ەل مۇددەسىن ەكشەگەن قادام

مەن ومىرلىك تاجىريبەسى, كور­گەن-تۇيگەنى بار, كەزىندە قوس­­­­­تا­ناي سياقتى ىرگەلى وبلىستى باس­­­قارعان, قازاقستان پارلامەنتى ءماجى­لىسىنە دەپۋتات بولعان ادام رەتىن­دە, جالپى تاۋەلسىز قازاق ەلىنىڭ ءبىر ازاماتى رەتىندە كەزەكتەن تىس پرەزيدەنتتىك سايلاۋدى بي­ىل, ياعني 2015 جىلى وتكىزۋ تۋرالى ۇسىنىستى ءدال ۋاقىتىندا, جان-­جاقتى ويلاستىرىلىپ بارىپ جاسال­عان بايلام دەپ قابىلداعان ەدىم. بىرىنشىدەن, مۇنداي ۇسى­نىستى قازاقستانداعى 140-تاي ۇلت پەن ۇلىستىڭ باسىن قوسىپ, بىرىكتىرىپ, ۇيىتقى بولىپ وتىرعان, بەدەلى مەن ۇستانىمى جونىنەن جالعاننىڭ جالپاعىنا تانىلعان قازاقستان حال­قى اسسامبلەياسىنىڭ كەڭەسى جاسادى. بۇل قۇرىلىم قازاقستانداعى بارلىق ۇلت پەن ۇلىستىڭ مۇددەسىن, ولاردىڭ وي-ارمانىن ءدوپ باسىپ, ءبىلدىردى. ەكىنشىدەن, اسسامبلەيانىڭ وسى ۇسىنىسىن ەلىمىزدەگى سايا­سي پارتيالار مەن قوعامدىق بىرلەس­تىكتەر, شىعارماشىلىق وداق­تار, جاستار, ارداگەرلەر كەڭەسى مەن ايەل­دەر قاۋىمداستىعى – ءبىر سوزبەن ايتقاندا, جالپى, جۇرتشى­لىق ءبىراۋىزدان قولدا­دى. ءتىپتى, مەن مۇنداي ۇسىنىسقا قار­سى بولعان بىردە-ءبىر جاننىڭ پىكى­رىن ەستىگەن جوقپىن. ويتكەنى, پرەزي­دەنتتىك سايلاۋدى ءدال بيىل, قازىرگىدەي ەرەكشە كوكەيكەستى ماسەلەلەردى تۇبەگەيلى شەشۋ قولعا الىنىپ جاتقان تۇستا وتكىزۋ بۇل تاۋەلسىز قازاقستاننىڭ قامىن, ونىڭ ەكونوميكاسى مەن الەۋمەتتىك سالاسىن تۇراقتى دامىتۋدىڭ قامىن ويلاعاندىق ەدى. بۇل – «نۇرلى جول» باعدار­لا­ماسىن تۇبەگەيلى جۇزەگە اسى­رۋدىڭ, «قازاقستان-2050» سترا­تەگياسىندا العا قويىلعان الەم­دەگى اسا دامىعان 30 ەلدىڭ ءبىرى بولۋ, «ماڭگىلىك ەل» ۇلتتىق يدەياسىن بەكەمدەي ءتۇسۋدىڭ قامىن ويلاعاندىق بولاتىن. بۇل – قازاقستانداعى وتە ءتيىمدى تۇراقتىلىق مودەلىن ساقتاۋدىڭ, بىرلىگىمىزدى بەكەمدەي ءتۇسۋدىڭ, بارلىق كۇش-جىگەرىمىزدى, وي-ماقساتىمىزدى كوشباسشى­مىز – قازاقستان پرەزيدەنتى نۇرسۇلتان نازارباەۆ توڭىرەگىنە توپتاستىرۋدىڭ قامى ەدى. بۇل – الەمدى جايلاعان داع­دارىسقا قارسى تۇرۋدىڭ, ودان امان-ەسەن ءوتىپ, ەلىمىزدى بيىك بەلەستەرگە باستاۋدىڭ قامى بولاتىن. بۇل – قازاقستاندا قالىپتاسقان