ۋاقىت تالابىنان تۋىنداعان شەشىم

ەلباسى نۇرسۇلتان نا­زارباەۆ ەلىمىزدە كەزەكتەن تىس پرە­زي­دەنتتىك سايلاۋ وتكىزۋ جونىندە قازاقستان حالقىنا ءوز ۇندەۋىن جا­ريالاعانى بەلگىلى. ۇندەۋ جا­ريا­لاۋعا سەبەپ بول­عان مىڭدا­عان ازاماتتىڭ ۇسىنىس­تارى, سايا­سي پارتيالار مەن دەموكراتيا­لىق كۇشتەر, رەسپۋب­ليكالىق قو­عامدىق بىرلەس­تىكتەر مەن 500-دەن استام ۇكىمەت­تىك ەمەس ۇيىمداردىڭ وكىلدەرى­نەن كەلگەن ۇسىنىس-تىلەكتەر ەدى. ەلباسى ءوز اتىنا كەلىپ ءتۇس­كەن ۇسىنىس-تىلەكتەرگە وراي شەشىم قابىلداۋ قاجەتتىگى تۋىنداعانىنا توقتالدى. كەزەك­تەن تىس پرەزيدەنتتىك ساي­لاۋ وتكىزۋ ەلدىڭ بۇگىنگى ىشكى ساياسي تۇراقتىلىعى مەن ەكونومي­كالىق قۋاتىن ودان ءارى نىعاي­تۋ مۇددەسىنەن ­تۋىنداپ وتىرعا­نىن اتاپ ءوتتى. حالىققا ۇندەۋىندە ەلباسىمىز الداعى ءساۋىر ايىندا پرەزيدەنتتىك ­سايلاۋ وتكى­زۋدىڭ كونستيتۋتسيالىق ­نور­ما­لارعا سايكەستىگى ءجو­نىن­دە سەناتتىڭ سۇرانىسى بويىنشا كونستيتۋتسيالىق كەڭەستىڭ شەشىمى بولعانىن, وسى شەشىمگە نەگىزدەپ كونس­تيتۋتسيانىڭ 41-بابى بويىنشا ءساۋىر ايىنىڭ 26-سىندا پرەزيدەنتتىك سايلاۋ وتەتىنىن جاريالادى. قازاقستان الەمدەگى بارىنشا دامىعان 30 ەلدىڭ قاتارى­نا قوسىلۋعا باعىت الىپ, «نۇرلى جولدى», نۇرلى بولاشاقتى تاڭدادى. اتا-بابالارىمىز سان عاسىرلار اڭساعان «ماڭگىلىك ەل» بولۋ مۇراتىن جالپىۇلت­تىق يدەيا رەتىندە باستى باعدار ەتىپ الدى. وسىنداي جەتىستىك­كە جەتۋىمىزدىڭ نەگىزىندە قازاق ەلىن تاۋەلسىزدىكتىڭ ماڭگى تۇعىرى­نا شىعارعان, ەكونوميكالىق قيىن­شىلىقتار مەن ساياسي شيە­لەنىستەردەن الىپ شىققان ەلباسىمىزدىڭ ەرەن ەڭبەگى جاتىر. سوندىقتان بۇل تاريحي ماڭىزى ەرەكشە سايلاۋعا ەلباسىمىزدىڭ قاتىسۋى تۋرالى شەشىمىن قازاقستان حالقى ۇلكەن ۇمىتپەن, زور سەنىممەن كۇتۋدە. قورقىت اتا اتىندا­عى قى­زىلوردا مەملەكەتتىك ۋني­ۆەرسي­تەتىنىڭ وقىتۋشى-پرو­فەسسورلار قۇرامى مەن ستۋدەنت جاستارى دا پرەزيدەنتتىك سايلاۋعا بەلسەندى قا­تىسۋدى ازاماتتىق بورىشى جانە پەرزەنتتىك پارىزى دەپ بىلەدى. قىلىشباي بيسەنوۆ, قورقىت اتا اتىنداعى قمۋ رەكتورى, پروفەسسور. قىزىلوردا.