بانگلادەشتە قاراقشىلار قولىنان اتەيست-بلوگەر قازا بولدى

استانا. 1 ءساۋىر. بانگلادەشتە يسلام فۋندامەنتاليزمى مەن ولاردىڭ ءومىر ءسۇرۋ داعدىسىن سىنعا الىپ جۇرگەن 27 جاستاعى تاۋەلسىز جۋرناليست, بلوگەر ۆاشكۋر راحمان بابۋ ءولتىرىلدى. بۇل تۋرالى euronews.com حابارلادى. ونى ەكى كۇدىكتى بىرنەشە كۇن ىزىنە ءتۇسىپ اڭدىپ, ۇرىمتال تۇستا پىشاقپەن باۋىزداپ كەتكەن. پوليتسەيلەر قىلمىسكەردى جەدەل ىزدەستىرۋ بارىسىندا ەكى ادامدى قولعا ءتۇسىردى. ەكەۋى دە مەدرەسەدە ءبىلىم العان. ولار ءجۋرناليستىڭ يسلام دىنىنە قارسى جاريالاعان اقپاراتىنا كەكتەنگەن. ەستەرىڭىزگە سالا كەتەيىك, وسىدان ءبىر اي بۇرىن بانگلادەشتە اۆيدجيت رويا ەسىمدى بلوگەر قاراقشىلاردىڭ قولىنان ولگەن بولاتىن. ول دا يسلام ءدىنىن سىنعا الىپ, ءوزىن اتەيست ساناعان ەدى. ال ءدال وسىعان ۇقساس وقيعا 2013 جىلى دا تىركەلگەن-ءدى. وندا اتەيست-بلوگەر احمەدا رادجيدا حايدەرا قازا بولعان. بلوگەردىڭ ولىمىنەن سوڭ حالىق اراسىندا ۇلكەن تولقۋ ورىن العان-دى. نارازى توپ ەكىگە ءبولىنىپ, ءبىرى زايىرلى قوعامدى قالاسا, ەندى ءبىرى يسلان ءدىنىنىڭ نانىم-سەنىمىنە نۇقسان كەلتىرگەندەردى قاتاڭ جازالاۋ كەرەك دەگەن بولاتىن. تالعات رايىمبەك. دەرەك, سۋرەت; euronews.com.