الەۋمەتتىك جاعدايدى جاقسارتۋعا باعدار

كەشە استانا قالاسى اكىمدىگىندە پرەمەر-ءمينيستردىڭ ورىنباسارى بەردىبەك ساپارباەۆتىڭ توراعالىعىمەن «تۇرعىنداردىڭ الەۋمەتتىك الەۋەتى – استانا برەندى» اتتى كەڭەس بولىپ ءوتتى. كەڭەس جۇمىسىنا دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا, ءبىلىم جانە عىلىم ءمينيسترى اسلان ءسارىنجىپوۆ, مادەنيەت جانە سپورت ءمينيسترى ارىستانبەك مۇحامەدي ۇلى جانە رەسپۋبليكالىق ۇيىمداردىڭ, قالالىق باسقارمالاردىڭ, جوعارى وقۋ ورىندارىنىڭ, مەديتسينالىق مەكەمەلەردىڭ باسشىلارى قاتىستى. مەملەكەت باسشىسىنىڭ تاپسىرماسىمەن قازاقستان ۇكىمەتى اكىمدىكتەر مەن ءىرى كاسىپورىنداردىڭ, ورتالىق مەملەكەتتىك ورگانداردىڭ اراسىندا وندىرىستىك ۇردىستەردى تۇراقتاندىرۋ, ەڭبەككەرلەردىڭ ەڭبەك قۇقىعى مەن كەپىلدىكتەرىن قامتاماسىز ەتۋ جونىندەگى ءوزارا ىنتىماقتاستىق مەموراندۋمدارىن بەكىتۋ جونىندە كەڭ كولەمدى جۇمىستاردى ءىس جۇزىنە اسىرۋدا. ەلوردا اكىمدىگىندەگى القالى جيىن دا ناق وسى ماڭىزدى شاراعا ارنالعان. «الەمدىك ەكونوميكالىق داعدارىستارعا قاراماستان ءبىزدىڭ ەلىمىزدە الەۋمەتتىك سالاعا بولىنگەن شىعىندار ەشبىر قىسقارتۋعا ۇشىراعان جوق جانە بيىلعى جىلى ول 4 تريلليون تەڭگەنى قۇراپ وتىر. ەكونوميكالىق داعدارىس جاعدايىندا ۇكىمەتتىڭ باستى مىندەتى – تۇرعىنداردى ەڭبەكپەن قامتۋ جانە جۇمىسسىزدىقتى بولدىرماۋ. بۇگىندە ءبىز وسى بيىك ماقساتتاردى ءىس جۇزىنە اسىرۋ جولىندا كەشەندى جۇمىستار اتقارۋدامىز», دەدى پرەمەر-ءمينيستردىڭ ورىنباسارى ءوز سوزىندە. ۇكىمەت باسشىسىنىڭ ورىنباسارى اتاپ كورسەتكەندەي, ەلباسىنىڭ تىكەلەي تاپسىرماسىمەن ەلىمىزدە الەۋمەتتىك سالاداعى داعدارىس قيىندىقتارى بارىنشا جەڭىل بولۋ ءۇشىن ءتيىمدى جولدار قاراستىرىلۋدا. «نۇرلى جول» باعدارلاماسى بويىنشا الەۋمەتتىك سالانىڭ نىساندارىن سالۋ ماسەلەسىنە باسىمدىق بەرىلىپ وتىر. وسى ورايدا رەسپۋبليكالىق بيۋدجەتتىڭ قارجىسى ەسەبىنەن استانادا 17 الەۋمەتتىك نىسان قۇرىلىسى سالىنباق. سونىمەن بىرگە, مەكتەپ جاسىنا دەيىنگى بالالار مەكەمەلەرىنىڭ تاپشىلىعىن ازايتۋ, اپاتتى جانە ءۇش اۋىسىمدا جۇمىس ىستەيتىن مەكتەپتەردى بولدىرماۋ باعىتىندا ناتيجەلى جۇمىستار اتقارىلماق. قازىرگى تاڭدا استانادا 1 اپاتتى جانە ءۇش اۋىسىممەن جۇمىس ىستەيتىن 3 مەكتەپ بار. 2017 جىلى ەلوردادا بۇل پروبلەما تولىق شەشىمىن تابادى. ەلوردا تۇرعىندارىنا مەدي­تسينالىق قىزمەت كورسەتۋ جاعدايىن جاقسارتۋ ماقساتىندا بىرقاتار شارالار جۇزەگە اسىرىلماق. بۇل رەتتە قالاداعى مەديتسينالىق مەكەمەلەردىڭ ماتەريالدىق جابدىقتالۋىن جاقسارتۋ جانە كادرلارمەن تولىق قامتاماسىز ەتۋ ءۇشىن ءتيىستى شارالار بەلگىلەنگەن. ەلىمىزدە مەديتسينا ماماندارىن دايارلايتىن 7 جوعارى وقۋ ورنىن جىل سايىن 4 مىڭعا