دانا دا سارا ىشكى جانە سىرتقى ساياسات­تاعى ۇستانىمداردى ساقتاپ, وتا­نىمىزدى ەل مۇددەسىنە, قازاق­ستاندا تۇراتىن ءار ۇلتتىڭ ءمۇد­دەسىنە ساي دامىتۋدىڭ قامى ەدى. وسىنىڭ ءبارىن بىزدەن ارتىق بىلەتىن ەلباسى ءوز جارلىعىمەن سايلاۋ كۇنىن بەلگىلەپ بەردى. ال ەندى وسىنداي اسقارالى ءمىن­دەتتەردى اتقارىپ, اۋىر جۇك­تى كو­تەرىپ, قازاق ەلىن بۇگىنگى قويى­­لىپ وتىرعان اسقارالى ءمىن­دەت­­­­تەر­گە ساي دامىتا الاتىن تۇلعا بار ما؟ ارينە, بار. ول – تاۋەل­­سىز­ قازاقستاننىڭ تۇڭعىش پرە­زي­­­­­­دەن­تى – ەلباسى نۇرسۇلتان نازارباەۆ! مەن نۇرسۇلتان ءابىش ۇلى­نىڭ قايراتكەرلىك, كوشباسشى­لىق قاسيەتتەرىن جاقسى بىلەتىن جان­­داردىڭ ءبىرىمىن. ول 1995 جىلى 29 قىركۇيەكتە مەنى ءوزى­نىڭ جارلىعىمەن قوس­تاناي وبلى­­سىنىڭ اكىمى ەتىپ تاعايىن­­دا­دى. بۇل كەزەڭ بۇرىنعى ەكونو­ميكالىق بايلانىس­تاردىڭ ءۇزىلىپ, جاڭا جۇيە ءالى قالىپتاسپاعان, تاۋەلسىز ەلىمىزدىڭ ەندى عانا جاڭا قازاقستاندى قۇرىپ جاتقان ەرەكشە ءبىر قيىن شاعى ەدى. حالىقتىڭ قينالعان تۇسى دا ءدال سول ءسات بولاتىن. سول تۇرالاپ قالعان ەكونوميكانى العا باستىرعان, حالىقتىڭ ەل بولاشاعىنا دەگەن سەنىمىن ارتتىرعان, شەتەلدەرمەن ديپلوماتيالىق قارىم-قاتىناس ورناتىپ, شەكاراسىن شەگەلەگەن, كەدەنىن ورناتقان, جاڭا ەكونوميكالىق قاتىناستاردى رەتتەگەن, جۇرگىزىلگەن رەفورمالارعا ەرەكشە سەرپىن بەرگەن, حالىقتىڭ سەنىمىنە يە بولعان كىم ەدى؟ ارينە, نۇرسۇلتان ءابىش ۇلى نازارباەۆ! بۇدان بۇرىن وتكەن سايلاۋ­لاردا اسقان باسىمدىلىقپەن جەڭىسكە جەتكەن, ەل تىزگىنىن بەرىك ۇستاپ, بۇكىلالەمدىك قوعامداستىق اراسىندا وراسان زور بەدەلگە يە بولعان, قازاقستان حالقىنىڭ بارلىق جىگىنىڭ قولداۋى مەن سەنىمىن يەلەنگەن, ەلىنىڭ كوشىن باستاعان دالانىڭ دانا ۇلى كىم ەدى؟ ارينە, نۇرسۇلتان ءابىش ۇلى نازارباەۆ! ولاي بولسا, ءبىز وسىنداي ۇلىمىزعا, حالقىنىڭ ادال پەر­زەن­­تىنە ەل تىزگىنىن ۇستاتىپ, ءوزى باس­تاعان ىستەردى تابىستى جالعاس­تىرۋىنا مۇمكىندىك بەرۋىمىز قا­جەت. مىنە, مەن سوندىقتان دا كە­زەكتەن تىس پرەزيدەنتتىك ساي­لاۋ­­دى بيىل وتكىزۋدى قولداعان ەدىم. توقتارباي قادامباەۆ, قوعام قايراتكەرى. قوستاناي.