداۋعا بايلانىس­تى بۇۇ حالىقارالىق بىتىمگەرلىك ميسسياسىنا ايرىقشا ۇلەس قوسۋدا. بوسنيا جانە گەرتسەگوۆينا باسشىسىمەن اڭگىمە بارىسىندا قازاقستان پرەزيدەنتىنىڭ ارنايى وكىلى بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستان كانديداتۋراسىن قولداۋ تۋرالى ءوتىنىشىن جەتكىزە كەلىپ, بوسنيا جانە گەرتسەگوۆينا پرەزيدەنتتىگىنىڭ توراعاسى ملادەن يۆانيچكە ەلباسى نۇرسۇلتان نازارباەۆتىڭ جەكە جولداۋىن سالتاناتتى تۇردە تابىس ەتتى. ءوز كەزەگىندە بوسنيا جانە گەر­تسەگوۆينا باسشىسى قازاقستان پرەزيدەنتىنە ىستىق ىقىلاسى مەن سۋ تاسقىنى كەزىندە كورسەت­كەن قارجىلىق كومەگى ءۇشىن ريزا­شى­لىعىن ءبىلدىردى. ملادەن يۆا­نيچ قازاقستان مەن بوسنيا جانە گەرتسەگوۆينا اراسىنداعى ەكىجاق­تى قاتىناسقا جوعارى باعا بەرە وتى­رىپ, ساۋدا-ەكونوميكالىق, ينۆەس­تيتسيالىق, قۇقىقتىق سالا­داعى بايلانىستاردى ودان ءارى تەرەڭ­دەتۋ كەرەكتىگىنە كوڭىل ءبولدى.  بوسنيا پرەزيدەنتتىگىنىڭ ءتورا­عاسى قازاقستاننىڭ ايماقتا, بۇكىل الەمدە قاۋىپسىزدىكتى كۇشەيتۋ جو­لىنداعى ۇلەسىنە ەرەكشە نازار اۋدارا كەلىپ, ءبىزدىڭ ەلىمىزدى ورتالىق ازياداعى بەيبىتشىلىك پەن دامۋدىڭ ورتالىعى دەپ اتادى. ودان ءارى ملادەن يۆانيچ 2017-2018 جىلدارعا بۇۇ قاۋىپ­سىزدىك كەڭەسىنىڭ تۇراقتى ەمەس ءمۇ­شەلىگىنە قازاقستان كانديداتۋراسىن قولدايتىندىعىن جانە ارىپتەستەرىنە ءوز ۇسىنىسىن ايتاتىنىن جەتكىزدى. بۇل تاقىرىپ ودان كەيىن س.ديا­چەنكونىڭ بوسنيا جانە گەرتسەگوۆينا پارلامەنتى وكىلدەرى پالاتاسىنىڭ (تومەنگى پالاتا) توراعاسى  شەفيك دجافەروۆپەن جانە بوسنيا جانە گەرتسەگوۆينا ءسىم-ءىنىڭ باستاماسى بويىنشا سىرتقى ساياسات ۆەدومستۆوسىنىڭ باسشىسى امەر كاپەتانوۆيچپەن جۇزدەسۋىندە دە اڭگىمە وزەگىنە اينالىپ, كەڭ قولداۋ تاپتى. ساۋلەبەك ءبىرجان.