جۋىق ماماندار ءبىتىرىپ شىعادى. الداعى ۋاقىتتا مەديتسينالىق كادرلاردىڭ ساپاسىن جاقسارتۋ ماقساتىندا بىرقاتار شارالار اتقارىلادى. ەلىمىزدە جۇمىسسىزدىق دەڭگەيى 5 پايىز بولسا, استانادا بۇل كورسەتكىش ودان دا تومەن. الداعى ۋاقىتتا ين­دۋستريالىق-يننوۆاتسيالىق باع­دارلامانى جۇزەگە اسىرۋ بارىسىندا ەلوردادا 4 مىڭ جاڭا جۇمىس ورنى اشىلماق. «استانا بيزنەستى دامىتۋدىڭ لوكوموتيۆى بولىپ تابىلادى. ەل­وردادا جوعارى تەحنولوگيالىق ءوندىرىس وشاقتارى مولىنان شو­عىر­لانعان. باس قالامىزدا شەتەلدىك تانىمال بيزنەس وكىلدەرىنىڭ ءجا­نە بيزنەس قۇرىلىمدارىنىڭ قا­تىسۋىمەن حالىقارالىق فورۋمدار وتكىزىلىپ تۇرادى. بۇگىندە ءاربىر قازاقستاندىقتىڭ ەلورداداعى مادەني-قوعامدىق جانە ساياسي ومىرگە بەلسەندى ارالاسۋعا تولىق مۇمكىندىگى بار. بولاشاقتا ءبىز ەلوردا تۇرعىندارىنىڭ الەۋمەتتىك الەۋەتىن جاقسارتۋ ماقساتىندا قولدان كەلگەننىڭ ءبارىن جاسايتىن بولامىز. استانالىقتار ءۇشىن «تۇرعىنداردىڭ الەۋمەتتىك الەۋەتى – استانا برەندى» اتتى قاعيدا باس­تى باعدارعا اينالۋى كەرەك», دەپ اتاپ كورسەتتى ب.ساپارباەۆ. كەڭەس قورىتىندىسىندا استانا اكىمدىگى مينيسترلىكتەرمەن 2015-2017 جىلدارى دەنساۋلىق ساق­تاۋ, مادەنيەت, سپورت, الەۋمەت­تىك قورعاۋ, جۇمىسپەن قامتۋ جانە ءبىلىم بەرۋ سالالارىندا ىنتى­ما­ق­تاستىقتى قامتاماسىز ەتۋ مەمو­راندۋمدارىنا قول قويدى. اتاپ ايتقاندا, قالا اكىمى ادىلبەك جاقسىبەكوۆ پەن دەنساۋلىق ساقتاۋ جانە الەۋمەتتىك قورعاۋ ءمينيسترى ت.دۇيسەنوۆا جۇمىسپەن قامتۋ تيىمدىلىگىن ارتتىرۋ جانە ەلوردا تۇرعىندارىن ناقتى الەۋمەتتىك قورعاۋ جانە كومەك كورسەتۋ ماقسا­تىن­داعى جانە تۇرعىنداردىڭ دەن­ساۋلىعىن جاقسارتۋ ماقسا­تىن­داعى مەموراندۋمدارعا قول قويسا, مادەنيەت جانە سپورت مينيسترلىگىمەن تاريحي-مادەني مۇرالاردى دامىتۋ, ەتنوس­ارالىق كەلىسىمدى ساقتاۋ, ۇلتتىق ءتىلدى جانە مادەنيەتتى دامىتۋ كون­فەسسياارالىق تەڭدىك پەن ديالوگتى قامتاماسىز ەتۋ ماقساتىنداعى ىنتىماقتاستىق مەموراندۋمىنا قول قويىلدى. ءبىلىم جانە عىلىم مينيسترلىگى مەن اكىمدىك اراسىنداعى ءبىلىم بەرۋدى دامىتۋ جونىندەگى مەموراندۋم اياسىندا, «بيوتەحنولوگيا ۇلتتىق ورتالىعى» عىلىمي-يننوۆاتسيالىق كەشەنىن, «Astana Business Campus» عىلىمي پاركىن قۇرۋ, قۇرىلىس جانە تۇرعىن ءۇي كوممۋنالدىق-شا­رۋاشىلىعى, ەنەرگەتيكا, تۋريزم, قوناق ءۇي بيزنەسى, اق­پارات­تىق-كوممۋنيكاتسيالىق تەح­نو­لوگيا ماماندارىن دايارلاۋ ءجو­­نىندەگى «AstanaPolytechnic» تەح­نيكالىق جوعارى مەكتەپتەرىن اشۋ كوزدەلىنگەن. كەڭەسكە قاتى­سۋ­شىلاردىڭ ءبىراۋىزدى پىكىرىنشە, ءماجىلىس بارىسىندا بەكىتىلگەن مەموراندۋمدار استانا قالاسىنىڭ الەۋمەتتىك الەۋەتىن ارتتىرۋعا سەرپىن بەرەدى. جىلقىباي جاعىپار ۇلى, «ەگەمەن قازاقستان».